التجمع الثاني (قروب passion اقوي قروب اراده حديديه) من 4\4 لغاية .................

[عليـاء]

مرحبا بنات
يارب تكونون بخير
كتبت رد طويل وانمسح على العصر لأن مدري ايش صار في المنتدى

باشن
يعطيج العافية ياقلبي على مجهودج الروعة
وفي ميزان حسناتج مو مقصرة معانا أبد
وبالنسبة للزعتر وايد حلو بس ماناسبني لأنه حار على قولوني وأكيد بفيديج
ياعمري

ملكة
بالعافية ياقلبي ماشاء الله عليج
يارب دوم الالتزام والله يزيد من اصرارج وعزيمتج دوم

سيلينا
وحشتنا يومياتج
وماشاء الله يارب دوم

مدرسة
ياقلبي يارب تقوم بنتج بالسلامة وتفرحين بشفائها عن قريب
ولو تغيبين الكل عارف ظروفج وننتظرج بكل وقت

لووو
دوم أنت نشيطة فديتج ويارب تستمرين وتزيدين من اصرارج وماتوقفين
توني اقرا موضوع لوحدة بمنتدى ثاني نازلة 75 كيلو ماشاء الله الله يحفظها
يعني مافي شي بعيد على ربنا - الله كريم بس شوية إرادة وريجيم صح بنوصل للي نبي ياقلبي

خاتم - دلوعة مامتي - ايمو
وجميع الجدد
يارب يعطيكم العافية على مجهودكم وتوصولون للي تبونه ياحلوات
:eh_s(21):

----

غداي
عبارة عن ربيان مع حمسة
وسلطة خس وخيار
ودايت كولا




اخر وجبة كانت الساعة أربع وربع
- 3 تمرات
- 7 زيتونات
- قطعة جبنة كيري
- نسكافية بدون كافيين

 

[عليـاء]

بنات نظامي اللي امشي عليه
هو قريب من اتكنز بس معدل
في وحدة في منتدى ثاني كاتبته وهي الله يجزاها خير توصلت له بطريقتها وبإسلوبها
واستفدت منها كثير
والحمدلله اليوم 3 يوم لي وإن شاء الله أثبت
والنظام هـو عشان تستفيدون ..

فكرة النظام

يعتمد على خليط علمي مدروس بين نظامي اتكنز و البروتين

هذا النظام يشجعنا على تناول الكاربوهيدرات الذكية او smart carb

واللي تاثيرها افضل اكيد من ناحية صحية ومن ناحية المساعدة في نزول الوزن

ببدائله المتاحة وخياراته المنوعة ممكن اعتماده كنظام حياة وبكل بساطة بدون شعور بالحرمان

وخطة النظام تعتمد على التقيد بالتالي

- جميع ماهو مصدر بروتيني حيواني مسموح ويفضل قليل الدسم..

( لحوم - دجاج - اسماك - تونه - بيض - حليب ومشتقاته يفضل لو فات - مرتديلا - هوت دوق "نقانق" - 3-4بينت بيتر"زبدة الفول السوداني" )

- الخضار الورقيه بكميات مفتوحه

- الخضار المحدده كميتها يوميا ( الخيار - البصل - الفلفل الرومي - ورق العنب محشي لحم طبعا - نصف حبة طماطم متوسطه )

- يسمح بتناول 3 تمرات فقط خلال اليوم

- الزهره المقليه او الباذنجان او الكوسه فقط مره بالاسبوع.

- البنات اللي فاهمين موضوع الكارب وطريقة حسابه لاتتجاوزين يوما 50-60 جم كارب قدر الامكان

- تناول شوربة كويكر مرتين بالاسبوع الى 3 مرات على الاكثر بشرط كمية الشوربه قبل الطبخ ماتتجاوزن ملعقة اكل كبيره..

- جميع مشروبات الدايت الغازيه مسموحه بمعدل مره يوميا وكذلك سكر الحميه بمعدل 3 مرات باليوم

- الكوفي او القهوه العربيه مرتين باليوم فقط

وهنا بعد هدية متواضعه

الاحتساب الصحيح للكارب من جدول الحقائق الغذائية المرفق بعبوات الأغذية الجاهزة

http://3inain.com/upfiles/qvd23341.jpg

وبالمرفقات تلقين عداد الكارب فيه احتساب للكارب بمعظم الاكل اللي نتناوله


وبتلقين بالمرفقات أيضا منيو متكامل لأفكار أكلات مناسبة للنظام

وأحب أنوه ان كل ما كتب فيها مجهود شخصي خاص و خلاصة أشهر من البحث والتقصي

في كثير من المنتديات العربية والأجنبية والتجمعات التي كنت قيادية فيها أو جزء منها

لذلك أرجو الأمانة في النقل وقبل ذلك الدعاء لي ولوالدي ولابنائي بالصلاح والنجاح


وصفات يوتيوب لو كارب


كود:
http://www.youtube.com/results?searc...rch_type=&aq=fوصفات لو كارب


كود:
http://forum.lowcarber.org/forumdisplay.php?f=2

 

[BiiShOoO]

يسلموووو عليااااء على الريجيم الحلووو


و عوافي عليكم اكلكم يارب


عشاي اليوم كان من سبواي صدر دياية مشوية و خس و خيار و دايت كولا وبس

و بشرب الحين جاي اخضر

 

[سيلينا]

مرحبااا بنووتات

سوري كتبت رد اشطوله ونزلت الصور وطااااار ما طلع

احتريت وبنتي تحوس تبي تنااام وعندي دوام باجر اسمحولي باجر انزل يومي الحمدالله كااان تماااام

تصبحوون علي خير

 

[Stylista_Q8]

Passion

سوري والله حاولت أدخل أمس بس النت قهرني

كل ما ادخل يطلعلي Gate Way مايشنو >___<

ليما فقدت الامل وقلت أحط اليوميات أليوم

وبليز احد يعلمني شلون أشوي لني أول مرة أسكن بشقه واطبخ بروحي ؟


وسؤال الجاي الاخضر نحط وياه زنجبيل عادي ؟ واللي جربه بليز قولولي شلون طعمه ؟ حلو ؟ مر ؟

 

[Stylista_Q8]

اليوم ،،

تريقت بيضتين معه جاي اخضر ولتر ماي

كليت سناك روب probiotic معه بروتين

تغديت Caesar salad معه جاي اخضر

ماكليت سناك اليوم

رحت الناادي تمرنت حوالي الساعه

تعشيت Burger معه خضره ،، وجاي أخضر

 

[Stylista_Q8]

عليـاء

تقريبا الرجيم اللي حطيتيه اهوه اللي قاعده امشي عليه

بس سؤال اللحم والدياي والسمج نشويهم ولا نقليهم ؟؟

 

[الحلا^^مبتليني]

حبايبي

في بنات جدد شاركو معانا وملتزمين ومستمرين لأن هم جادين يبون يضعفون وانشاءالله يارب يتحقق مطلبهم وينزلون على صحه وعافيه


خاتم ذهب
dalo3t mamaty
loooo


ماشاءالله عليهم ملتزمين وانا مستانسه منهم


اماstylista_q8

امس ماشاركة
واليوم كتبت مشاركتها وراح اطوف لها بس هل مره

وفي بنات للأسف شاركو مره وعقبها ماشفتهم بالصفحه من يومين او اكثر فهم خارج القروب لأن ما دزو رساله خاصه ل passion

انا منزله الموضوع علشانكم وطلبت منكم الجديه والمثابره
وقلت اقري الشروط قبل لتدخلين معانا

صدقوني يابنات حق مصلحتكم انا ماني مستفيده شي بس حبينا انشارك مع بعض يومياتنا



ثانيا:

انا مابي منكم لما تدخلون تنزلون يومياتكم وبس ابيكم تعطون نصايحكم تعليقاتكم انشارك في مواضيع طبعا خاص بالرجيم علشان لا نحس بالملل

مثلا:
امس زوجي شرى ماء زعتر بس صناعته تركيه انا اللي استخدمه بحريني بس التركي مشا بطني اكثر وانتو بكرامه
غير الجاي الأخضر والزنجبيل واكليل الجبل مع عصير اليمون لازم عقب كل وجبة
وايد زين يساعد على النزول
وان شاءالله راح احطلكم صوره من الكاكاو الرجيم اللي وصفه لي الدكتور مع ايس الكريم وسكرين الشغلات اتكون بين الوجبات علشان لاتحسين بالملل واليوع​

انا من البنات الجدد اللي شاركو معاج بس حاليا علي الدوره وانتي عارفه تعب ودوخه انا الحين قاطعه ريجيمي عشان الدوره بس مااكل دسم خيييير شررررر يعني كل اكلي سعرات حراريه قليله انشالله من اتخلص الدوره ارد معاكم وبقووووه وحاليا ثابت وزني بس مرات يزيد جرامين عشان الدوره

 

[ملكة زماني]

صباح الخير

امس لعبت قاري وماخربطت والحمدلله عدى على خير


واليوم هذا اريوقي
توسته امحمشة فيها جبنه ومرتديلا



بنات
احس هالمرة مو قاعده انزل وااايد يادوب جم اغرام نازله (ضايق خلقي)
كل مرة انزل اكثر

بس الحمدلله

 

[ملكة زماني]

اسناكي كتن
ككاو رجيم مع جاي اخضر
عقب ماكليت تذكرة اني ماصورته


وهذا غداي
سلطة تونه مع دايت كولا

والحمدلله رب العالمين

 

[كيكه توفي]

شلونكم بنات

أخيرا خلصت متحانات واااي هالسبوع اللي طاف كلا مالي خلق وراسي يعورني صداع مو طبيعي لي اليوم ونومتي بايخه مقطعه حتن بالحلم اسمع حق نفسي اللي درسته بس الحمدالله تقديمي بهالامتحانات كلااا زين

المهم يومي

ريوق : كليت 10 حبات لوز + نسكافيه

الضحى : جاي اخضر

الغدا : سلطه + حمسة دياي ومادري شنو فيها فلفل وجزر ومادري شنو (امي مسويتها)


بس انا اليوم معزومه بليل عاد مادري شنو راح يصير

 

[BiiShOoO]

مساااء الخييييييير

عوافي عليكم اكلكم


ريوقي كان خبز صاج مع جبنه فيتا و خس و خيار و عصير برتقال فرش


و تغديت عيش ابيض و لبن و بس

 

[عليـاء]

هلا بنات شلونكم
بالعافية عليكم كلكم ماشاء الله واستمروا ويارب نضعف بصحة وعافية

- سويت 3 ايام اتكوتين ومريح وحلو
- اليوم مستمرة بس اكلت شوي لأني كنت ابي اقطع الريجيم وارجع مرة ثانية
حركة اني اقص على جسمي ههههههههههههه بس الحمدلله وقفت الساعة 5 واشرب ماي
معناتها اني كلت مو اني فتحتها وخليتها فري لا بس اني زدت في اكلي لأن الايام اللي فاتت ماكنت اتعشى
- ابي اكمل اليوم شرب لترين ان شاء الله
- من بكرة بارجع مرة ثانية لأتكوتين

 

[Stylista_Q8]

بنااات انا بادية رجيمي من 24 /3 صارلي نص شهر تقريبا > قولي اسبوعين لوول

الموهم

احس ما ضعفت الا كيلو ببجي

 

[عليـاء]

حبيبتي ستايلش
الافضل شوي ولا مسلوق
ومرتين بالأسبوع أكلي مقلي عادي
بالعافية أكلج وبالتوفيق ريجيمج

 

[عليـاء]

صحيح ستايلش
انا استخدم زيت الكانولا اللي يجي كانه رش ترشينه بالطابي
وايد حلو وخفيف واستخدميه يوميا عادي

 

[عليـاء]

بنات هاي موقع في كل سيديات الرياضة
روعة إن شاء الله بتستفيدون من التمارين

http://dvd4arab.maktoob.com/showthread.php?t=1833274

 

[DALO3T MAMATY]

قوه بنات

اليوم كاتبه يومياتي متاخر علشان خربطت شوي لان اليوم ملجت اختي يعني لازم اخربط وان شاء الله من باجر برجع اسكر حلجي مره ثانيه لازم اضعف علشان بملجتي اصير سمبتيك

 

[Stylista_Q8]

حبيبتي ستايلش
الافضل شوي ولا مسلوق
ومرتين بالأسبوع أكلي مقلي عادي
بالعافية أكلج وبالتوفيق ريجيمج

إيي عاد اليوم اكتشفت شلون استخدم الفرن لووول

وحرقت إيدي بس الحين تعلمت الحمدالله لوول :eh_s(22):

وشنو زيت الكانولا @@ ؟ اسم الماركة مالت الزيت ؟


و ماتقصرين على سايت الرياضة حبيبتي ^^

 

[Stylista_Q8]

اليوم ،،

تريقت بعد بيضتين كالعاده معه جاي اخضر ،،

كليتلي سنااك الروب ويا بروتين

تغديت fish fingers معه برقر دياي صغير وخضرة وجاي اخضر ونص لتر ماي

كليت سناك celery with peanut butter وجاي اخضر ونص لتر مااي

تعشيت برقر معه خضرة وجاي اخضر ولتر مااي

ومارحت النادي لنه بصراحة لما سويت الغدا ايدي احترقت وقعدت طول اليوم اعابل فيهم وما صاروا زينين الا على الساعه 10 بالليل