البس طويل او قصير

[ميمي القحطاني]

السلام عليكم
مرحباً بنات كيفكم
بنات أبي اشاوركم
أنا متملكه وزواجي بعد سنه أن شاء الله
أهلي زوجي شافوني نظره شرعيه طلعت لهم وكنت لبسه فستان طويل
وبعد ماسلمت ورحت أمي وأم زوجي جلسوا يتكلمون عن حيا البنات ولبسهم
قالت أم زوجي الحين الرجال ماعاد يبون الحيا ومايبون اللبس الطويل
عاد أمي تقولي شكلها تبي لبسك قصير ع الموضه وحركات
المشكله ان أم زوجي وخواته بيجونا في عيد رمضان ان شاء الله يسلمون ع أهلي وأنا لازم اطلع اسلم عليهم?
محتاره مره ف اللبس البس طويل وإلا قصير أنا طويله ومليانه
تكفوووووون بنات عطوني رأيكم
أخاف البس طويل ويقولن ماتعرف تلبس دائم طويل
وأخاف البس قصير ويقولن ماتستحي مطلعه كرعانها

 

[سكرررة]

لبسي اللي انتي مقتنعه فيه ويعكس شخصيتج مو كل طويل او قصير ممكن يكون حلو عليج اختاري ستايل انتي حابته والاهم يكون لايق عليج وذرب مو علشان ترضين الغير تلبسين شي ممكن يطلعج بشكل مو حلو اهما اهل زوجج ولهم التقدير والاحترام بس لبسج يرجع لج هذي حريه شخصيه ما حد يدخل فيها الا ريلج

دوري ستايلات حلوووه وكششخه وذربه وحرصي ان الستايل تكونين متميزه فيه لانج عروس مو حلوه وحده من اهلج او اهل ريلج تطلع لابسه ستايل قريب منج خليج متميزه فنفس الوقت يكون ذرب وناعم ويلوق عليج وربي يوفقج حبيبتي

 

[ميمي القحطاني]

مشكوره سكررره ماقصرتي ي قلبي