الانفصال

[مدينة الاحزان]

انا كتبت من قبل موضوعي هنا وانا الان وصلت مع زوجي الى مرحلة الانفصال لاني احس صعب نعيش مع بعض انا الان بيت اهلي صار لي اكثر من اسبوعين وصلت الامور الى ان مد يده علي وماكانت المره الاولى كانت المره الرابعه لذالك الى هنا خلاص ماعادللحياتي معه اي اهميه المشكله ان هو ماخذ بنتي عنده وانا بحكم المذهب تكون معه لاكن هو مستغل ها الامر وحارمني منها جابها اول اسبوع اربع ساعات بس ورجع اخذها والى الان حارمني منها يبي يضغط علي لان المره الاولى استخدم نفس الاسلوب ونجح والان نفس الشي المره الاولى ضعفت عشان بنتي ورجعت والمره هذي انا الى الان متماسكه لا كن خايفه اضعف وكل ما طول بحرماني لبنتي اتنازل واناوالله ها المره مو ناويه ارجع لو مهما صار ودي يتم الانفصال بشكل سريع لاكن هو مو جاي يتحرك مع ان كان بالاول هو اللي على اتفه مشكله يهدد بالانفصال والان جت على طبق من ذهب لاكن يلعب على الوقت يمكن ارجع من نفسي ويكون هو خرج منها بدون لايتحمل اللي سواه ويمكن يكون انفصال وانا اللي اسعى فيه عشان يسهل عليه مواجهة اهله ويبين ان هي اللي طلبت ويبين بعدها ان مو هو السبب ويساعدوه ا ن يبدا حياه جديده وعشان يسهل عليه مواجة المجتمع

 

[سارووونه22]

الله يعينج حبيبتي

 

[BABY MASTER]

حسبي الله و نعم الوكيل ع كل ظالم

انا والله ماادري شلون ممكن افيدج بس بدعيلج

عسى الله يهونها عليج ويفرجها

 

[So MuCh PaIn]

رد : الانفصال

الله يعينج حبيبتي بس صعبه الام تكون بعيده عن ضناها الله يصبرج .... وهذا مو اسلوب مو تزعلين بس نذل شلون قاعد يضغط عليج بهالطريقه انه يحرمج من بنتج والله حرام .... واذا يصير تغيرين المحكمه غيري عشان حضانة البنت تكون لج واهو مو مهم اهم شي بنتج لا تربى بغير حضنج

 

[هاناا]

الله يفرج همج

 

[اميرة جدة]

رد : الانفصال

ياختي استهدي بالله وصلي صلاة استخاره ولاتستعجلين بالطلاق ترىمايفرح الا الشيطان وكل مشكله ولها حل ومافيه احد خالي من العيوب ارجعي عليه واشرطي الشروط الي تبينها على عشان بنتك وش ذنبها ترضين انها تربيها مرت ابوي والله يوفقكم

​

 

[ياليل مااطولك]

طبعن مدة اليد لايعملها رجل متزن او طبيعي -----ماذا اقول لكني في حيرة من هذا التصرف لان مدة اليد لاتاتي الى من امر خطير او جرم اخلاقي طبعن ان اتكلم بوجة عام اما في حالتك مد اليد من غير سبب بس هوشة ---مع احترامي لكي ان زوجك احمق وقال العرب الاحمق من تسبق يدة لسانة -------------اعذريني لني يتفطر قلبي لحالتك ===الله يكتب لكي الخير اين ما يكون

 

[Vaniela]

حبيبتي مدينه الاحزان << سمالله عليج من الاحزان
انا اخبر سالفتج ووايد اثرت فيني .. بس الحمدالله انج خذتي موقف ..
انا اقول ان كان ناوي يردج قوليله شروطج ويترك عنه حبسه البيت الي مالها سنع وان ما رضى عادي حبيبتي مب اول ولا اخر وحده تنفصل ..الاولى تتفاهمين معاه لانه انتي قبل الضعيفه بعينه ..يمكن يهون ويطخ لشافج بتهدمين الحياه لو ما استعدل !!
واذا على بنتج مب صاير لها شي عند ابوها مب عند حد غريب واهو اساسا في النهايه بيردها لج لانه ما يقعد بالبيت والياهل مسؤليه بتيننه ..
ومن بيستحمل هالبنت الا امها !! حتى لو خذاها اللحين من بيراعيهااا امه << مصيرها تمل وبيردها لج طبعا هذا اخر الحلول لمى تطلبين الطلاق الرسمي
والمذهب ماله خص في حضانه الياهل .. اسالي محامي مابتخسرين
وطمنينا عليج

والله يهديكم ثنيناتكم لما فيه الخير لكم ولبنتكم

 

[أنفاس الكويت]

رد : الانفصال

الله يهديه

 

[برونزية رشيقة]

لا تفرحين الشيطان في طلاقج .. لأن هذا أللي يبيه إبليس !
وبعدين خلي واحد من أخوانج الكبار أو أبوه يتفاهم معاه بهدور عن موضوع مد الأيد ..
ويعتذر لج جدام أخوج الكبير أو أبووووج وياخذون منه كلمة ما يطقج مرة خامسة !!!!

ويا عمري تحملي علشان البنت .. لا تتربى بعيد عنج .. باجر والله تبجين دم إذا كبرت وتربت بعيدة عنج ..
ومراح تلوم الأبو بتلومج أنتي ..
ونصيحة : إدعي أن الله يهدي زوجج .. وأقري سورة البقرة ( شهر كامل يوميااااااااااا ) في نية أن يتغير وينصلح حاله ..
أعرف وحدة جربتها وتغير زوجها 180 درجة .

 

[مدينة الاحزان]

رد : الانفصال

اشكركم خواتي على ردودكم واشكرك اختي Vaniela على كلامك اللي ريحني الله يريح بالك يارب واشكرك اختي برونزيه رشيقه هلى كلامك لاكن الاهل تدخلو قبل لاكن ماتغير ولا حتى حاول يبي يضل كذا ويقول هذي قوانينه كل شي يبي يسويه علي اسكت واقبل ولاحتى اتكلم وانا كذا مستحيل اعيش لان الانسان له طاقه

 

[dreams76]

رد : الانفصال

الله يعينج حبيبتي على هالأبتلاء وانت انسانه قويه ما شاء الله عليج اتخذتي موقف ومن ناحيه بنيتج الله يخليها لج مثل ما قالت لج اختي فانيلا ترد لج صدقيني انشاء الله

 

[لافه شعرها]

رد : الانفصال

الله يكتب لكم الي فيه الخير لج وله ولبنتكم

ليش ع بالكم الطلاق حل ترا الطلاق مشكله ثانيه

اخذ بنتك وراح يحرق قلبك عليها وماراح تخلصين ،،،،

استخيري واسمعي صوت عقلك مو قلبك

 

[مدام زيزو]

رد : الانفصال

الله يصبرج على فراق بنتج وان شاء الله ترد بس انتي صبري وادعي الله القدير على كل شي انه يسهل امورج لما يحبه ويرضاه

 

[مدينة الاحزان]

رد : الانفصال

الله يوفق كل من ردت علي صحيح ان البعض يرى ان الانفصال ليس حل لاكن الى متى الانسان له طاقه وصبر والواحد اغلى شي عنده صحته لما يفقدها وش يبقى بعد على الاقل يحاول يحافظ على اللي بقى من النفسيه مع ان بيكون فيها تعب من نوع ثاني ومعاناه جديده

 

[برونزية رشيقة]

زين ممكن أعرف شنو سبب الطق ومدة الأيد ؟؟؟؟

شكااااااااااااااااااااااااااااك ؟

وألا أنتي لسانج طويل ؟

وإلا تعاندينه ؟

الريال ترى ما يمد إيده مني والدرب ..

 

[برونزية رشيقة]

صبري وتحملي علشان بنتج والله العظيم باجر إذا كبرت راح تلومج ..
أعرف وحدة زوجها 24 ساعة سكران وسوالفه سوالف بنات ومغازل .. وكله مسافر ..
سبحان الله ما تركت الدعاء كله تدعي الله .. إن الله يهديه ويرده لبيته ردا جميلا .. ويبعده عن الساقطات ..

بعد مدة صارله حادث وتكسر وطاح بالمستشفى !!!!!!!!!!!!!!!!!!!!!!!!!!!!!!!!!!!!!!!!!
والله عطاه عمر وسلمه لأن كان ممكن يموت بهالحادث ..

طلع من المستشفى إنسان ثاني .. مجابل ربه وزوجته وأعياله والصلاة ما يتركها ..
ومعطي زوجته وأعياله حقهم وزيادة ..

شفتي أثر الدعاء شلون ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[مدينة الاحزان]

رد : الانفصال

مشكوره اختي برونزيه رشيقه لاكن شقول ولا سبب من اللي ذكرتيه ياريت واحد منهم لقول يسوى السبب اتفه من تافه السبب ان الوالد اخذ بنتي معه مشوار وعصب ليش ماقوله قبل واخذ الاذن مع العلم ان المشوار اقل من خمس دقايق شفتي السبب والله اخجل من ذكره