هذا درس البيئه البحريه من اختنا (( نيرو ))
درس البيئة البحريه
تحتاجين الطربال الأزرق البلاستيك وقصي منه مترين في مترين تقريبا فرشيه على الزوليه او المكان الي تقعدون فيه بالحلقه
.. وبعدين يبي اصداف ونباتات بلاستيك واحجار ولزقيها بصمغ المسدس منثرين على الطربال
وخلي يمج صندوق فيه صور لجميع الاحياء المائيه من انواع اسماك او من غيرها من احياء مثل الاخطبوط
او نجمه البحر
المهم وابدي الدرس بأن تقوليلهم غمضو عيونكم وابيكم تتخيلون معاي اننا بنغوص في البحر
يالله حركو ايدينكم خلنا نسبح ونغوص في اعماق البحر
واول شي ابدي بنفسج قولي انا اشوف سمكه كبيره مثلا لونها احمر وعلى ووصفي شكلها و طلعي السمكه حطيها على الطربال
و اسالي احد الاطفال شنو شفت انت
وطبعا حاولي تكونين مجهزه كل انواع الاحياء المائيه بقدر المستطاع داخل العلبه
اول ما يقول احد انواع الاسماك او الاحياء طلعيه وخليه يوصفه ويتكلم عنه
وهكذا لين يذكرون كل الاحياء او بعضها
في النهاية قوليلهم شرايكم بالرحله الي سويناها في اعماق البحر استمتعو فيها .....؟
عقب عاد دشي بالديني .. والوجداني وحققي اهدافج كلها واذا عندج مسابقه حطيها عشان تحركين الاطفال
وبجذي درسج صار كامل
ان شاء الله يعجبكم
