التاجرات - الله يرحم والديكم ابي نصيحتكم

[ذويقه و انيقه]

السلام عليكم و رحمة الله
خواتي التاجرات و سيدات الاعمال ، افي استفيد من خبراتكم ممكن مساعدتكم ( سمعت ان الاخت فراشة الكويت وايد هلب فل تاريت تفيديني ) ؟ ودي اطلب بضاعة من الانترنت و اجرب حظي و ان شاء الله يوفقني . بس سمعت انه راح يطلع علي اغلى من بيع السوق وحدة قالتلي طلبت جنطه ب 12 وخذو عليها زيادة 8 دناير يعني واصلة الكويت ب20 دينار . قولولي 1-اشلون اطلب بسعر معقول 2- اشلون اسوق البضاعة 3- شنو الاشياء اللي ماشية 4- شنهي المواقع الآمنه اللي ما تنصب ؟

 

[ذويقه و انيقه]

اشدعوه . انزين عالخاص .

 

[ذويقه و انيقه]

قالولي هذا سر المهنه و ما راح يعلمونج , بس انا قلت لهم لالالا .تاجرات المنتدى غير , نصوحات ويحبون الخير لغيرهم مثل ما يحبونه لنفسهم . لا تفشلوني جدامهم

 

[ام عفاف الكويت]

دزي على الخاص لها والله ماعرف اطلب من بره والا جان تأمريني امر ياقلبي

 

[ذويقه و انيقه]

مشكوره ياقلبي بس انا جديدة بالمنتدى ما اعرف اشلون

 

[DKNY]

ان شاء الله البنات يساعدونك

 

[^^نـــواره^^]

حبيبتي افا عليج اللحين ادز لج على الخاص السر

اشدعوه يا تاجرات ليش ما تردون على البنية ؟؟ خلوها تصير تاجرة مثلكم

 

[ذويقه و انيقه]

افااااااااااا ما كانش العشم

 

[بحر الرمال]

والله انا مو تاجره بس اللي اعرفه ان اغلب مواقع الملابس اذا طلبتي منهم بسعر الجمله يعطونج خصم..و انا ملاحظه اغلب التاجرات هنيه بضاعتهم مو من النت لأ من سفراتهم او موصين احد او طالبين بس مو بالنت..
مثلا جناط كدلاك بامريكا سمعت تنباع مو اكثر من 20 دينار بس هنيه تبدا اسعارها ب45 و فوق
بالنسبه للنصب.. انتي اذا عندج فيزا انترنت خلي الحد الاعلي (limit) مبلغ معقول..يعني اذا انتي كل مره تطلبين ب 300 دينار خلي الحد الاعلى للبطاقه 350 او 400 مو الف او الفين..و اغلب المواقع المعروفه امنه..بس في شي تحت الصفحه اسمه certificate بصفحه الدفع تقدرين تتأكدين منه اذا موجود بالموقع اللي تبيه او لأ..

و انا اشوف ان اكثر شي ماشي بالملابس اهي القمصان الطويله.. بالذات الحرير.. و ملابس الاطفال اللي عليها شخصيات ..

 

[اطياب طيبه.أم عبدالله]

الله يوفقج
انا بضاعتي اييبها من سفراتي انا ورفيجاتي من تايلاند وبانكوك
وابيعها بأسعار معقوله جدا
حياج الله

 

[ذويقه و انيقه]

يزاكم الله خير يالغاليات ما قصرتو

 

[y7lok_7loho]

انا بعد بنات قولوووو لى بليزززز ابى اصير تاجرة مثلكم ههههههههههههههه خلونا كلنا نستفيد عشان الله يرزقكم

 

[طموحه]

ان شاء الله فادوج التاجرات