التاجرات ساعدوني الله يعافيكم

[حبيبة دودي]

السلام عليكم






بنات الله يعافيكم انا حابه اشتري بضاعه لبس بيبيات من امازون وموعارفه شلون الطريقه
يعني اطلب البضاعه وبعدين اعرضهم بالمنتدي ولا اعرض صورها واجمع طلبيات وبعدين اطلبها مرره وحده
ساعدوني لاني خايفه من الخساره :eh_s(16):

 

[ماي.ورد]

ررررررررفع

 

[zebda]

والله ما عندي فكره

انشالله البنات يفيدونج

اب لعيوووووووووووووونج

 

[قطوووة]

رد : التاجرات ساعدوني الله يعافيكم

سر التجارة
لاتخاف ولا تطمع

 

[اسيل الصمت]

رد : التاجرات ساعدوني الله يعافيكم

اب اب اب اب اب اب

 

[شمع تحترق]

حبيبتي لو عرضتيهم اول و يبتي على الطلب راح يصير واحد من 2 فيج

اما وحده ما تخاف من الله و تشوف شنو عارضه و بسرعه تروح تطلبهم قبلج و تنزلهم بسعر ارخص منج و هذي وايد صارت

او الزباين يطلبون و يكنسلون الاغراض و طيح بجبدج و هذي حلها بالعربون ولو ان لو طحتي بوحده لسانها حلو بتخليج تردين فلوسها وزياده بس عشان تفتكين من شرها و هم سويتي على روحج الطريج طريجين باخذ نص المبلغ و بعدين هم موصله الطلب و هذا كله كلافه عليج


فمالج حل الا انج اتيبين على دفعات صغيره و التجاره تبيلها طولت بال لا اتفكرين ان كل شي ينباع بسرعه و هم لما بتيبين شي شوفي المبلغ يناسبج يعني القطعه لو بالسعر هذا انتي تشترينها و لا لأ لان اللي تستغلينه على روحج لا تتوقعين الناس بتشتريه


و تري التجاره بالذات صعبه بس خلي توكلج على الله و بالج طويل و اقصد بطولت البال ( انج تودين بالج للخياط يوسعه لج ) و يادوب تلحقين مع نوعيات الناس اللي تمر عليج

 

[Chic & Unique]

لا تسوين طريقة الطلب

انتي طلبي اللي يعجبج و لما يوصلون لج و شفتي نوعيتهم زينه ولا لا عرضيهم بالمنتدى ولاتخافين توكلي على الله و جربي اول مره طلبي شي بسيط لا تطلبين بمبالغ كبيره و شوفي اقبال الناس عليج اذا مشى الموضوع كملي اما اذا مامشى على الاقل انتي ماخسرتي مبلغ عود و الله يوفقج

 

[قمر الكويتية]

رد : التاجرات ساعدوني الله يعافيكم

ما شاء الله البنات ردودهم حلوه

و التجارة يبيلها شطارة و يا ربح يا خسارة.... يعني يبيلها شجاعة و قوة إتخاذ قرار ،،، صلي إستخارة و أحسن تكون البضاعة عندك

 

[صابرة وراضية]

رد : التاجرات ساعدوني الله يعافيكم

بارك الله فيهم البنات مااااااااااااا قصرووووووا

 

[myaar]

رد : التاجرات ساعدوني الله يعافيكم

ماشاء الله البنات ما قصرو وانا رايي من رايهم

طلبي كميات صغيرة وجربي لما تكتسبين الخبرة المناسبة

 

[KOKO_284I]

رد : التاجرات ساعدوني الله يعافيكم

انا رايي من راي شمعه تحترق

 

[بواسم]

البنات ما قصروا

 

[أم*سلمان]

البناااااااااااااااات ما قصروو

جزاهم الله الف خير

 

[SUCARA]

كنت اطلب حسب الطلب بس مع اختلاف العمله والوزن اللي في بعض المنتجات موحاطينه اضطر اقدر للزبونه جم يكون حسابها وماكنت احب ازيد وايد لا الطلب والوزن غالي وساعات ماتسوى القطعه سعرها

واخرتها بعد النطره اسبوعين ابيعه لها بتكلفته لان تقديراتي غلط وما اربح شي ..
فالافضل انتي يبي الاغراض
حطي ورقه وقلم وحاولي كثر ماتقدرين تقدرين جم يكلفج مع الشحن وضيفي جم ربحج على كل قطعه وتشوفين هل السعر مناسب للبيع وهل الناس احتمال يعجبهم سعره
وتوكلي على الله

اممممم وحاولي تاخذين الاشياء الخفيفه واستغلي العروض والخصومات اللي بالموقع ..

 

[حبيبة دودي]

وااااو ماشاءالله عليكم الله يجزاكم خير نصايحكم من القلب
احس شجعتوني الله يعطيكم العافيه ويفتح عليكم