البنات اللي يدرسون بمصر ابيكم ضروري تكفون ...

[* بنت المطر *]

السلام عليكم :::



بنات تكفون ذبحني طموحي وابي ادرس وميته ع الدراسه بمصر ابي شهادة البكالريوس ودي اعدل

وضعي _ انا شهادتي دبلوم واشتغل اداريه بوزارة التربيه _ وودي اكمل تكفون يابنات حدي غشيمه وابي

اللي تساعدني وتجاوبني ع كم سؤال ؟؟؟

هل وزارة التربيه تعطيني تفرغ للدراسه اذا كنت موظفه يديده ؟؟

هل الحكومه تساعدني يعني تمولني ؟ او تدفع لي رسوم الجامعه ؟؟؟

شنو التخصصات المتاحه هناك ؟؟ وشنو افضل الجامعات والاونس ؟؟

لا بغيت اقدم وين اروح وشلون طريقة التقديم ؟؟؟؟

تكفون يابنات لاتبخلون علي حدي الطموح ذابحني وتفكير ليل نهار

ناطره ردودكم ع نار فديتكم ​

 

[حكاية انثى]

والله عندي جواب لجم سؤال

هل وزارة التربيه تعطيني تفرغ للدراسه اذا كنت موظفه يديده ؟؟
جنه اذا ماكملتي سنه او 6 شهور تقريبا لا

هل الحكومه تساعدني يعني تمولني ؟ او تدفع لي رسوم الجامعه ؟؟؟
مادري والله ,بس تقدرين تدرسين كورس على حسابج وتيبيين تقدير بعدين تحولينه على حساب الحكومه

شنو التخصصات المتاحه هناك ؟؟ وشنو افضل الجامعات والاونس ؟؟
اللي تبين اتووقع

لا بغيت اقدم وين اروح وشلون طريقة التقديم ؟؟؟؟
تروحين التعليم العالي بس هذا اللي اعرفه مااعرف التفاصييل لوول

والله يوفقج حبيبتي ؛*
وعقبال ماتخلصين البكالريوس والدكتوراه
وانشالله البنات مايقصروون اذا جاوبت شي مو صح

 

[* بنت المطر *]

حكاية انثى شاكرتلج حبيبتي وننتظر الباقي

 

[مملوحه السهول]

رد : البنات اللي يدرسون بمصر ابيكم ضروري تكفون ...

انشالله البنات يفيدونج

 

[mango mango]

هل وزارة التربيه تعطيني تفرغ للدراسه اذا كنت موظفه يديده ؟؟
انا سامعه ان بعد سنتين بدون راتب وبعد 5 سنوات راتب كامل

هل الحكومه تساعدني يعني تمولني ؟ او تدفع لي رسوم الجامعه ؟؟؟
لااااااا

شنو التخصصات المتاحه هناك ؟؟ وشنو افضل الجامعات والاونس ؟؟
محاسبة - ادارة - نظم معلومات

لا بغيت اقدم وين اروح وشلون طريقة التقديم ؟؟؟؟
روحي التعليم العالي

اذا فعلا ودج اتكملين الحين ما عندج الا حل واحد ( الانتساب )
بس من غير ما يدرون دوامج تاخذين اجازة من رصيدج وتروحين مرتين بالسنه
انا كملت بجامعه المستقبل
روحي التعليم العالي واخذي منهم الجامعات المعترف فيها وقدمي عن طريقج انتي مو عن طريق التعليم العلي لانه انتي موظفه حكومه
وتروحين مصر للجامعات المعترف فيها وتقدمين وبعدها تتخرجين وتصدقين شهادتج وتودينها التعليم العالي

 

[CALM]

رد : البنات اللي يدرسون بمصر ابيكم ضروري تكفون ...

فعلااا جامعة المستقبل حيل كان حلو نظامهم بالانتسااب تاخذين محاضرات مدة اسبوعيين وبعدها على طوول يختبرونج فاينل وطبعا يعطونج جداول جاهزه بس انا سمعت اخر دفعة تخرج من الطلبه الكويتين اعترفوو فيها بس حاليا غير معترف فيهااا اسألى التعليم العالى وتاكدى

 

[* بنت المطر *]

تسلمون خواتي :: بس مانجو اذا ماسجلت عن طريق التعليم العالي عيل وين اسجل ؟؟؟

اراسل الجامعات ؟؟؟ مافيه موقع زين بالنت لكل جامعات مصر ؟؟؟