البنوتات الخبيرات في الفنادق فديتكم تعالو

[قطوه ورديه]

السلام عليكم ورحمة الله وبركاته

اشلونكم بنوتات


المهم اندش بالموضوع
ابي احجز فندق يوم او يوميين
يعني بسوي هديه حق زوجي
وابيكم اتساعدوني احلى الفنادق اللي جربتوهم
واسعارهم واذا عندكم افكار اتفيدني
واشرايكم اشتريله هديه معاها ولا بس
انا من اول ماتزوجنا متعوده اشتريله هديه
بس الشهرين اللي طافو ماشريت
واذا عندكم افكار
واشرايكم اخذ ولدي معاي ولا اخليه عند خالتي
فياليت اتفيدوني وماتبخلون
واكون شاكره لك

 

[BlackRose]

وناسة انا اول وحدة ارد على موضوعج

شوفي

اول شي

شكو تودين ولدج معاج الفندق....حدة غلط....انتي رايحة تريحين لج يومين وتستانسين مع زوجج

جنة الاطفال منازلهم

بالنسبة حق الفندق....عندج المارينا وفندق النخيل...الموفمبيك....روتانا المنشر...هذيل اللي انا مجربتهم وجوهم حلو وغرفهم وايد حلوة

بالنسبة لي انا طبعا سويت وايد مفاجآت حلوة حق زوجي

رحت قبلها بيوم حجزت الغرفة ووطبعا خذيت معاي مدنيته ومدنيتي وصورة عقد زواجنا

رحت الظهر جهزت الغرفة ....لان كان يوم عيد ميلاده

خذيت صورة حلوة تجمعنا انا معاه ورحت مركز الطالب وكبرتها....شريت شموع وورد وبالونات ومجموعة مساج وزيوت عطرية ونسقتهم بالغرفة

شؤيت وسائل فسفورية واي شي رسايل حلوة بيني وبينه كتبتها على الوسيلة بخط كبير وعلقتهم على الطوفة
شريت زينة ملونة وحطيتها

ونفس اليوم كان عندنا عرس

حطيت له كرت الفندق واحد بسيارته وقلت له ان العرس صاير بالفندق الفلاني طبعا غير مكان العرس
لمن وصل وقالي يلا طلعي انا ناطرج بره قلت له حبيبي انت اللي ادخل داخل واخذ الكرت موجود بسيارتك وتعال فوق

وانا كنت ليلحيني بالعرس

دخل الغرفة حبيبي مااستحمل تلفوووووووووووونات يالله طلعي من العرس وتعالي

وكل ساعة يطرش لي مسج انا مبهور ومو عارف شقول

وصج صج استانسنا

واهم شي التلفونات تكون على السايلانت هاليومين

وهالله هالله بالحركات

 

[قطوه ورديه]

مشكوره خوش افكار

 

[بسبوووسه]

هلا حبيبتي

لا تروحين غير هالفنادق نصيحه
المنشر -موفمبيك البدع - مرينا - هيلتون المنقف
الرايه اذا بتروحين لاتختارين السويت لوووووووووووووعه اختاري الغرفه العاديه وايد احلى

 

[اللوتس]

واااااي أحب هالسوالف

 

[أم العفاسي]

اوووووووووووووه حركات بلاك روز

عموما عن تجربتي الشخصيه آنا رحت موفمبك يومين

ورحت فندق لوميريديان اللي علي البحر حلو واخذنا سويت يومين

ونصحت اختي بعيد زواجهم وحجزوا فندق موفمبك ومعاه كادوه واهو يزينون لج الغرفه ب25 دينار

كيكه للاحتفال وبالونات ويوزعون ورد علي السريريعني الغرفه راح تكون مزينه من مجاميعه عليج تكشخين

وتروحين مع ابو الشباب وتستانسون

اتمني لكم كل الخير والسعاده للجميع

 

[اسرار2009]

الله يهنيكم والفال لي ياااااارب:yaaaaaarb:

 

[قطوه ورديه]

ازيان مشكوره
ويعطيج العافيه

احلى حلم تسلمين
والفال لج يارب

 

[ساعة رملية]

السلام عليكم

اول شي الله يهنيكم يا رب

بعدين اكثر فندق رومنسي بالكويت ( برايي الشخصي)>>>> هيلتون المنقف راقي حييييل و...هدوء وبحر ورومانسية مرييح وهادي

ثاني شي عندج المنشر اخذي سويت يعني غرفة وصالة بس عيبة مافيه بانيو ... وميزته تحته سوق اذا ما تحبون تقعدون بالفندق سوق وكافيهات وقعدة الكوت الكافيهات حلوة ورومانسية حييييييل

خلي ولدج عن خالتج انتي وريلج اخذو اجازة من كل شي حتى العيال

اذا بتروحين هيلتون لا تنسين البابل باث والسوالف هذي

وبالتوفيق

 

[ملكة بيتها]

أنا جربت الموفنبيك اللي بالمنطقه التجاريه هدوء وجنج مو بالكويت ويمج فيلا مودا والمنطقه هم تونس

 

[om_maria05]

خوووش موضوع و حده وقته انا نفس حالتج يوم زواجي يصادف بعد 6 ايام بس انا قلت بسوي مفاجأه حق ريلي و بحجزله بفندق عقب باجر و من اللي شفتهم وعجبوني اكثر شي المارينا و الهيلتون و الموفنبك البدع و المنشر ) و اسعارهم حلوة و معقوله بس اهم شي عندي يكون بحمام اغرفه و انتوا بكرامه جاكوزي فاللي عدها خبره تفيدنا ) و نصيحه حبيبتي خلي ولدج عند امج او خالتج رحوا استانسوا و سهروا

 

[nhz99]

خوووش موضوع و حده وقته انا نفس حالتج يوم زواجي يصادف بعد 6 ايام بس انا قلت بسوي مفاجأه حق ريلي و بحجزله بفندق عقب باجر و من اللي شفتهم وعجبوني اكثر شي المارينا و الهيلتون و الموفنبك البدع و المنشر ) و اسعارهم حلوة و معقوله بس اهم شي عندي يكون بحمام اغرفه و انتوا بكرامه جاكوزي فاللي عدها خبره تفيدنا ) و نصيحه حبيبتي خلي ولدج عند امج او خالتج رحوا استانسوا و سهروا

حبيبتى الله يتمم عليج السعاده انتى وريلج ....حتى انا بعد ابى احجز بعيد الحب ودى بالمنشر جم الغرفه فى مسبح داخلى ومنو من الفنادق فى مسبح داخلى ودى اسبح انا وريلى:eh_s(21):

 

[عمشه المنتفشه]

طبعا طبعا طبعا ولدج مو معاج انسي هالشي لان اذا كان معاج ماراح تستانسون او تسوون اي شي بيضيع الوقت وانتي توكلينه وتغسليله

وتنومينه واصلا ريلج راح يتضايق

 

[dr.tota]

حبيبتي انا افضل انج تروحين فندق المارينا واااااايد حلو بنت خالتي راحت له يوم مادري يومين المهم اعتقد اسعاره زوينه ماعلامها شي واذا تبين غالي فأنصحج عالشيراتون ولاتقربين صوب سفير ديربالج واذا على ولدج طبعن خليه عند اختج او امج او خالتج

 

[قطوه ورديه]

تسلمون بنات المشكله ان معاشي مايتعدى ال 120دينار
وانا ودي بيومين وفكرت بالمارينا بس المشكله معاشي ماراح يكفي
حق يومين وشكله يوم واحد مايسوى

 

[dr.tota]

والله حبيبتي انتي مو ميمعه فلوووس اذا مو ميمعه تسلفي من اوخيتجولا امج صدقيني ماراح يردون وانا افضل انج تقعدين 4 ايام مره وحده زلقه بطيحه انتي دافعه دافعه متسلفه متسلفه واذا ماتبين تتسلفين انا اقولج مراح تلاقين فندق حلو بسعر رخيص فانتي بتحجزين ي فندق عاد حجزي فندق سنع وراقي وذرب

 

[dr.tota]

وحبيت اقترح ليش ماتروحون شاليه كمبنكسيي بس هم يبيله بس انا فضل كمبنكسي لانه هم في فندق وفي بوفيه ويطل عالبحر اهو اسمه حاليا سيشل الجليعه