التجمع الثاني لطالبات { كـلـيـة الـحـقـوق ] جامعة الكويت . حياكم الله

[F.L.O.N.A]

قاعدة احاول ادش عالسستم ما يبطل يعطيني ايرور
عفيه بنات جربوا انتوا بعد جذي ؟؟؟

بشوف درجاتي اللي طافت ملوت السنين << لووووووول ولهت على الدراسه

 

[L a w y e R]

مبارك عليكم الشهر

 

[miss disaster]

مس دزازتر

ايي حدده حساافه انشالله ينزل عاد كنتي وياي انتي

محمد سامي منزل شعبتين لا تحاتين



تسجيل المستجدين راح يدزولكم مسجات لا تحاتين

هههههههههههههههههه اي صح ..:eh_s(22):

اشوه منزل

 

[miss disaster]

علينا و عليج لوير

 

[SKY--NA]

قوة بنات انا انقبلت حقوق الحمدالله :ggdw:
بس ابي اعرف متى اسجل المواد؟

الف مبروووووووووووك القبوووول خيتووو :eh_s(7):

بالنسبه للتسجيل يطرشون لج مسج الجامعه

 

[SKY--NA]

مبارك عليكم الشهر

علينا وعليج حبيبتي :eh_s(7):

 

[lawyer nona]

sky--na الله يبارك فيج حبيبتي
عاد حدي خايفة و مترترة مادري ليش احس حياه يديدة :ٍ

 

[SKY--NA]

نونا

يديده بس احلى بمليون مره من الثنويه

ماعليج 100% راح تستانسين

اول اسبوع اسبوعين بس ماتدرين شسالفه بعدين امورج تمشي ان شاءالله

و اي شي تبين احنا حاضرين

واذا عندج اي سؤال لا يردج الا كيبوردج :d

 

[miss disaster]

sky--na الله يبارك فيج حبيبتي
عاد حدي خايفة و مترترة مادري ليش احس حياه يديدة :ٍ

حده وناسه لا تخافين و لا شي
و مثل ما قالت سكاي اي شي تبين لا يردج الا الكيبورد :eh_s(22):

 

[eva beach]

مبـــارك عليكــــم الشهــــــــــــــــر جميلات وكل عام وانتوا بخير وصحه وسلامه يارب

اولا مبرووووووووووووووووووووووك لكل الي انقبلوا

وصيتي الجد والاجتهاد وانسوا ايام الثانويه ايام اللعب ولَت وراحت ههههههههههه

والله يوفقكم ويسهل عليكم يارب وان شالله اساميكم تكون بلوحه الشرف من اول سنه ليما تتخرجون

***

همسه باذن مس كول هالكلام موجه لج انتي كلام خاص جدا

>> يلا سكروووا عيونكم ههههههههههههههههه

حبيبتي اول شي بجيتي خلصتي ؟؟؟ طلعتي الي بقلبج ؟؟

اذا ماخلصتي وفي شي بعد باجي بقلبج طلعييييييييه وابجيييييييييييييي ابجيييييييييييييييي لما ترتاحييييييييييييييين

الحين خلصتي من سالفه البجي ولا تطولينها

شتسوين ؟؟ طلعي من المود الي انتي فيه

لان البجي ماراح يغير من الموضوع شي ... خلاص الحين هذا صار واقع

مانقبلتي بالحقوق .. قبولج بالاجتماعيه

واقع لازم ترضييييييين فيييييييييييه مو بكييفج انتي مجبوووورة

فلازم تتعايشين مع الوضع

واما انج تتغلبين عليه او يتغلب عليج وتكونين فاشله >> سوري على هالكلمه :/

بس طبعا انتي قدها وراح تتغلبين على هالشي

شلوووووووووووووووووون ؟؟؟

هالشي راجع لج وبيدج وقراااااااارج ومحد له دخل فيه ... انسي الكل وعقب ما تداومين شوفي نفسج

ارتحتي ؟؟ هذا المكان الي تشوفين نفسج فيه ؟؟ شوفي مستقبلج وين راح تكونين ؟؟

ماعجبج الوضع طبعا في حل الا وهو التحويل .. ولا تخلييييييييييييييييييييييييييييين اي احد يتدخل ويقولج حرام ضاعت سنه من

عمرج .. هالكلام ماخووووووووووووووذ خيره ومايوكل خببببببببز

تضيع سنه ولا يضيع عمررررررررررج كله

نرد على وضعج .. اول شي تسالين عن المواد الي راح تاخذينهم والدكاتره وكل شي عشان لاتتوهقين

وشدددددددددددددددددددددددددي حيييييييييييييييييييييلج .. وييبي اعلى القريدات

لعدة اسباب : اولهم عشان اذا بتحولين .. الثاني حلو التفوووق ومو لازم يكون بالمجال الي كنتي تبينه المفروض تتفوقين

وتثبتين روحج باي مجال تنحطين فيه

وثالث سبب حطي في بالج اذا لاقدر الله مامشيتي باجتماعيه والي تعتبر اسههههل من الحقوق شلون بتمشين بالحقوق؟؟؟

الحين راح ايي دور الواقع العملي لما تداومين راح يبين لج كل شي

واذا مو حابه مجالج في فرصه التحوووووويييييل والله ماكثر المحولات بكليتنا

وعلى فكررررررررره ترى واااايد منهم يكونون اوائل الدفعه

متخيله الوضع .. ولا مو اي اوائل لااااا ترتييييييييييييييييب ولا الطالبه الي انقبلت فوري تحلم فيه

كله عل اراده والدراسه والاجتهاد

واذا لا قدر الله هم مانكتب لج انج تحولين

حبييييي كليتج وحبي تخصصج ايا كان ... وابدعي فيه

اذا في شي انفرض عليج حوليه لشي ايجااااااااااااااااااااااااااااابي ولا تخليه شي سلبي بحياتج ماتقدرين تجارينه

ترى ياماااااااااااااااااااا ويااااااااااااااااامااااااااااااا صارت لنا اشياء مانبيها وبجينااااااا ومتنا وانهرنا

بس سبحان الله .. الله كاتب لنا الي احسسسسسسن منه .. كل شي خييييييره بهالدنيا

والايام تثبت لج هالشي

انا صارلي شي كنت ابييييييييييييييييييييييه وميته عليه كرهته حييييييييييييل ونفسيتي تعبت ومرضت والحاله حاله

اخرتها قرررت وبكامل ارادتي وقواي العقليه اني اتخلى عنه معنه كان حلم بس بدا يصير كاااابوس

والحمدلله الحمدلله الحمدلله ربي رزقني بالي احسسسسسسسسسسسسسسسسسسسسسسسسسن منه

بمليووووووووووووووووووووووووووووون مررررررررررررررررررررررررررررررررررررررررره

وعووووووووووووووووووووووضني الصبر والتعب الشقا الي تحملته

وياما في ناس دشوا الكليات الي يبونها من اول مره بسسسسسسس ماقدروا عل وضع ,, تلقينهم استسلموا من اول كورس

ماعندهم اراده ولا طموح ولا حلم

مافي شي اقوله بعد غير الله يوووووووووووفقج ويسهل عليج امورج

وان شالله نشوووفج بتجمعنا زميله لنا يوما ما مافي شي مستحيييل ولا صعب على رب العالمين

بس تفائلي وشدي الهمه

 

[lawyer nona]

سكاي و مس ماتقصرون حبايبي :eh_s(22):
وانشاله راح استانس بالكلية
بس عندي سؤاال اذا بسجل موااد اناا اختار المواد الي ابيها ولا اهما يحددولي المواد؟
و ابيكم تقولولي احسن الدكاترة
وبسسسس..

 

[رمز الترف]

صباح الخير بنووتاات
مبارك عليكم الشهر حباايبي
مبروووووك القبول للحلوين
مس كول يا قلبي انا محولة للحقوق سهالات والحين تفووقت ؛)
ما عليج من اللي يقولج بتضيعين سنة
قوليلهم تضيع سنة ولا تضيع سنين ولاحقة عالتخرج
انتي الحين قاعده تبنين اسمج ومستقبلج
وصدقيني التحويل سهاااالات

المهم بنوتات في موضوع حددده مأزمني
والله جد بنات مو بس مأزمني الا محبطني

ألا و هو الواسطة

بنات جد كل ما ابي ادرس واشد حيلي اتذكر هالسالفة و اطخ
جد شحقى اتعب عمري ؟؟ اخر شي اللي اقل مني تتوظف وظيفة احسن مني بمليون مرة

بنات جد مو شي يقهر ؟؟

اعرف بنتين بالحقوق وحدة متفوقة مع مرتبة الشرف و الثانية حياتها كلها تكميلي وسقطت سنتيييين ومعدلها زفت*

المتفوقة انقطت بوزارة ومعاشها عادي و ام التكميلي متوظفة وظيفة سنعة ما شاء الله و معاشها مبلغ وقدره !!
طبعا لان ام التكميلي عندها واسطة سنعة

و اكبر دليل الحين سالفة قبول الفتوى و التشريع !!!! اللي مخلين خريجين الكويت المتفوقين و قابلين خريجين البقالات لوول على قولة احد الدكاترة

بنات و الله تحسون باللي احسه !!! ترى شي يقهر مو بس يقهر الا يمووووت
يعني تذبحين عمرج ٤ سنين ووقتج كله يروح عالدراسة اخر شي تنقطين بوزارة زفت ودوام زفت ومعاش زفت !!

الحين صار هذا تفكيري مع اني متفوقة بالحقوق بس قلت خلاص لي تخرجت اطلع لي واسطة سننعة و اتوظف
لاني للاسف لو اعتمد على معدلي وشطارتي بيحذفوني بره!!

 

[رمز الترف]

نووونا
مبروك القبوول
لا اهما يحددولج ٦ مواد ( اصول قانون - دستوري - شريعه - مبادئ اقتصاد - قاعة بحث )
باجي مادة انتي تختارين من هالمواد ( علم اجرام - حقوق انسان - تاريخ قانون ) تختارين مادة فقط
طبعا وخري عن تاريخ قانون كلش ما انصحج فيها
علم اجرام يمدحوووونها حييل انصحج فيها
حقوق انسان حلووة ماخذتها قبل لا احول بس وخري عن د.مدوس لا تاخذين عنده




و بالنسبة لافضل الدكاترة راجعي صفحات التجمع السابقه
قيمنا انا و البنات الدكاترة


و بالتوفيق يا رب *

 

[lawyer nona]

رمز الله يبارك فيج وانشاله لمن تتخرجين تتوظفين احسن وظيفة
انزين عيل باخذ علم اجرام
بس اسجل الوقت الي ابيه لمن اروح اودي الاوراق ولا اسجل بالنت ؟؟

 

[~.ąvȍƈaȚ.~]

لوير نونا

لا انتي مستجدة لما تروحين تودين الاوراق تسجلين هناك راح يدزولج مسجات بالوقت و التاريخ انشالله




رمز الترف

اي والله صاجه...بس ترى الفتوى و التشريع بنفس الوقت قبلوا متفوقين وايد و كانوا من الاوائل

صج ان صارت حركة ان الفتوى و التشريع "نفسهم" دقوا على البعض و قالولهم قدموا استقالتكم و بسرعه تعالوا عندنا قدموا <<< يعني مكانهم مضمون مضمون !!

و انا متأكدة من هالسالفه بس قلت البعض طبعا مو الكل

المهم اللحين انتي لا تعتمدين على هالكلام خلي شهادتج حقج و الواسطات على صوب كااااافي لما تكونين متفوقة و تتعينين بمكان تحسين بالفخر انج داشه بشهادتج و بتعبج و ضمير مرتاح انج تستاهلين هالمكان مو بواسطة غيرج...انا اعتبر هالشغله وايد مهمه يعني حتى لو كنتي متفوقة و توسطولج بالنهاية انتي تستاهلين هالمكان

ما تدرين شنو الوظيفة اللي تبينها يمكن تبين تكملين يعني كل شي راح يتغير بعدين و اللي الله كاتبه بيصير بواااسطة و الا بدووونها

الله يكتب اللي فيه الخير ياارب


______________________________________________

و مبارك عليكم الشهر
علينا و عليكم مؤخرا و تقبل الله طاعتكم

 

[lawyer nona]

avocat اي دزولي تاريخ 15 -8
انزين ابي دكاترة زينين حق المواد الي تعرف تقولي بليز

 

[نؤر دنيآي]

قوووه
شلوونكم بنات ؟

فديتكم

أنا قبلوني الحقوق وعطوني موعد 15/8

وااااااي بنات حدي خايفه

من يوم وصلني مسج عن الموعد

وانا افتر ابي اسماء دكاترة

واحووس بالنت


بليززز بنات الله يوفقكم

ابي احسن دكاتره اللي يدرسون مواد سنه اولى

فديتكممم الله يوفقكم

 

[L a w y e R]

الخوات المستجدات

قبل التسجيل راح يعطونكم خبر باسامي الدكاتره

قولولنا منو اللي نازلين حق اولى وحنا ماراح نقصر انشالله

 

[نؤر دنيآي]

لوير أنا عطوني موعد

متي يقولون لنا اسماء الدكاترة

يعني يدزون لنا مسج والا لما نروح نسجل يعطونا أسامي الدكاترة

واااي سوري أدرى بلعوزج الله يعينك علي لووول

شسوى حدي خايفه مو عارفه شي *

 

[lawyer nona]

قوووه
شلوونكم بنات ؟

فديتكم

أنا قبلوني الحقوق وعطوني موعد 15/8

وااااااي بنات حدي خايفه

من يوم وصلني مسج عن الموعد

وانا افتر ابي اسماء دكاترة

واحووس بالنت


بليززز بنات الله يوفقكم

ابي احسن دكاتره اللي يدرسون مواد سنه اولى

فديتكممم الله يوفقكم

واااي نور انتي نفسي انا بعد 15-8
انشاله نعرف احسن الدكاترة
الله يعينا