البريوش اللذيذ بثلاث حشوات

[<miss botamba>]

السلام عليكم ورحمه الله وبركاته


مثل ماعودتكم ما اييب الا الزين

اليوم يايبه لكم بريوش لذيييييييذ يصلح حق الي حدها متوهقه وماتعرف تطبخ او عندكم ضيوف وتبون شي سريع او مثل حالتنا نبي خفايف حق رمضان


الي تحتاجونه:


بريوش سواء الكبير او الصمون الصغار


للحشوه:

دياي مسحب او مكعبات او هوت دوغ او مورتديلا

بصل جوانح

ثوم

فلفل بارد مكعبات

جزر مبشور

بهار مشكل اي نوع او اي بهارات تحبونها وممكن بس كاري

مكعب ماجي


(الهوت دوغ والمورتديلا احلى بالصوص الساده بدون اضافات الصوص الاول وبس فلفل بارد وبصل بدون جزر)




الصوص:


تختارون واحد من هذول



اما:



3/4 علبه كريمه مع شوي قيمر وشوي جبن قلاص


او:


بصل مفروم مع ثوم شويه وماشروم فريش او قواطي شرايح تحمسونهم مع بعض مع كاري وفلفل اسود بودر واحمر بودر و شوي ماجي نص مكعب و 3/4 كريمه و شوي قيمر وشوي جبن قلاص






الطريقه:



تحمسون مكونات الحشوه مع بعض وتبهرونهم


تحشون البريوش او الصمون


تصبون عليهم الخلطه


ترشونهم جبن موتزاريلا و شيدر مكس مع بعض


تدخلونهم الفرن لين يتحمش الوي



وبالعافيه




:eh_s(17)::eh_s(17):

 

[نووووونا]

الله يعافيج وتسلم الايادى

 

[فدوووش]

تسلم ايدك

 

[نووووونا]

امس سويته عالفطور روعه الطعم

مشكوره

 

[<miss botamba>]

امس سويته عالفطور روعه الطعم

مشكوره

بالعاااااافيه :eh_s(22)::eh_s(22):

 

[M!SS.LOBY]

مشكوووورة

 

[M!SS.LOBY]

تسلم الاياااادي

 

[ABEER FLOWER]

مشكورة و تسلم إيدج

 

[جوري الصالح]

لــــــذيذ

 

[فوزيه الراسي]

مشكوورة يا عسسسل

 

[نوف الصقعبي]

مس مس حسافه ليش موحاطه صور قلبي​

 

[M!SS.LOBY]

يعطيج العافية

 

[فيلجاويه كيوت]

يميمي

مايصير الصمون لين ؟

 

[أحلى همبه كويتية]

يسلموووووووووووووووووووووووو حبيبتي

انا اسويه بس بدون الخلطة الأخيرة
بجربها مبين انها روعه

 

[sweet*dream]

ابدعتي مشكوووورة