التجمع الثاني (قروب passion اقوي قروب اراده حديديه) من 4\4 لغاية .................

[ام عزيز 4]

بناااااااااااات وينكم وين الهمه الله يهداكم من امس وانتو كسل في كسل >>>>>>>>>>>>تركو الكسل وتعا لواااا خل نتيمع من يد ويديد بالهتجمع الطيب الي من غيركم ما يسووووى:krkrkr:

اليوم ريوقي صمونه تيركي +حليب قليل الدسم :ggdw:
ونطرونى يوم الاثنين انزل وزنى:tomato2:

 

[كيكه توفي]

بالعافيه ام عزيز بس الميزان يوم الاربعا

 

[passion.666]

شلونكم ياحلوات
انا يومين مادخلت كنت حدي تعبانه صخونه وفلوانزا وبلاعيمي
سامحوني ماقدرت اتابعكم بس خلوني اصحى اشويه رادتلكم بقوه ومواضيع جديده​

 

[BiiShOoO]

سلامتج باشن ما تشوفين شر و صج فقدناج و عذرج معاج و ناطرج على احر من الجمر


يومي كان كالتالي:

ريوقي جاي حليب + صمونه حلوم

السناك عصير برتقال

ما تغديت و تعشيت صدر دياية مشوية و ربع خبزة


و الحين قاعده اشرب جاي اخضر

 

[كيكه توفي]

يومي

الريوق : 5 تمرات + نسكافيه

الضحى : عصير اناناس

الغدا : صدر دياي مشوي + تبوله + بيبسي دايت

عقب الغدا : شربت زنجبيل مع جاي اخضر

المغرب : 3 تمرات + كابتشينو

العشا : لبن

الحمدلله

 

[كيكه توفي]

باشن

ماتشوفين شر

Loooo

بالعافيه

 

[BiiShOoO]

كيكة توفي عوافي عليج اكلج و الله يتمم عليج يارب


و الله يعافيج

 

[ام عزيز 4]

ما تشوفين شر باااشن واشالله اترديلنا بصحه وعافيه

ريوقي اليوم نص خبزه فيها جبن ايدام+خس +حليب قليل الدسم
غداي صمونه سمره كوردن بلو
سناكى جوكليت كيك
عشاي شوربه خضار
وبمشي 45 دقيقه >>>>>>>>>>>>>>ووزنى اليوم 60.6 حدى مستانسه:ggdw:
الحمدلله الله ما ضيع تعبي...........صج انى شهرن وانا اسوى رجيم بس ما ضعفت غير 4 كيلو بس الحمدلله حلوين
وانشالله اضعف ليمن اوصل 50_03BA:

 

[BiiShOoO]

مساؤكم ورد


يومي كان كالتالي :


ريوقي


نسكافيه 3 في1

غداي قطعتين همبرجر مشوية و سلطة خضراء

عشاي


حمص و ربع خبزة و جاي حليب


و بس

 

[Stylista_Q8]

سلامات باشن ما تشوفين شر :**

بنآات سؤال شسالفة المنتدى ! كل ما ادخل صارلي يومين مادري 3 يقولون تطوير @@

جنه طولوا !

المهمـم عليكم بألف عآافية :**

انا كان أكلي اليوم ،،

موكـآأ + جاي اخضر + لحم وسوس ومااي

رحت النآادي ،، دقيت حديد وبس :>

سنـآاك رووب

بعدين توي متعشية سيزر سالاد معه دياي وجاي اخضر


سؤال بنآات

اذا وصلتوا الوزن اللي تبونه توقفون الرجيم وروحة النادي ولا شنو ؟

 

[سيلينا]

صباح الخير..

انا طبعا ماشيه على الرجيم صار لي ٤ ايام كلش ماخربطت والحمدالله توني وازنه صار وزني

٥٥،١

الحمدالله واخيرا وصلت لهدفي والحين بتبع نظام التثبيت انه مو كل يوم اكل على كيفي يومين عادي اكل اكل البيت ويومين رجيم وبشوف النتيجه

وانا بصراحه لحد اهني وبس ماراح انزل اكثر بس ممكن اسوي رجيم لو فكرت احمل راح انزل وزن اكثر عشان ماتكون زيادتي كبيره

وموفقين ياااارب بناااات

انا طبعا مستمره معاكم

 

[سيلينا]

Stylista_Q8

بالنسبه لسؤالج اعتقد ان الافضل تتبعين نظام التثبيت لمده شهر تقريبا وتستمرين على الرياضه

وبعدين اعتقد انه بس بعدين عادي بس طبعا تتبعين نظام اليوم كليتي اكل دسم ثاني يوم يكون اكلج اكل رجيم عشان يتحترق الاكل لي قبل بيوم

ترى هذا استنتاجي بس اشووف انه بيكون اوكي لاني انا تقريبا صارلي شهر وزياده ما زاد وزني لاني كنت اكل يوم ويومين لا وبالعكس كاان ثااابت طول هالفتره

 

[مدرسة طفشانة]

اشلونكم بنات شخباركم
حبيبتي باشن ما تشوفين شر سلامتج يالغالية
باجي البنات حدي ولهانة عليكم
بس ظروفي وايد صعبة والحمد لله على كل حال
انا مسوية حادث اسم الله عليكم وعندي عوار في بطني من الفتاق ونزيف عزكم الله
باجر بدخل المستشفى اسوي تنظيفات واشيل الفتاق حدي متصرقعة وخايفة
ابي دعواتكم معاي وان شاء الله اقوم من العملية بالسلامة وابشركم واتابع الريجيم معاكم
لا تنسوني بالدعاء خواتي

 

[ام عزيز 4]

الله يشفيج يردج لنا انشالله بالسلامه

 

[سيلينا]

ماتشوفين شر مدرسه طفشاانه

الله يقومج بالسلامه يااااارب

ام عزيز ٤

صبااااح الخير اشلوونج اليوم واشلوون الرجيم

علياء

وينج اشلوونج مع الرجيم واشلون صحتج ان شاء الله تمام

كيكه توفي

شخباااارج شمسويه اشلوون الرجيم

باشن

سلااماااات ماتشوفين شر اشلونج الحين شخبااارج

ستايلستا

اشلووونج شخبااارج ها ما شفتي وزنج مانزل لانج مشاء الله رجيم ونادي يعني المفروض يبدي بنزول عدل مووفقه ياااارب حبيبتي

لووووووو

وينج اليوم مابينتي اشلون صحتج واشلون الاراده ان شاء الله بالعاااالي الله يتمم عليج الرجيم ويقوي ارادتج ياااارب

 

[كيكه توفي]

شلونكم بنات المنتدى صايره ما اشتهي ادشه ينرفزني بطيء وكل شوي جاري التطوير غثني

Loooo و ام عزيز 4

بالعافيه عليكم

stylista_Q8

بالعافيه .. سؤالج : الرجيم سوي تثبيت بالاول بعدين وقفي والنادي اذا تحبين تكملين كملي مالج خلق روحة النادي خلاص وقفي

سيلينا

مبرووك وصولج لهدفج

مدرسة طفشانة

ماتشوفين شر والله يقومج بالسلامه

 

[BiiShOoO]

لووووووو

وينج اليوم مابينتي اشلون صحتج واشلون الاراده ان شاء الله بالعاااالي الله يتمم عليج الرجيم ويقوي ارادتج ياااارب
يوم أمس 03:59 pm

اهليييين بنات

شلونكم شخباركم



انا تمااام الحمدالله بخير و موجودة و كل الحمدالله اوكي احمدك يا رب بس كالعادة المنتدى يفتح و يرد يعلق


كيكة توفي ثانكس و الله يعافيج

بالنبة ليومي امس بما انه كان زوارة

كليت 7 قفاش عيش و صدر دياية و سلطة

شربت قهوة عربية

و تعشيت نص صمونه دياي و دايت بيبسي و بس

 

[سكر وعسل]

مرحبا بنوتات
اخباركم مع الدايت
والله المنتدى صاير يلوع الجبد كله تطوير وانا بصراحه بعد اهملت
مدري ليش



سيلينا
الف الف مبروك وصولج اهدف وعقبالنا انشاءالله


مدرسه طفشانه
باشن

ماتشوفون شر انشاءالله

لوو ام عزيز , كيكة توفي , ستايلستا

الله يعنكم عالرجيم ويثبتكم
انا صار لي يومين خربت رجييييييييييييييييييييييييمي فوووق تحت ومالتزمت
بمسك نفسي من باجر اب اسوي ريجيم الاسبوع ومالتزمت فيه كلش

تغديت اليوم مكرونه بالطماط
بس ناويه ماتعشى


انشاءالله باجر ابتدي صح اقولكم شنو صار وياي

 

[كيكه توفي]

يومي

الريوق : 5 تمرات + نسكافيه

الغدا : تونه + خبزه سمره + كولا لايت

العشا : تمرتين + لبن

الحمدلله

 

[ام عزيز 4]

بنات انا ببدى رجيم التحدى مع باشن :ggdw:واشوووفكم واقولكم نتاجى اليوميه