الايمييل

[هتان2009]

السلام عليكم ورحمة الله وبركاته

بنات اذا فيه احد مضايني على الايميل شلون اقدر اعرف منو صاحب او صاحبة الايميل فيه طريقه ممكن اعرف من اي رقم الايميل شابك

 

[&&ديلارا&&86]

والله ما ادري
ان شاء الله البنات يفيدونك
ما حبيت اطلع من غير ما ارد

 

[هتان2009]

مشكوره اختي ديلارا
بنات ناطرتكم............

 

[shayom al-q]

ما فهمتج ؟؟؟؟؟

 

[vogue grl]

مافي طريقه حبيبتي

 

[هتان2009]

شيوم قصدي اني ابي اعرف الايميلات اللي توصلني كم رقم الاشتراك اللي توصلني منه يعني اذا صاحب الايميل شابك من بيتهم او من ايقو شلون اطلع الرقم.
فوقو متاكده ان مافيه طريقه كلش

 

[هتان2009]

بنات شدعوا 36 مشاهده وكاشتين ناطرتكم

 

[الهجر والوجد]

ما اعتقد فيه

 

[سعودية واضحه]

حبيتبي كلش مافيه طريقه ومستحيل تعرفين
ههههههههههههههه خلاص مو لازم تعرفين لانو مافيه طريقه ههههههههههههههههههه

 

[هتان2009]

بنات اكيد لان دايما توصلني ايميلات من ايميل غريب واخر مره وصلني ايميل مكتوب فيه ترى عرفت انتي منو بنته وجمعت كل المعلومات عنج قلت يالله انا منو بنته ولا يرد يقول ما راح اقول الا بالوقت المناسب بنات انا اخاف صج فيه احد يقدر يعرف الرقم اللي انا شابكه منه ويطلع معلومات عني ويطلع عني سوالف انا خبري بس المباحث يقدرون تهقون لو احد يشتغل بالمباحث او يعرف احد فيها ممكن يعلمونه ولا هذا يجذب علي ويبي يخرعني

 

[هتان2009]

uuuuuuuuuuuuuuuuuuuuppppppppppppppp

 

[LAURA]

صدقيني سوالف شباب والله شكله مو عارف عنج شي بس يبي يخرعج احسن شي تسوينه انج تحقرينه و لا تاخذين و تعطين معاه بأي شي و عشان تريحين راسج سويله block
و فكي نفسج

 

[alb7ranya17]

سوي حق هالايميل بلوك من الهوت ميل نفسه ماعاد توصلج شي منه

 

[هتان2009]

لوراانا مطنشته بس خاف صج مطلع اسمي عشان جذي ابي اتاكد يقدر يطلع اسمي من الايميل ولا لأ

 

[تيوليب]

لا حبيبتي لا تحاتين هذولي شباب يستعبطون انتي لاتاخذين وتعطين معاه لاترديت عليه كلش مستحيل يطلع البيانات ليش الدنيا فوضى !!!!

ارقدي وآمني حبيبتي ماعليج ماكو شي ,, ههههههه لوصج على قولته جان شفتي السالفه منتشره وكل الناس يعرفون فلان من وين شابك ؟ ومعلوماته ؟؟ واتنمى اني فدتج .. ودعوه حلوه منج بلييييز >>>>> طماعه ههههههه

 

[miss_ano0oma]

شكوووو لا يبا مايصير...
لازم هكر ويدخل ع الجهاز مو الخط...؟
والخط ماحد يقدر يطلعه الا الداخليه.....

 

[هتان2009]

توليب ابشري بالدعوه بس خليها بالغيب احسن اوكي
مس انوما زين الداخليه لازم قضيه وسالفه كبيره عشان يطلعون الرقم ولا اي واحد يشتغل بالداخليه ممكن يطلعه

 

[pure feminine]

شوفي الدنيا موو فووضه

ولو السالفه جاايده وقاعده توصلج اشياء تضايقج

تقدرين ترفعين قضيه ويجيبونه لج من تحت الارض هذا الكلام سامعته من محامي

بس اذا انتي حاسه السالفه استهبال شباب وما منها ضرر غيري ايميلج وارتاحي

 

[عاشقه القيصر]

مادري بس اللي اعرفه بالمنتديات والشاتات اما المسن ماعتقد

 

[خفوق المشاعر]

انا نفسج انسانه وسواسيه ههههههه بس ترى اتوقع كل شي ممكن المهم اللي بقوله لج ترى تحملي تحتفظين باي محادثات بينج وبين ربعج في الجهاز لان اي حد يقدر يهكر ويقرا كل شي وثاني شي بنات معلوماتكم الشخصيه تحملوا تقولونها حق اي حد
وحتى يوم ميلادكم لاتكتبون الصجي اقصد لحد يكتب اليوم والشهر والسنه بالضبط نفس ماهم ترى والله بعضهم يقدر يطلع بالضبط من انولد بهاليوم والسنه بعد وعقب يقدر يطلع كل شي

الزبده سكري ايميلج هذا اللي توصلج منه مضايقات وودي الجهاز وسوي له فورمات وخلاص