البيت ?

[مريومة (:]

السلام عليكم

شلوووونكم كويتيات ،،

عندي سؤال وياليت الكل يجاوب ،، أبيكم تشورون علي ..


زوجي يفكر يشتري بيت وهو اعتقد انه مقتدر ( لاحظوا اعتقد لأني ماعرف أي شششششششي عن حالته الماديه) يقول انه مديون وانه تكاليف الحياة مو قادر يلحق عليها،، وان عنده التزامات ،، بس مااشوف انه يرد نفسه عن اي شي ، يعني مايخلي شي بخاطره ،، المهممممممممممممم انه كل ماجاء طاري البيت قال ناخذ قروض ( لاحظوا نون الجماعه) ???

السؤال يابنات عادي اني اخذ قروض واشتري وياه البيت ويصير باسمي واسمه،، او ارفض اني اخذ قرض واكتفي بمعاشي وادفع منه اللي اقدر عليه من تأثيث وديكور واكسسوارات ويكون لي نص البيت طبعا لأني عندي عيال ،، حتى لو مايسجله باسمي..

يعني شرايكم تحسونه استغلال ولا شي عادي اني اشاركه ؟؟؟!!:bbbiu:
ًياليت اللي مروا بنفس تجربتي يشاركون


ومشكوووووووورين:eh_s(7):

 

[لذه السكر]

يا كره الريال الغامض

مايصير انتي مرته ومشروع مثل هذا لازم يعلمج عن كل التفاصيل مو يخليج ضايعه

اهو تفكيره صح وانشالله ربي يفتحها عليكم

طبعا اذا بتاخذين قرض كبير و بتشاركين تقدرين تطلبين ان يكتب نص البيت باسمج ومن حقج وسالي فيها محامي احسن لان بصراحه ماعندي خبره

ومن ناحيه المشاركه شخصيا اايد وبشده اذا الريال محترم يستاهل وشايل بيته ويبي مصلحتي ومصلحه عياله اكيد بساعده لان بالنهايه هالشي في مصلحتي بس طبعا لااااازم تحافظين على حقوقج بطريقه قانونيه واذا اهو جاد و نيته زينه اهو اللي راح يطلب منج تحافظين على حقوقج

 

[مريومة (:]

لذة السگر
أشكر مرورج حبيبتي
وفعلاً لازم احافظ على حقوقي بصورة قانونيه​

 

[^كويتية^]

الصراحة اشوفها عادي المره تشارك ريلها بس من حق كل واحد ان يظمن حقه
كلمي فيها محامي أو شخص له خبرة بالقانون بيفيدج أكثر

 

[عذاريي]

وعليكم السلام ورحمه الله وبركاته



الجواب : لا ،

لا ليش ؟

ياخذ قرض عشان بيت .... جم يعني بياخذ قرض ؟

اذا البيوت على 300 ألف وفوق ؟

بالعقل يعني .... ، لو شقه .... لووو ها


يمكن يلحق ياخذ قرض عشان يشتريها بـ 40 و 50



واسمحيلي ريلج عليه واااايد علامات استفهام وتعجب ..... " يقول انه مديون وانه تكاليف الحياة مو قادر يلحق عليها ... وألتزامات "

وماتدرين عن حالته الماديه واهو ريلج ومايقولج .....


اذا ديون ومو قادر تلحق تكاليف حياه عاديه تبي قرض حق بيت ؟!



حبيبتي اولا صلي استخاره ، ثانيا قولي صراحه ما احب قروض والله مايبارك فيها ومو متخيله اعيش طول عمري افكر بالقرض واهو على ظهري ،

او والله استشرت اهلي ( امي ، ابوي ، اخوي ) وقالو لا على شنو طاير يبي بيت ، شدعوه عندكم درزن يهال
( لو مثلا عنكم بيبي واحد بس او 2 )


ننتظر بيتنا يطلع ( حتى لو بعد 15 سنه ) بس قاعدين مرتاحين البال ، لو ساكنين بقصر والديون تاكل ظهرج ماراح ترتاحين يوم واحد


ياكثر ألي حط على مرته قرض وطلقها ويوم راحت تشتكي قالو القانون لايحمل مغفلين .... زوجي على العين و الراس لاكن هذي حياه وعمر الواحد مايضمن روحه

والريل ألي يخش عن مرته مصاريفه وكله يشتكي لها يعني نظام عطيني فلوس .... شاف ماكو فايده فيج قال شرايج قرض وناخذ بيت ؟ يبي يطلع منج فلوس


عادي ترى حاط عينه على سياره غاليه ويبيها ... كل شي جايز دام مايخلي شي بخاطره فهالنوعيه عادي ياخذ قروض ألا يشتري الشغله ...


تاخذين قرض في حاله ريلج 20 سنه معاج وعندكم يهال ترس البيت وعارفه كل شي عنه


والله اعلم .....

 

[نـعـومـه]

مادري سالفه موواضحه

تاخذون قرض عشان البيت !؟ بهالوقت البيت محد قادر يشتريه الا اللي عنده خير لان البيوت صارت نار الارض ٢٠٠ وصاعد فأي بنك بيعطيج هالمبلغ

 

[نـعـومـه]

وشي ثاني سأليه اول اي منطقه نشتري وين متى وشلون

 

[حبي وحياتي]

اذا بيسجل البيت بينه وبينج عند محامي وبثيقه مافيها شي

​

 

[فتاة الكوخ]

كلمي فيها محامي ضروري