البنات اللي عندهم خبره في تزيين الككاو وتغليف الهدايا ابيكم ظرووووووووووووووري

[ام كرز]

السلام عليكم


بنات شخباركم شمسوين وبصراحه الشغل اللي اشوفه وايد حلو ومشاءالله عليكم شغل مرتب

عزيزاتي انا عندي خبره بسيطه بتغليف الهدايا واحب هالشي وحتا وانا صغيره كنت اغلف حق خواتي وحقي حق اعياد الميلاد واحب البساطه وايد واذا سافرنا ولا طلعنا مكان لازم افتر صوب الهدايا والشرايط والجياس وهالسوالف... إلخ

فودي اجرب ازين الككاو واشتري شرايط وخام وريش واشياء حلوه وراقيه ..ألخ فناتق يعني بس مادري من وين ابدي؟ شنو الاشياء الاساسيه اللي اشتريها؟ ومن وينوياليت تعطوني افكار بسيطه جداااااااا وانا اقدر ابدع بأذن الله

ابيكم تساعدوني وين اشتري اغراض التزيين حق الككاو؟؟؟ وشنو اساسياتها؟؟ وافكار بسيطه وهم حق التغليف وين فيه اماكن غير مركز السلطان والمكاتب؟؟

وناطرتكم بليز لا تطنشوني​

 

[دلوعة امها]

هلا وغلا فيج حبيبتي والله يوفقج ان شاءالله ,الأغراض الأساسيه والضروريه كالتالي :مسدس الصمغ الحراري اخذي الحجمين الكبير والصغير ,ريبونات جميع الألوان واهم شي الفضي والذهبي والبرونزي وكل ماكانت الألوان فيها جليتر ولمعه كان التغليف اكشخ وارقى,كريستال للتزيين ,وورد هم ينفعج بالتغليف,ورق هدايا ,لزاق شفاف انا استعمل الدبل فيس والباهت وايد حلو مايبين , علب حق الككاو وصناديق وصواني ,طبعا في اشياء تقدرين تشترينهم من السرداب اللي بحولي والباجي تقدرين تشكلين من المكتبات من ايكيا يعني كل مايعجبج شي تاخذينه .وأي استفسار اخيتج بالخدمه حبيبتي .

 

[أم حيدر]

هلا ام كرز.. انا وايد احب شغل التغليف وبكل المناسبات انا اغلف بايدي .. المهم اهم شي انج اول شي تاخذين جولة على الاماكن اللي يغلفون فيها هدايا وعلى محلات الكاكاو عشان يصير عندج خلفية عن الأشكال .

ثاني شي تخيلي فكرة فبالج بألوانها مثلا ككاو مواليد لون أزرق.. بعدين في سرداب اللي بحولي وين العمارة اللي فيها محل بياع الورد نفس العمارة بالسرداب صايرة جبال مستشفى دار الشفا .. هذا تلاقين عندي مليون فكرة وفكرة.

دايما الاساسيات صمغ السليكون + شرايط على حسب المناسبة + الشي اللي بتحطين في الهدية _ اما علب صغيرة او اكياس صغيرة الخ .....)+ الديكور اللي بتزينين في الهدية وعندج واااااايد افكار على سبيل المثال السيراميكات الصغار اللي اشكال بيبيات او عساكم من عوادة او مسابيح وجذي

روحي واخذي فكرة وانتي بروحج بتبدعين

 

[ساره ستايل]

الخوات ماقصروا بالاساسيات .. وحبيت اضيف جم شغله :
ورق سلوفان شفاف لتغليف الهدية عقب ما تغلفينها وتخلصين
عشان ما تتخترب من الشيل والحط
لااااااااازم يكون عندج مكان حق اغراظ التغليف
يعني كبت فيه ارفف أو ادرج

كل درج مخصص حق شي معين .. واغراظ التغليف لازم تنحط داخل صناديق
شفافه بلاستيك وتكتبين على ستيكرز اصغير من بره هالصندوق شنو فيه من داخل
يعني صندوق حق الشرايط
صندوق حق الورود (الصغيره ابرروح والكبيرة ابروح) الخ....
عشان وقت الشغل ما تتدودهين وتتكود اغراظج حوالينج عالفاظي

وبعد اشتري تكرمين سلة ازباله عووووووده لأن التغليف راح ايخلف مجموعه
كبيرة من المهملات من اوراق وجلاليد وبقايا شرايط..
ف مو كل شوي امغيرة جيس الزباله تكرمين .. ختكون كبيرة اريح لج

ولاتنسين تشترين لج مجموعه متنوعه الاشكال والاحجام من اكياس الهدايا
عشان اتحطين فيها الهدية عقب ما اتغلفينها

والاماكن .. بالاضافه للي قالوهم خواتي دلوعة امها وام حيدر
عندج معلم حولي فوق في جم محل .. ومحاميد السالميه شارع سالم المبارك مقابل مركز الجوهرة. عندج بعد سوق رامز إييب صناديق خشب حلوة
واشياء وايد حلوة بعد تنفعج حق هالشغله.

وكل ماشفتي شي يصلح لتغليف هدية او ككاو ..
اشتريه وخشيه .. لأن يمكن عقب اذا بغيتيه
ماراح اتحصلينه (عن تجربة)

اي سؤال انشالله مانقصر معاج

 

[ام كرز]

هلا وغلا فيج حبيبتي والله يوفقج ان شاءالله ,الأغراض الأساسيه والضروريه كالتالي :مسدس الصمغ الحراري اخذي الحجمين الكبير والصغير ,ريبونات جميع الألوان واهم شي الفضي والذهبي والبرونزي وكل ماكانت الألوان فيها جليتر ولمعه كان التغليف اكشخ وارقى,كريستال للتزيين ,وورد هم ينفعج بالتغليف,ورق هدايا ,لزاق شفاف انا استعمل الدبل فيس والباهت وايد حلو مايبين , علب حق الككاو وصناديق وصواني ,طبعا في اشياء تقدرين تشترينهم من السرداب اللي بحولي والباجي تقدرين تشكلين من المكتبات من ايكيا يعني كل مايعجبج شي تاخذينه .وأي استفسار اخيتج بالخدمه حبيبتي .

يابعد قلبي والله ماتقصرين ومشكوووووره وايد بما اني يديده ترى ماعرفت من هالاغراض الا المسدس والورق ما الهدايا والورد المجفف وعلب وصناديق وصواني

ريبونات شلون اشكالهم؟؟؟ والكرستال صدقج الشوارفسكي اللي نحطه بالهدوم؟ واللزاق الشفاف يعطي لونين لزاق يلزق ولا شريطه؟ ياليت تفهمني وانا اسفه اذا تعبتج وياي بس ودي اعرف

واذا عندكم صور حق الشغلات ياليت ماتبخلون علي؟

 

[ام كرز]

هلا ام كرز.. انا وايد احب شغل التغليف وبكل المناسبات انا اغلف بايدي .. المهم اهم شي انج اول شي تاخذين جولة على الاماكن اللي يغلفون فيها هدايا وعلى محلات الكاكاو عشان يصير عندج خلفية عن الأشكال .

ثاني شي تخيلي فكرة فبالج بألوانها مثلا ككاو مواليد لون أزرق.. بعدين في سرداب اللي بحولي وين العمارة اللي فيها محل بياع الورد نفس العمارة بالسرداب صايرة جبال مستشفى دار الشفا .. هذا تلاقين عندي مليون فكرة وفكرة.

دايما الاساسيات صمغ السليكون + شرايط على حسب المناسبة + الشي اللي بتحطين في الهدية _ اما علب صغيرة او اكياس صغيرة الخ .....)+ الديكور اللي بتزينين في الهدية وعندج واااااايد افكار على سبيل المثال السيراميكات الصغار اللي اشكال بيبيات او عساكم من عوادة او مسابيح وجذي

روحي واخذي فكرة وانتي بروحج بتبدعين

ماتقصرين ياقلبي

بس

هالسوالف كلها القاها جدام دار الشفا المجمه اللي فيه بياع الورد تحت فيه هالسوالف؟؟؟ وشلون اسعارهم حلوه؟ السيراميكات اللي بالبلوكات؟ لقيت وايد على مميه مالت الياهل وعلى هلال حق رمضان هذيله؟

 

[ساره ستايل]

ام كرز
انا عندي اشكثر مواضيع عن تغليف الهدايا
وعندي موضوع امثبت بعد اهنيه ابهالقسم
دشي وطبي وتخيري

 

[ام كرز]

الخوات ماقصروا بالاساسيات .. وحبيت اضيف جم شغله :
ورق سلوفان شفاف لتغليف الهدية عقب ما تغلفينها وتخلصين
عشان ما تتخترب من الشيل والحط
لااااااااازم يكون عندج مكان حق اغراظ التغليف
يعني كبت فيه ارفف أو ادرج

كل درج مخصص حق شي معين .. واغراظ التغليف لازم تنحط داخل صناديق
شفافه بلاستيك وتكتبين على ستيكرز اصغير من بره هالصندوق شنو فيه من داخل
يعني صندوق حق الشرايط
صندوق حق الورود (الصغيره ابرروح والكبيرة ابروح) الخ....
عشان وقت الشغل ما تتدودهين وتتكود اغراظج حوالينج عالفاظي

وبعد اشتري تكرمين سلة ازباله عووووووده لأن التغليف راح ايخلف مجموعه
كبيرة من المهملات من اوراق وجلاليد وبقايا شرايط..
ف مو كل شوي امغيرة جيس الزباله تكرمين .. ختكون كبيرة اريح لج

ولاتنسين تشترين لج مجموعه متنوعه الاشكال والاحجام من اكياس الهدايا
عشان اتحطين فيها الهدية عقب ما اتغلفينها

والاماكن .. بالاضافه للي قالوهم خواتي دلوعة امها وام حيدر
عندج معلم حولي فوق في جم محل .. ومحاميد السالميه شارع سالم المبارك مقابل مركز الجوهرة. عندج بعد سوق رامز إييب صناديق خشب حلوة
واشياء وايد حلوة بعد تنفعج حق هالشغله.

وكل ماشفتي شي يصلح لتغليف هدية او ككاو ..
اشتريه وخشيه .. لأن يمكن عقب اذا بغيتيه
ماراح اتحصلينه (عن تجربة)

اي سؤال انشالله مانقصر معاج

مشكووووووووووره يا الغاليه وماتقصرين يعني اللي فهمته انه اغلب الاسواق الشعيسه عندهم هالسوالف المعلم اللي بحولي والمحاميد اللي بالسالميه ورامز بس مادل انا ممكن توصفين لي وصف بسيط اذا ماعليج امر؟؟؟

واكون شاكرتلج

 

[ام كرز]

ام كرز
انا عندي اشكثر مواضيع عن تغليف الهدايا
وعندي موضوع امثبت بعد اهنيه ابهالقسم
دشي وطبي وتخيري

يابعد عمري انتي والله وتسلم ايدج يعني عادي اخذ من افكارج واجرب اطبق؟؟ اخاف حقوق الطبع محفوظه بس شكلج عطيتيني الضوء الاخضر :eh_s(9): وان شاء الله انطبق بس بخصص بالبيت مكان حق هالسوالف وبشتري صناديق واشتري اغراض وبعدين ابلش بس قاعده اخذ افكاااااااااار والسوالف اللي لازم اشتريها وفديتكم ماتقصرووووووووووووووووون


والله لا يحرمنا منكم يارب

 

[ساره ستايل]

ام كرز :
رامز بالشويخ بس بالضبط وين (وهقتيني ) ما اعرف اوصف حق احد
اصلا انا اساسا ما ادله

والافكار حلال بلال عليج
اخذي اللي تبين وادعيلي انا واعيالي وريلي

 

[جرح الليالي]

رامز قبال سوق لندن تقريبا ان ما خاب ظني

والله يوفقج حبيبتي

ما شالله البنات ما قصروا وما خلولي شي اضيفه

 

[supermarket]

السيراميك تحصلينهم بزهور الشرقيه ( بياع الورد )

ماله داعي تروحين البلوكات

 

[lulucaty]

التوفيق حبيبتى

 

[طالبة]

يعطيج العافية أم كرز
في محل مختص حق سوالف التغليف الهدايا و هل شغلات هذا المحل وااااااااااايد حلو رخيص و بيع بدرازن اسمة بياع الورد بحولى روحيلة و شوفى لانة وايد وايد حلو
الله يوفقج يا قلبى
طالبة

 

[مـسـك العجمي]

عندج بيلع الورد بحولي مقابل الشفا
بيت الهدايا بالفروانيه شارع المطافي
الجمال خلف الصيداوي بالشويخ
اذا رحتي وشفتي شنو عندهم تطلع الافكار