السلام عليكم ورحمة الله وبركاته
شلونكم يا كويتيات
اشتقت لكم :eh_s(11):
انا انقطعت فترة طويله لان كنت تربيه عمليه بكلية التربيه الاساسيه من نص فبراير لي نص مايو ... وبعدها توقفت عضويتي لاني غيرت ايميلي ونطرت شهر رساله تفعيل جديده.. وها انا رجعت لكم اليوم
المهم حبيت اقولكم من خلال تجربتي ان دائما البداااايه صعبه وتضيق الخلق.. وبالنهايه تكونون تعودتوا وتعرفتوا على نقاط الضعف عندكم وتقدرون تقوونها وتصلحون اخطائكم
لما بديت تربيه عمليه حطوني بمدرسه ابتدائي صبيان.. صار فيني صدمه نفسيه انا ويا البنات اللي وياي هههههههه انا اعترف انه دلع بنات بس صج ما قدرت اتحمل الصبيان يفرون المخ ... يعورون القلب... يلعوزون ...يطلعونج من طورج...السيطره عليهم صعبه.. مطنزجيين..حركيين ...مشاغبين..تحسين ما ينفع معاهم غير مدرسين ذكور مو حريم..
كنت ما يمر اسبوع الا وانا ابجي... وحده معاي كل يوم تبجي..
اسم الله عليهم الصبيان مشاغبين حيل..وتدرسيهم اصعب ماتقدرين تقدمين حصتج من ازعاجهم وحكرتهم .. ورئيسه القسم تحط اللوم عليج.. صبر جميل والله المستعان
والابلات اللي بالمدرسه يضحكون علينا ويقولون راح تتعودون..
وكلش ما كنت مصدقه هالشي اني راح اتعود
انا شخصيتي هاديه واحب الهدوء والنظام وماحب احتك بالغرب.. شلون راح اتوظف بوظيفه جذي بس متنرفزه ومعصبه واسيطر على عيال الناس
قررت قرار صارم ان بس امسك شهادتي وعقب اقدم على اي وزاة الا التربيه ... وقطعت عهد على نفسي مستحيل اصير ابله ههههههه
اخطائنا كانت:
الصبر عندنا صفر
الخبره عندنا صفر
الرغبه في التعلم كانت صفر
بعد مرور شهرين تغير الوضع:
قدرت اسيطر عالصبيان.
قدرت اتحكم باعصابي وما اصرخ او اعلي صوتي.
قدرت اكتسب خبره بمجال التدريس.
قدرت اعرف النقاط في شخصيتي واقويها
قدرت اعطي نفسي فرصه واراقب الابلات المتميزات واقلدهم
ولما اتذكر اول شهر من الميداني اقول سبحان الله اللي يغير ولا تغير..سبحان الله الانسان شلون يكتسب خبره ومن خلال هالخبره يقدر يتأقلم مع الوضع الجديد..
التكيف نعمه من الله
المهم الخلاصه:
ان كل بدايه دائما صعبه ومو لازم يعجبج الوضع 100%
بس تظل البدايه هي الاصعب وهي اسوأ ذكرى
بس مو معنى ذلك ان حبيت التدريس حيل .. بس كرهي له خف عن اول يعني الحين عادي ودي اصير ابله واشتغل بس مو بعشق هههههه
وكذلك بأي وظيفه جديده ... وكذلك بأي مرحله من مراحل الحياة
الزواج بدايته صعبه
مولود جديد بدايته صعبه
سكن في بيت جديد بدايته صعبه
الطلاق بدايته صعبه
واخيرا الحمدلله ان الصبر له اجر
يعني عطوا نفسكم فرصه تتأقلمون
شرايكم مو جذي يصير بحياتكم؟
:eh_s(7)::eh_s(7):
اختكم
طموحه بزياده
شلونكم يا كويتيات
اشتقت لكم :eh_s(11):
انا انقطعت فترة طويله لان كنت تربيه عمليه بكلية التربيه الاساسيه من نص فبراير لي نص مايو ... وبعدها توقفت عضويتي لاني غيرت ايميلي ونطرت شهر رساله تفعيل جديده.. وها انا رجعت لكم اليوم
المهم حبيت اقولكم من خلال تجربتي ان دائما البداااايه صعبه وتضيق الخلق.. وبالنهايه تكونون تعودتوا وتعرفتوا على نقاط الضعف عندكم وتقدرون تقوونها وتصلحون اخطائكم
لما بديت تربيه عمليه حطوني بمدرسه ابتدائي صبيان.. صار فيني صدمه نفسيه انا ويا البنات اللي وياي هههههههه انا اعترف انه دلع بنات بس صج ما قدرت اتحمل الصبيان يفرون المخ ... يعورون القلب... يلعوزون ...يطلعونج من طورج...السيطره عليهم صعبه.. مطنزجيين..حركيين ...مشاغبين..تحسين ما ينفع معاهم غير مدرسين ذكور مو حريم..
كنت ما يمر اسبوع الا وانا ابجي... وحده معاي كل يوم تبجي..
اسم الله عليهم الصبيان مشاغبين حيل..وتدرسيهم اصعب ماتقدرين تقدمين حصتج من ازعاجهم وحكرتهم .. ورئيسه القسم تحط اللوم عليج.. صبر جميل والله المستعان
والابلات اللي بالمدرسه يضحكون علينا ويقولون راح تتعودون..
وكلش ما كنت مصدقه هالشي اني راح اتعود
انا شخصيتي هاديه واحب الهدوء والنظام وماحب احتك بالغرب.. شلون راح اتوظف بوظيفه جذي بس متنرفزه ومعصبه واسيطر على عيال الناس
قررت قرار صارم ان بس امسك شهادتي وعقب اقدم على اي وزاة الا التربيه ... وقطعت عهد على نفسي مستحيل اصير ابله ههههههه
اخطائنا كانت:
الصبر عندنا صفر
الخبره عندنا صفر
الرغبه في التعلم كانت صفر
بعد مرور شهرين تغير الوضع:
قدرت اسيطر عالصبيان.
قدرت اتحكم باعصابي وما اصرخ او اعلي صوتي.
قدرت اكتسب خبره بمجال التدريس.
قدرت اعرف النقاط في شخصيتي واقويها
قدرت اعطي نفسي فرصه واراقب الابلات المتميزات واقلدهم
ولما اتذكر اول شهر من الميداني اقول سبحان الله اللي يغير ولا تغير..سبحان الله الانسان شلون يكتسب خبره ومن خلال هالخبره يقدر يتأقلم مع الوضع الجديد..
التكيف نعمه من الله
المهم الخلاصه:
ان كل بدايه دائما صعبه ومو لازم يعجبج الوضع 100%
بس تظل البدايه هي الاصعب وهي اسوأ ذكرى
بس مو معنى ذلك ان حبيت التدريس حيل .. بس كرهي له خف عن اول يعني الحين عادي ودي اصير ابله واشتغل بس مو بعشق هههههه
وكذلك بأي وظيفه جديده ... وكذلك بأي مرحله من مراحل الحياة
الزواج بدايته صعبه
مولود جديد بدايته صعبه
سكن في بيت جديد بدايته صعبه
الطلاق بدايته صعبه
واخيرا الحمدلله ان الصبر له اجر
يعني عطوا نفسكم فرصه تتأقلمون
شرايكم مو جذي يصير بحياتكم؟
:eh_s(7)::eh_s(7):
اختكم
طموحه بزياده
