البعض ينصح بالحكومي والبعض بالخاص؟حيرتووني

[no0ona_100]

السلام عليكم ورحمة الله وبركاته

عيييييييييدكم مبااارك وكل عام وانتم بخير وبصحة وسلامة يااارب

حبايبي وااااااااااايد تعبت نفسيا وان شالله اخر سؤال اسأله
فديتكم متحمليني وماتقصروون معاي وتجاوبوني بصدر وسيع...فديتكم والله

سؤالي..

انصحوووني وين أراجع؟؟وين أولد؟؟

مستشفى حكومي او مستشفى خاص؟؟.....مستشفى الصباح؟؟العدان؟؟دار الشفا ؟؟طيبة كلينيك؟

ياليت تنصحوني بشغلات تفيدني قبل لا اروح أولد ماعرف شسوي ؟؟؟ولا شنو اخذ معاي؟؟
وبس........

والله يوفق الجميع وسمة حلوة علينا وعليكم يااارب

 

[سموره 87]

خاص طبعا

 

[مألوفة]

انا انصحج بالخاص اختي

انا شخصيا بحمالي اراجع بمستشفى المواساة وولدت فيه وكانت ولادتي تهبل وعنايتهم مو صج حلوة وايد ودكتورتي تهبل

 

[كويتيه مذهله 87]

حبيبتي كل بنت الي ولدت بالخاص او الحكومه بتمدح المستشفي الي ولدت فيه ووايد مستشفياات بالكويت وراح تحتارين

الولاده تيسير من رب العالمين والسهاله منه

 

[om MaRyooM]

اذا عندج حاله صحية معينو الصباح افضل

بس اذا ماتشتكين من شي الخااااص اكيد لان عندهم اهتمام والمعاملة تكون زينة
وهذا اهم شي تحتاجه الوالده



والعدان لايحووووووشج لو مهما كانت الظروف

 

[no0ona_100]

امممممممممممممم يعني وين

ابي امي .....يماااااااااااااااا تعالي شوفي بنتج

ايهئ ايهئ.................الله يردج بسلامة يمة ....مكانج خالي...عسا الله يشفيج ويهون على بنوووتج

 

[يا حلاتكمـ]

انا راجعت بحماااالي الاول الحكومي والخاص الحكومي افضضضضل

الخاص كله يبون فلوووس تحاليل واشعه لو مافيج ششششي وهذا من غيرررر الانتظار بساعات

هذا عندنا بسعوديه....!!!

 

[La t7atini]

والله انا بعد هذي مشكلتي

اراجع بطيبة

وبروح افتح ملف بالهادي
بشوف دكتورة بهواني هالي يمدحونها

وهم ودي افتح ملف بالحكومة
لان مره رحت اسوي تحليل ماستقبلوني
قسم الحوامل قالولي افتحي ملف اول

والله مادري للحين ماحددت وين اولد

دووخه سراحة والله يهوون علينا ياارب

 

[بخـــارى]

خاص

 

[بدوية بملامح كشميرية 86]

اولا
الله. يشفي. امج. ويردها. لج. بالسلامه. ياااارب



انصحج. بالخااااص.

 

[منو انت]

صج ان كل شي بيد رب العالمين

بس هذا مايمنع ان تولدين بخاص يكفي الخصوصيه والهدوء والمكان نظييف

 

[بيتي بوب بس كويتيه]

جربت الحكومه تراه بهذله صج شطار بس معامله كلش مو شي
عادي السستر تزفج والدكتور لما تسالينه ما يرد عليج
والحياه سعيده
واهلج ما يدرون عنج لما تولدين وتخلصين يالله

 

[ملوكـه]

الخااااااااااااااص طبعااااااااااا ..

<< مجربه الحكوووومي وان شاء الله ولادتي هذه بخاص
ويارب تسخر لي دكتورتي والممرضااااات .

 

[مشغوله و محتاسه]

انا جربت الاثنين ..

و تجاربي فيهم اثنينهم الحمدلله كانت زينه


انتي شوفي ترتاحين حق شنو و روحي له


الحكومة ميزتهم .. انهم يقولون الصج و مصلحة المريضة اول مو مصلحة المستشفى ... تجهيز مستشفى الحكومة افضل .. بدليل ان الخاص اذا لا سمح الله تعسرت الولادة او البيبي تعبان يحولونه حكومه علطول ... و عندهم طولة بال بالولادة ما يتسعجلون على المريضة او يستسهلون القيصرية او الطلق الصناعي
و الصباح ما عليه كلام من كل النواحي

الخاص .. التعامل احسن و عندهم طولة بال التعامل مع المرضى و الرد على الاستفسارات و هذا شي طبيعي لانه خاص رزقه على التعامل


الله يسهل عليج



ام مريوم ... متى خبرج بالعدان ؟ ترا تطور وايد الحين و يمدحونه ..

 

[@ام يوسف@]

اااب

 

[لعبير]

ااب​

 

[فاقده ابوهاااا]

الصباح جربتهم ومن بعدها قلت لو شيصير لو مافي مستشفى غيره هم ما اروحله .. السسترات اجرام فيهم ويطقون اذا بجيتي او صارختي والخياط عادي يخلونج فوق الساعه وانتي مكشوفه على ما تيي الدكتوره الي تخيطج ولا اهتمام ولا بطيخ اقط فلوسي ان شاء الله بالآف بس ما اعيد التجربه على الاقل في وحده فوق راسي واهتمام

 

[*فاصوليا*]

الصباح يطقون!!؟
ترى السهاله من الله ولا احد بخفف عليج طلقج ومحد بيطلع الراس غير رب العالمين
انا ولادت مرتين بالصباح
اامرة الاولى كنت اراجع بخاص انطر جم ساعه عالدور وسونار بكل مراجعه
واخر شي وانا بالتاسع البيبي مات في بطني ما قالو ولاشي بس عطوني تحويل عالصباح
ورحت الصباح فرقققق بالمعامله
وبالناثي مراجعتي كلا بالصباح ووفرق اهتمام وتحاليل شامله وسونار
ومايسون سونار كل شهر يقولون يضر مو زين

بختصار ارتحت حق الصباح والسهالات من الله مو من الاطبه
والله يسهل عالجميع ان شاءلله

 

[~*~الملكة~*~]

انا راجعت بالاثنين النطره نفسها والزحمه نفسها ماحسيت في فرق

 

[حياتي زوجي&ولدي]

الله يسهل عليج

الخاااص