الانشطة اللاصفية

[om-HaSsoOon]

السلام عليكم ابلااااااااااااات شخباركم عساكم بخير

ابلاتناااااااااااااا ابي مساعده منكم ... معاكم طالبه تخصصي رياض اطفال طالبين منا نكتب عن الانشطة اللاصفية اللي بالروضة

طبعا بما انكم ابلات روضه اكيد تعرفووونها صححح

بس ابيكم تعددونها لي عشان اتاكد من عددها واساميها بالضبط واذا تكتبون لي عن كل نشاط لاصفي نبذه صغيره يعني وين يروحون وشيسوون وشنو المهارات اللي ينميها كل نشاط اكون شاكره لكم واااااااااااااايد

 

[قلب المنتدى]

شوفي حبيبتي انا بكتبلج اغلب الانشطه بس في رياض ما يطبقونهم كلهم او من الاساس ماعندهم عرفتي

المهم عندج الحركية
المطبخ
النادي العلمي
نادي المهارات اللغوية والعددية
النشاط اللاصفي البيئي
قصة
مكتبة
العروض الضوئية
استنبات
النشاط التهذيبي
موسيقى ( بمساعدة ابله الموسيقى الي تاخذهم عنج )
وعندج النشاط المبتكر وان شاء الله ماكون غفلت عن شي

 

[om-HaSsoOon]

ياحياتي فديتج وفديت ردج العسل مثلج مشكوره يزاج الله الف خير يوفقج دنياه واخره

 

[أم سعـود]

ممممممم بسم الله الرحمن الرحيم

حبيبتي انتبهي وياي

تنقسم الأنشطه اللاصفيه الى قسمين

أنشطه صفيه مبرمجه ( الحركيه ، المكتبه ، الموسيقى)

وأشنطه لاصفيه غير مبرمجه وهي :
(مطبخ ، قصه ، زراعه أو استنبات ، نشاط علمي بالبيئه ، مرسم ، مبتكر)

تقدرين تستغلين اي مناسبه في فترة اللاصفي سواء على المستوى :

- العالمي : ( يوم المعلم ، يوم العمال ، يوم الأسرة)
- الوطني الاجتماعي ( العيد الوطني ويوم التحرير ، رمضان ، القرقيعان ، العيدين )
- البيئي ( اطفاء آخر بير ، يوم التشجير أو التخضير)
- على مستوى الروضة
_ على مستوى الأطفال مثل عيد ميلاد


تبدأ الفتره بمنبه شيق يتعلق بالخبره ومن بعده يكون الدخول للدرس
ذكر نبذه مختصره عن الخبره وتذكر ماتم أخذه في العمل الجماعي
التطرق للسلوكيات والناحية التهذيبيه والوطنيه
النشاط الحركي يعني تحركينهم سواء برقصه والا مسابقه والا تمثيل حركات
عمل تغذيه راجعه لما تم تحقيقه

هناك أفكار يمكن إضافتها للنشاط اللاصفي :

- الزراعه : داخل او خارج الفصل
- مسرح العرائس : شخصيات أو احداث
- أزياء : ملابس ، اكسسوارات متنوعه تمثل حياة الشعوب عربيه و غير عربيه
نشاط اجتماعي : غرفة خاصه يمارس الاطفال اللعب المتنوع باستخدام الألعاب الجماعيه والفرديه

أتمنى أكون فدتج حبيبتي

 

[om-HaSsoOon]

مشكوووووره اكيد فدتيني الله يوفقج يارب

 

[أم سعـود]

حاظرين للطيبين

 

[Eva-SS]

اللاصفي يكون مكمل للحلقة ويكون مرتبط بالخبرة

اذكروا البنات معلومات حلوة

وممكن اللاصفي يكون مبتكر يعني ابداع فكرة من عندج
وممكن يكون تعزيز عدد أو كلمة خذوها سابقـًا بوحده من الحلقات وشفتي انهم ما تمكنوا من الكلمة أو العدد عدل فتعززينها باللاصفي ، وممكن تعزيز سلوكيات مثلا بخبرة أسرتي وأقاربي وجيراني تحطين تعزيز بر الوالدين أو صلة الرحم