البضاعه الصينية بأسعار خياليه بالأفنيوز

[ذويقه و انيقه]

السلام عليكم
اليوم رحت الافنيوز ودشيت محل معروف و راقي و غالي ولا ششوف . قمصان المواقع الصينية اللي اذا ذبحت روحها تطلع ب 20 دينار , تهقون على جم ؟ من 40الى 110 والله حرام نفسهم و صناعة صينية و يوم قلت حق الموظفه اللي تبيع اني شايفتهم على 12 و 15 تدودهت جان تقول لا اهي صناعه صينيه بس الماتيريال فرنسي . و الله ما ادري بعد جان القماش غير بس هو قماش ململ نفس الصيني . ديرو بالكم يا الحبيبات .

 

[زلابيا]

شسم المحل ؟؟؟

 

[bombo]

اي والله صاجه صرنا مقصه و يدرون فينا مانشتري الا اذا كان الشي غالي

 

[غوالي76]

دزيلي اسم المحل حبيبتي

 

[ذويقه و انيقه]

آنا ما اقدر اكتب اسمه بس روحوا فوق جهة المحلات اللي توها فاتحه هو محل معروف و له افرع في السالمية يبيع بعد جناط و احذية

 

[ضايعة في الحب]

مشكزرة حبيبتي على هالنصيحة

والله يستر يا كثر ما ينصبون علينا

 

[الام المحبه]

حبيبتي
ممكن اسم المحل عالخاص

وشكرا

 

[زيـنـه]

لازم تقولين اسم المحل ؟
و بعدين مو جايز المواقع الصينيه اهي اللي مقلده هالماركه ؟؟؟

 

[ام الغالين]

والله صرنا مقصه واحنا بس نشتري بس اخبال

 

[ذويقه و انيقه]

حبيبتي زينه و الله كلامج جايز و آنا قلت من قبل يمكن الموظفه كلامها صح علشان جذي ما حطيت اسم المحل . بس اللي تبيع قالت لي صناعة صينية و القماش فرنسي . بس طبق الاصل وشايفه بعضهم بمول المنتدى

 

[^^DADDIES GIRL^^]

عادي صج وجنه العيد واحنا مثل المينن ركضه نشتري

 

[أساور]

شسم المحل عاد؟

 

[ام الزين كله]

ممكن اسم المحل لو سمحتي لاني مرة رحت معرض و شريت بلوزة ب 21 دك و لقيتها بسوق السالمية ب 7 دنانير !!!!! والله انقهرت و انبطت جبدي :eh_s(14)::eh_s(14): جان اشتري منها 2 بالوان ثانية:cxxxp:

 

[cute_mariam]

حبيبتي
ممكن اسم المحل عالخاص

وشكرا

:tek:

 

[شيهانه]

شنو اسم المحل خل انتحذر ...

 

[V i o L e T a]

شنو اسم المحل ممكن عالخاص علشان نتاكد بعد احنا!!

 

[Betty]

اي بليز نبي اسمه عالخاص ما عليج أمر حبيبتي

 

[بطة رشيقة]

مو على الخاص حطيه هنى عشان ما نشترى منه ...

 

[الدروازه]

توكم تدرون انا صرنا مقصه ....................... ويه من زمان قاصين علينا ...................


هههههههههههههههههههههههههههههه

بس ما نتوب نروح ونشتري منهم واحنا نضحك .....

 

[طموحه]

لا تنسين انهم بيطلعون اجار المحل و معاشات البياعين