البنت حركية و ما تقعد في ركن .. متينة و عنيدة و ساعات تصيح .. مالعمل ؟

[Jasmeenah]

السلآم عليكم ورحمة الله وبركاته




صبـاحكم / مسـائكم خيـر و طاعة الرحمـان

في البداية أنا مهب مدرسة .. بس تقريبا مُساعدة مدرسة
الموهم عندي طالبة حركية و المفروض أمسكها لأني مسئولتها

كيف ممكن اخليها تقعد ف الحلقة مع البنات ؟
و أبعد عنها العنف ؟ و تندمج مع ربعها =) !

ماشاء الله شطورة هي .. بس مشكلتها تحب تستكشف
جسمها مساعدها في مسألة العناد مايقدرون عليها المدرسات
والمشكلة إني ضعيفة و المساعدة الثانية بعد ضعيفة


جزاها الله خيير اللي يتساعدني و بتقترح عليّ وش السواة معاها
خاصة إن ماعندي خبرة سابقة في هالمجال واكيد بطلع من عندهم
لو ماعرفت أتعامل معاها =)​

 

[أبله جهراويه]

رد : البنت حركية و ما تقعد في ركن .. متينة و عنيدة و ساعات تصيح .. مالعمل ؟

انا اعطيج الحل
من الصبح خليها تنقز تنقز تنقز ليييييييييييين يطيح حيلها

واذا ما نفع واعقلت جيبيلها خرز وااااااااجد وخيط خليها تنظمهم بالخيط
واذا ما نفع
عفسي ركن المنزل والا امكعبات وخليها ترتبه من جديد

واذا ما نفع اشغليها طرشيها روحي وتعالي
واخذي منها الككلو وعطيهياه بالهده

واذا ما نفع كل هذا
روحي ابو ميه وجيبي لعبه وغلفيها بغلاف حلو من ابو ميه بعد وقولي منو اللي يبي الهديه يصير عاقل وطالعيهم وانتي ساكته وقولي اللللللللللللللللللللللللللله فلانه (البنت الحركيه)شاااااااااااااااطره يمكن هي اللي راح تاخذ الهديه وعطيها تمصلحي معاها عشان تطيعج
واذا ما نفع عاقبيها عطي كل الاطفال حلاو الا هي وقولي كلهم عطيتهم الا انتي لانج مو شاطره
واذا ما نفع











انتحري احسن خخخخخخخخخخخخخ

 

[سراب فوفو]

رد : البنت حركية و ما تقعد في ركن .. متينة و عنيدة و ساعات تصيح .. مالعمل ؟

بصراحه انا كنت طالبه تربيه عمليه وكنت اواجه نفس هل مشكله بس كان على طفل وايد مشاغب وحركي واذا شرحت بلحلقه مايقعد ويطق وكان عنيييييييييييد حييييل بس مثل ماقالت اختى احلا جهراويه انج تشغلينها قدر الامكان ولا تخلينها قاعده لانه بتمل يعني مثلا اذا خلصتي شرحج قولي لها تعالي ساعديني شيلي معاي الاغراض او قطي هذا سوي هذا وقدر الامكان حاولي تحركينها وربي يساعدج انشالله

 

[بشوررة]

واذا كان فوق هذا فيه نسبة توحد

 

[قلادة]

شوفي يمكن هذي فيها فرط حركة او طيف توحد
لازم تشخصوا حالتها

 

[غادة كيوت]

رد : البنت حركية و ما تقعد في ركن .. متينة و عنيدة و ساعات تصيح .. مالعمل ؟

الخوات كفوو وفوو وكلام جهراؤية صحيح

أهم شي تشغلينها بأي شي

دايم تجلسين بجنبها وتتعاملي معاه بطريقة نبرات الصووت

التشجيع ، أذاا مانفع زي مقالت أختي أحتمال عندها فرط

حركي .. وبوقتها تلجأي لأمهآ ويكون تواصل بينك وبينها

يمكن نوعية الأكل الي تاكله من الصبح يكون سبب حقيقي

لحركتها المفرطة ... أتمنى أفدتك أختي

أنا معلمة وعانيت من هـ السالفة بس لآ تفكري تطلعي

مع الأيام رأح تتعلمي كيف تتعاملي مع الأطفال

موفقة حبيبتي


:hjy5jewf:

 

[&& أم أحمد &&]

واللة كنت اعاني من الاطفال بس كنت اشغلهم واخليهم مساعدين لي درجت انهم يعرفون اغراضي يعني من الصبح تساعدج بالحلقة تكون قائدة للصف وحسسيها انها مهمة وانج تحبينها صدقيني الطفل اذا حبج يتقبل كل شي منج ولاتنسين العقاب والثواب لما كنت بعاقب الشيطان اجيب الطوق وخلية يوقف داخلة يعني دقيقتين وهذي الطريقة فادت مع اطفال وايد
والمشوار طوووووووووويل توج بالبداية

 

[صبر ايوب]

رد : البنت حركية و ما تقعد في ركن .. متينة و عنيدة و ساعات تصيح .. مالعمل ؟

والله يعطيهم العافيه البنات كفو وفوا بالموضوع،،،

بس في نقطه بقولج عليها وهي الضبط مره ارخي ومره شدي اهم شي الكنترول ،،

وثاني شي انت لازم اتعرفين شنو اتحب فاستخدمي معاها اسلوب الحرمان ان اذا صارت شطوره وتسمع الكلام اعطيها وهكذا

وانشالله اكون افدتج ،،

وهذه وجهت نظري من خلال خبرتي مع الاطفال

:eh_s(22)::eh_s(22)::eh_s(22):​

 

[اسيرة زوجها]

عطيها انشطه حركية وحركيها من قسم لقسم واعطيها اي شي تلهي في واذا تعبتي منها عاقبيها انها تقعد بركن بروحها وانشالله تعلم واذا تعبتي حوليها على الاخصائية النفسيه لانها ادرى بهالحالات وبجذي تكونين سويتي اللي عليج ومحد يقدر يحاجج فيها