البامبرز بالروضة

[مس وردة]

صج ياأبلات في يهال يدامون باااامبرز مو جنه السالفة قوية شنو مايعرفون يرحون الحمام وانتو بكرامة انا من قالتلي وحدة من الابلات بصراحه انصدمت​

 

[جبروت امرأة]

صح قويه يامس ورده لكن بعض الامهات الله يهديهم ماعودا عيالهم قبل الروضه علي استخدام الحمام

اشرايج انا عندي وحده مداومه بالبامبرز والام تقولي اذا سويتها علي نفسها بس اتصلوا علي عشان اجي واغير لها !!!!!!

يعني انا انصدمت من هالرد وخصوصا انا توني جديده مادري شلون راح اتعامل مع هذا الموقف

 

[غيمه ممطره]

رد : البامبرز بالروضة

اي العام كانوا توئم عندي يداومون بالبامرز وبعد الفطور لاتشمين ريحه الصف ،،
بس الله يذكرها بالخير الموجهه دخلت علي وريحه الصف تلوع الجبد وقالت شهالريحه ابلا عطري الصف ،،وقلت لها السالفه وخذتهم وخلت الناظره تدق علي امهم وتقولها ياما تعلمينه ياما الروضه ممنوع يدخلونها بهالشكل ،، والله اسبوعين وردتهم من غير بامبرز

 

[مس وردة]

رد : البامبرز بالروضة

واااااااااي لأ شهالأمهات 4 سنين وما يروح الحمام قويه الشرهه علي الام بصراحة انا ستغربت من السالفة وماضنيتها صج بس بعد حجيكم صدقت صراحه الله يعينكم ويعطيكم الف عافية​

 

[jooore_q8]

شكلي بهوووووووووووون مابي اتخصص رياض اطفال

 

[miss.munich]

رد : البامبرز بالروضة

داوم عندي واحد والله مسكين الحين تهاوشنا مع اهله لان شكله حاله خاصه والله مايعرف
يروح الحمام أبد .. يعني انا من نفسي انادي الخدامه ومره سواها بالفرصه تدرون ليش؟
لانه مايدري شنو اللي حوله وما يعرف شنو عيب ولا يعرف شنو خطر ..

الحالات كثيره والأهل يتحملون الجزء الأكبر !

 

[عهود الحب]

رد : البامبرز بالروضة

تشوفين حالات عجيبة بالروضة
وتسألين روحج وين الأم طول 4 سنين من يدش الروضة تنحرج وتقعد ترقع لعمرها
يعني شنو فرقوا عنا المصريات يعلمون الطفل الاعتماد على روحه بالحمام من قبل يكمل السنة
من يبدا يعرف يقعد خلاص علموه
شهالربادة والرفالة وقلة السنع
السنعة سنعة بتربية عيالها وتعوديهم
وعيال ميري واضحين وضوح الشمس

 

[مخروووشة]

الحمدلله من خلال مسيرة الخمس سنوات ليلحين ما صادفت

الله يعينا