البنات ألي يمشون يوميا ممكن تدخلون ؟

[الراقية]

لما كنت بامريكا كنت اسمع عن وحده كانت توها والده , كانت تحط بيبيها في العربانه وتمشي 4 ساعات في اليوم وكانت تنزل في اليوم الواحد باوند ,,, طبعا الباوند اقل من الكيلو ,,, بس حيل وناسه عاد قلت بسوي مثلها ورحت الممشى ذاك اليوم وولدي بالعربانه وكل ما مر احد قال حرام ولدج ليش يايببته الممشى ,,, طبعا كان الجو حلو ذاك اليوم , بس مارحت مره ثانيه جان زين مثل امريكا ماكو تعقيدات

 

[نيــلــوفــر]

واله استفدت من موضوعج انا بعد كنت اعاني من هالشي واسفدت من شرح الاخت مستمعه كويتية

 

[منارة الإيمان]

مساء الخير

العفو " بسومة " حاضرين للطيبين

الحمدالله إني قدرت أفيدج ولو بشكل بسيط ...

بالنسبة لموضوع عطلة نهاية الأسبوع ...
بالعكس أصلا حلو إنج تكسرين روتينج ...و بعد علشان ما تملين من المشي

حاولي إنج ما تخربطين بالأكل خلال هاليومين ...
و بالنسبة للرياضة آنا عن نفسي عندي جهاز الغزال الطائر
وايد ممتع و بنفس الوقت نتايجه حلوه
وغير جذي ... أدري بتضحكين من كلامي بس جد حاولي تهرولين في مكانج ولو لمدة 5 على الأقل
ترى تسوي شغل و مع الوقت زيدي المدة و كرري الحركة خلال اليوم

موفقه
​

يا مساااااء النور والجوري الأحمر

حبوبة أنا ودي أستخدم جهاز الغزال الطاير .. بس أسم الله عليج عندي ركبتي .. راااايحة فيها .. فاطبيعة الحركة بالجهاز المذكور .. يسبب لي ضغط شدييييد على الركبة .. وللعلم الجهاز هذا مفيييييد للجهاز الحركي أيضا ..

وإن كان على الخمييس والجمعة خوش شئ بنتم نهرول:ada: بمكانه أليين تطق ركبتنا :krkrkr: هههههههه الله يعافينا وياااج ...

جزاااج الله خير حبيبتى ولا تحرمينا من مداخلاتج الحلوة والمفيييدة .. الله يحفظج .

 

[منارة الإيمان]

حبيبتى الراقية

أنا أشجعج على أنج تمشيين وما عليج من أحد .. بس يااااليت جونا مثل جو أمرييكا .. جان نقعد نتفرفررر طووول اليوم ..وما يهمنا احد

يعني وليدج أخذي معاج لصاار الجو حلو .. لكن بالحررر أو البرد طبعا ما ننصحج

يالله تشجعي وأمشي هالأيام قبل ليشتد الحر بعدين ..

موفقه

 

[الراقية]

والله ماكو غير جذي بسومه , بمشي وبمشي علشان اصير رشيقة واخذ معاي ولدي علشان يصير رياضي من الحين

 

[الواثقه بالله]

الغزال الطائر

شلون طريقته

يعني شنو يشد أكثر شي ؟

وكم دقيقه اسويه ؟

ومتى يبدي يبين مفعوله في شد الجسم ؟

 

[ظلال القرآن]

توني باديه الله يعين