ابي اعرف نظام دكاتره الي نازلين على اصول قانون
مشاعل الهاجري:
اللي اعرفه انها ماشالله وااايد مجتهده وتشرح بالبور بوينت وسايتها وايد حلو فيه معلومات صوتيه ومرئيه
للامانه اهي مادرستني بس اذكر رفيجاتي يمدحونها
وااااايد تحب البنات اللي مايغيبون والمجتهدات بالماده ، سمعت ان قضاياها صعبه بس تييبها على مستوى شرحها
بنات سنه ثانيه راح يفيدونج اكثر مني
مرضي العياش:
يديد والعام اول سنه له ، البنات وايد يحبونه يقولون ونيس وخوش دكتور ، رفيجاتي عادوا الماده رفع معدل عنده وعطاهم اعمال سنه حلوه ، مادري عن المستجدات ، يقولون شرحه عادي وامتحاناته متوسطه الى صعبه
ابوالليل:
درس رفيجاتي باول سنه ، في اللي تمدح وفي اللي تذم
اهو اللي مألف الكتاب وطريقته بالشرح مو واو ، اذكر حضرت له مره كان ينوّم
وشوي عسر بالامتحانات والتصحيح ، بس ماشالله رفيجاتي شطار وطلعوا من الماده بقريد ممتاز تبارك الرحمن
مادري انا مانصح فيه
حسين شروق :
شقول شخلي ؟
هالانسان .. قمممممه
وايد بنات مايحبون طريقة شرحه بس للامانه واااايد طيب ومحترم ويراعي
وتهمه مصلحة الطلبه لدرجة انه يسوي 3 ميدتيرمات عشان البنات ايمعون درجات + يخلي البنات يشرحون وهم عليه درجات + كويزات + واجبات
ماياخذ حضور وغياب لان يهمه الطالب يحضر عشان الشرح مو عشان الدرجات
بس الحضور مهم حق الشرح عشان انتي تفهمين ، اللي تكون عنده انصحها .. تنوت معاه اول باول لان امتحاناته ماتطلع بره النوووت ابد ونوته شامل الكتاب ويكفي ويوفي
حييييل يقدر ظروف طلبته ويراعيهم ، يزاه الله خير ويوفقه وين ماكان
دكاتره ؟
