الاهتمام بمنطقة (------)نداء عاجل

[أحب الخير]

مرحبا خواتي
بصراحة آنه فعلا اعاني من منطقة الاباط جداً حساسه عندي بأي موسم حر أو رطوبه يصير فيها تسلخات مو طبيعيه و فعلاً تعبت ما أقدر أستخدم أي ديودرنت فيه عطر و اللي ناشف سوالي تشققات بالجلد قولولي شنو في نوع ديودرنت يصلح لي أو اللي عندها حل حق هالمشكله

 

[الغاليه نونو]

كريم فاسودين وايد زين استعمليه وانشالله تروح منج هالحساسيه ون مانفعج روحي الجلديه لازم المناطق هذى تكون دووم نظيفه لانه نادر ما تحوشها التهويه خلي لبسج بالبيت مشخلع شويه علشان تاخذين راحتج وعقب ماتتحممين نشفي المنطقه هذى زين عن الماي لانه سببها الرئيسي الرطوبه واذا تبين ديدورنت زين اخذيه من بدي شوب وايد حلوو وبارد ويبيض الاباط ومافيه مواد كيماويه وانشالله ماااعليج الا العافيه

 

[دانــــه]

انصحك تتنقعين بالبحر .. وعقبها تحاولي تهوية هالمنطقه بالاستلقاء ورفع الايدي لفوق .. المشكله عباره عن فطريات تتكون من افرازات البشره .. وبشرتك حساسه جدا



بس انصحك تبعدين عن الديودرانت .. لأنه يسد مسامات البشره


وما تشوفين شر

 

[srsr]

انا انصحج اول شي تروحين دكتور متخصص بالحساسية
وثاني شي خلطي نشا مع ماي بارد وحطي على المنطقة علشان ابرد
وماتشوفين شر بالغالية​

 

[أحب الخير]

مشكورين وايد خواتي و شنو تعرفون اسم ديودرنت طبي مثلا زين

 

[..بسمة..أمل..]

حبيبتي الديودرنت اهو اللي يسبب السواد في الاباط

اذا تبين شي عشان العرق ومنها يرطب

اخذي كريم نيفيا الابيض الخالي من الدهون

وحطي فيه شوويه شبه مطحونه

منها بيرطب المكان وما يطلع ريحه للعرق

وحبيبتي ديري بالج تحطين عطور او دهونات عود لان كل هذا يشبب مشاكل بالابطين

 

[حبنا الله عليه]

اول شيء الطبيب

وريحي شوي من المزيلات لحد ماترد المنطقة طبيعية

دهني مره من اللي يعطيج الطبيب ومره من بيبي فازلين لأنه فعلاً روعه للتسلخات وانا جربته على حرق اكسجين وحتى لتسلخات البيبي ...

اذا تحسنتي اخذي فيتشي من الصيدلية بس مو معطر لأنه في نوعين معطر وفي عادي ..

وماتشوفين شر ..

 

[أحب الخير]

الحمدالله راحت التسلخات بس شنو استخدم الحين للعنايه اليوميه ؟؟

 

[..بسمة..أمل..]

حبيبتي وخري عن الديودرنت

واخذي لج مثل ما قلت كريم نيفيا الابيض

وحطي شويه شبه مطحونه وحركيهم وخليهم مثل كريم جورجنز لا يصير حيل سائل

وكل يوم حطي منه لانه ما يطلع ريحه للعرق

 

[حنون المزيون]

اخذي ماركه ديودرنت سمبل الدكتوره مادحته لي وبصراحه عجيب ومايسبب حساسيه

 

[عروبه]

اخذي ماركه ديودرنت سمبل الدكتوره مادحته لي وبصراحه عجيب ومايسبب حساسيه

انا مجربته وايد حلو

 

[الحرير]

حبيبتي ما تشوفين شر
أفضل شي استشيري طبيبة جلديه