الاوراق الرسميه المطلوبه للوضع والامومه

[Miss305]

السلام عليكم يسعد صباحكم ومساؤكم .،،
بنات حوامل امهات بغيت اعرف شنو الاوراق المطلوبه حق دوامنا اذا ولدنا بإذن الله اجازه وضع واجازه امومه واوراقهم تختلف او كلها مع بعض لان خالتي ام زوجي تقول الله يعينج على مراكض الامومه @@ عاد انا انصمدت علبالي مع الوضع اقدمها قالت لا بروحها واجراءاتها تختلف
فياريت اللي عندها خلفيه بالموضوع تقول لنا


للعلم انا مو بالتربيه ولا مدرسه

 

[روان_الكويت]

لا مراكض ولا شي بس تاخذين من المستشفى الي ولدتي فيه ورقه انج ولدتي باليوم
ا لفلاني وتستحقين اجازه وضع ياخذها ريلج يقطها دوامج وبس هم يسون لج اجازه وضع وبس سلامتج
واذا تبين امومه ورا الوضع بلغيهم يسونها لج قبل لا تخلص الوضع ىتروحين توقعين عالاجازه واذا يصير خل احد يوقع عنج اذا ماتبين تروحين

 

[جوزائيه مغروره]

تسوين ورقه الامومه قبل لا تخلص الوضع ب ١٠ ايام ولو تاخذينها للشئون الاداريه افضل علشان لا تتاخر بالبريد

 

[رفيعة الشآآن]

علمي علمج

اب للموضوع

 

[# غنوجة بيبي #]

مااعرف داشه استفيد مثلج لان بقدم على وضع ان شاء الله

 

[مذهــلــه]

الله يجزاج الخير على الموضوع
انا نفسج والله حابه استفيد
بس اشلون على الراتب بنات ينزل كامل والا نصه؟؟

 

[glby7sas]

انا بعد بجريه مااعرف وسؤالي نفس مذهله جم استحق حق راتب كامل

 

[غالية زمانها]

حسب خيرتي بقسم السكرتاريه
حبيت افيدكم اجازه الوضع قدميها عادي بقسم السكرتاريه
ويعطونج اجازه وضع براتب كامل شهرين ..
اما اجازه الامومه خليهم يبلغونج قبلها باسبوعين عشان اتقدمينها
وفي بعضهم يطلب شهاده الميلاد للبيبي ومدت الاجازه ٤ شهور بنص راتب
وفي بعض الاحيان ٢ شهرين وضع مع شهر مع موافقه رئسه القسم راتب كامل
و٣ شهور الامونه نص راتب
بس بعد الامونه عاد يمكن مايردونج

 

[غالية زمانها]

مايردونج مكانج اذا كنتي بمدرسه
واي استفسار انا حاضررره باي وقت

 

[مذهــلــه]

بنات بالنسبه للراتب سالت رفيجتي دايم تاخذ امومه ووضع

تقول الشهرين وضع وشهر من الامومه براتب كامل لكن الثلاث الشهور الباقيه من الامومه بنص راتب

 

[# غنوجة بيبي #]

مشكورين بنات

يعني اجازة الوضع اخلي ريلي يروح المدرسه معاه ورقه من المستشفى تثبت اني والده

هذا اللي فهمته منكم مشكورين

 

[Miss305]

غاليه حبيبتي ماقصرتي بس سؤالي الاوراق مو المده لان ام زوجي تقول تكتبين كتاب بخط ايدج طلب اجازه رعايه امومه وتجيبين صور بطاقتج وعقد الزواج واراق مادري شنو اهي ماعرفت وحبيت اعرف الاوراق علشان يكون عندي خلفيه وسكرتاريه دوامنا لووووعه كلمتهم تقول كلميني وقت ثاني وانا مو فاضيه ومن هالكلام اللي يغث

 

[غالية زمانها]

مس

قلت لج حق الوضع يحتاجون :
١/ ورقه من المستشفى تثبت حالة الولاده

الامومه :
الصيغه اهما يكتبونها بس توقيعج
شهاده ميلاد البيبي

قدميها قبل لاتنتهي اجازه الوضع باسبوعييين

 

[Miss305]

مشكوره غاليه ماقصرتي