التجمع الثاني .. مسافرات امريكا 2009 ... حياكم

[الجوري74]

الجوري انا بنتي اسمله عليها 8 سنين وولدي 7 سنين .. انتي اصلا بالJclass
يعني ما راح نتشاوف انا اكونومي عادي

اي زين بنوتج كبر بناتي انا عندي 6و9 سنين
ولا يهمج راح اخليهم بالايكونومي شعانج

هااااااااااااي حبيبات قلبي كلكم
ماشالله زاد عددنا وما اذكر اعدد وحدة وحدة
وبالنسبة للبنات اللي عالقطرية انا 29 الفير السعة 3 نطير ان شالله
ومنوووورة يالله جهزي جنطتج ما بقى على سفرتج شي وانتي سفرتج طويلة من غير شر
واليوم زوجي جنة خايف وبيكنسل عاد قرقت على راسة ليما اقتنع اشوي

شوفي الحنه والقرقه ساعات تنفع

بنات انا سفرتي يوم اليمعة بليل س 10 بليل اكون بالمطار على دلتا منو معانا بنفس الطيارة؟؟؟؟

الله يسهل عليج وعلينا
ان شاء الله

السلام عليكم
بنات أنا من المتابعين لكم من زمان بس العيز ذابحني اني أشارك وبعد زادها سالفة الأنفلونزا :eh_s(14):
خلت الواحد ماله خلق شي .
أنا انشاء الله رايحه تاريخ 8 \ 7 بس 7 \ 7 نروح المطار و الطياره الساعه 12 : 45 دقيقه بليل يعني دخلنا يوم جديد
علي طيران اللوفت هانزا من الكويت لين المانيا و من المانيا علي اليونايتد لين كاليفورنيا اسبوعين و بعدها فيقاس اسبوع

بس :0bee2e8d89:
خايفه علا بنتي حيل الله يحفضها فيها سكر وخايفه انا مناعتها اضعيفه .......وفي احد اخذ تطعيم ..وعسا الله يحفضنا ويحفض
اعيالنا يارب من كل شر و مرض......امين :hearting:​

الله يسهل عليج ان شاء الله
احسن لج تراجعين دكتور وتستشيرينه اضمن لج
وما تشوف شر ان شاء الله بنوتج
:tek:

صباح الخير

هلا فيكم بنات شخباركم

شروقة

ولهت عليج العافية بعد قلبي

شخباركم بعد

اي والله سماسم شهالغطه..... وينج؟؟؟

تمام بخير بروح اشتري جناط هالاسبوع بس وين تنصحوني ؟؟

روحي مركز سلطان رازينهم بالمدخل
في عندهم كذا ماركه

سلام بنات شلونكم انا الحين في امريكا تحديدا في فلوردا و اقولكم ان ما في اي شي اهني انا ما اسمع عن الانفلونزا الا من المنتدى اهني الكل قاعد يطلع مع عياله ما اكو احد لابس اي كمام في المطار لا تفشلون روحكم وتلبسونه ما في اي داعي للخوف .
انا اقول حق ريلي شكلي انا بنشر عدوى في امريكا لاني يايه من الكويت مريضه او قاعد و اعاطس عليهم . ( انفلونزا كويتيه ) .

اي هذا الا خبار اللي تونس وتشرح الصدر وتبث في النفس الطمأنينه والسرور>>درس تعبير
:dddds:

هلا حبيبتي بياض شلونج؟؟ انا شريت من مركز سلطان بس الي بالشويخ اعتقد الي يبيعون بالجمله لان هناك عندهم تشكيله اكثر وعليهم كفاله 3 سنوات بصراحه وايد حلوين روحي شوفيهم

الله يطمنكم

والله يحفظنا من كل شر

آمين بارب

اقولكم اخر اللي وصله مديري

يبيني اكنسل اجازتي ...علشان اهوا يروح مصر ام الدنيا

لووووووووووووووووووووووووووووووووووووول ضحكني هالمصري
:krkrkr::krkrkr:

بدددددددددددددددددددع
بس اخاف يتغشمر

السلام عليكم

شلونكم بنااات .. صايرة اغط اغط و ايي فجأة

طبعا مثل ماقلت لكم بسافر نيوورك 17-7 الصبح عالكويتية دايركت >> ودي اغير بس ريلي عنده تذكرة حكومية لأن بسافر على حساب الوزارة سفرته تعتبر مهمة عمل ..لأن الكويتية بدووون تعليق لا و دايركت بعد .. الله يستر
و مثل ما تدرون ما رح آخذ عيالي بعد قلبي ريلي قاللي آنا بروح اشتغل و ادرس و اليهال رح يشغلوني>>صاج و الله دراسته وااايد صعبة الله يعينه.. و يبيني اروح معاه اساعده و اطبخله ..
برد انشالله23-8

ادري اذيتكم .. بس عندي جم سؤال إذا ممكن تساعدوني
تعرفون مكان نقدر نأجر منه شقة بالنيوورك ؟ يعني موقع عالنت مثلاً
منو منكم بيسافر و بخلي عياله بالكويت.. عند منو بتخلوهم >> شكلي بس آنا
شنو الأماكن السياجية اللي نقدر نروحها بنيويورك ..و مطاعم ذبح حلال
و اي معلومة اقدر استفيد مها بما ان طووول السفرة رح اكون معتمدة على نفسي بكل شي فودي يكون عندي فكرة عن كل شي هناك

ادري طلباتي وااايد .. بس اللي تقدر تساعدني اكون شاكرة لها

و ميرسي

ما اقدر افيدج ما طبيت نيويورك ولا مره
بس دشي قوقل وكتبي ابارتمنت فيكيشن رينتل ان نيويورك
ويطلعلج اشكااال والوان
تعالي دشي تقرير روونه مثبت تحصلين فيه اللي تبينه

 

[cat_q8]

الكويت - من سلمان الغضوري ونواف نايف وسعود السلطان - القاهرة - من أغاريد مصطفى|

فيما دعا وزير الصحة الدكتور هلال الساير إلى التخفيف من «الهالة العالمية» التي أحاطت بمرض أنفلونزا الخنازير، موضحا لـ «الراي» أن الأنفلونزا الموسمية تتسبب بثلاثة أضعاف ضحايا المرض المستجد، أعلنت وزارة الصحة عن عقد اجتماع اليوم للجنة العليا المشتركة لمكافحة المرض.
وبينما بات تمدد المرض العالمي جليا على الساحة العربية بإعلان القاهرة أمس عن الاشتباه بإصابة مصري قادم من الكويت وسبعة من دول عربية وأجنبية ليرتفع عدد المصابين بالفايروس إلى 18 حالة، مع أصوات تعالت داعية إلى إغلاق مطار القاهرة الدولي، أعلنت وزارة الصحة السعودية عن وصول عدد الحالات المصابة إلى ثمان جميعهم قادمون من الخارج.
وأعرب الساير عن عدم قلقه حيال أزمة أنفلونزا الخنازير، مخففا من «الهالة العالمية» التي تحيط به، موضحا أن الانفلونزا الموسمية أو الانفلونزا العادية التي تصيب جميع البشر بين فترة وأخرى تتسبب في وفاة أكثر من 500 حالة سنويا على مستوى العالم في وقت تسبب فايروس انفلونزا الخنازير بحصد 145 حالة إلى الآن.
وعن إعلان منظمة الصحة العالمية الدخول في المرحلة السادسة وإعلان الوباء عالميا، أوضح الساير أن هذا التوجه من منظمة الصحة العالمية يعود كون الفايروس انتشر في الأقاليم العالمية ما دعا المنظمة إلى الإعلان عن انتشاره على مستوى الأقاليم والعالم وهو إجراء متبع مع الأمراض الوبائية
وعن توجه أو مناداة البعض إلى إغلاق بعض المطارات العالمية خوفا من انتشار الفايروس أكد الساير أننا «لن نصل إلى هذه المرحلة» مشيرا إلى أن «لدينا إجراءات وقائية واحترازية نطبقها في المنافذ، كما لدينا فرق طبية مختصة لمواجهة المرض و لاخوف على البلاد من هذه الناحية».
و جدد الساير تأكيد استعدادات وزارة الصحة للتعامل مع الفايروس، داعيا الراغبين في السفر إلى الحرص على عدم السفر إلى بعض الدول الموبوءة أو التي ظهرت فيها حالات إصابة كثيرة مثل المكسيك مع وجوب اتخاذ إجراءات الحيطة والحذر كون أن الفايروس له قدرة سريعة على الانتقال والانتشار، داعيا إلى الحرص على تناول المعلومات الصحيحة من مصادرها الموثوقة وكذلك عدم الالتفات إلى الإشاعات.

 

[cat_q8]

وقال المتحدث الرسمي باسم وزارة الصحة الدكتور يوسف النصف في تصريح لوكالة الانباء الكويتية (كونا) ان الاجتماع «يهدف الى متابعة الوضع الصحي العالمي في ما يتعلق بهذا المرض بعد رفع درجة التأهب ووضع التدابير والاجراءات الوقائية اللازمة وذلك بالتعاون والتنسيق مع الجهات المختلفة ذات الصلة».
وأكد النصف ان رفع درجة التأهب «لا يعني أن الفيروس أصبح أكثر خطورة وانما زادت البقعة الجغرافية التي انتشر فيهاالمرض»، مشيرا الى ان الوزارة «تعمل ضمن منظومة منظمة الصحة العالمية وتتبع جميع الاجراءات الدولية المتبعة بهذا الصدد»، مؤكدا «خلو البلاد من هذا الوباء». وقال ان الوزارة «متفاعلة مع الحدث منذ البداية ووضعت خطة طوارئ محكمة لمجابهة هذاالوباء ابتداء من فحص جميع القادمين من الدول الموبوءة واستخدام الكاميرات الحرارية واصدار تعاميم للاطباء العاملين في القطاعين الحكومي والخاص حول كيفية التعامل مع الحالات المشتبه بها، اضافة الى ان الوزارة قامت بتدعيم احتياجات المختبرات للكشف واختبار العينات عن المرض ولديها مخزون دوائي كاف يقدر بـ 10 ملايين كبسولة من الدواء تكفي لعلاج مليون مصاب».

 

[dream_q8]

السلام عليكم

شلونكم بنااات .. صايرة اغط اغط و ايي فجأة

طبعا مثل ماقلت لكم بسافر نيوورك 17-7 الصبح عالكويتية دايركت >> ودي اغير بس ريلي عنده تذكرة حكومية لأن بسافر على حساب الوزارة سفرته تعتبر مهمة عمل ..لأن الكويتية بدووون تعليق لا و دايركت بعد .. الله يستر
و مثل ما تدرون ما رح آخذ عيالي بعد قلبي ريلي قاللي آنا بروح اشتغل و ادرس و اليهال رح يشغلوني>>صاج و الله دراسته وااايد صعبة الله يعينه.. و يبيني اروح معاه اساعده و اطبخله ..
برد انشالله23-8

ادري اذيتكم .. بس عندي جم سؤال إذا ممكن تساعدوني
تعرفون مكان نقدر نأجر منه شقة بالنيوورك ؟ يعني موقع عالنت مثلاً
منو منكم بيسافر و بخلي عياله بالكويت.. عند منو بتخلوهم >> شكلي بس آنا
شنو الأماكن السياجية اللي نقدر نروحها بنيويورك ..و مطاعم ذبح حلال
و اي معلومة اقدر استفيد مها بما ان طووول السفرة رح اكون معتمدة على نفسي بكل شي فودي يكون عندي فكرة عن كل شي هناك

ادري طلباتي وااايد .. بس اللي تقدر تساعدني اكون شاكرة لها

و ميرسي

حرم الدكتور لاتحاتين كل شي حواليج اذا أنت في منهاتن عندج بروكلن كلها محلات عرببه وعندج بعد في نيو جرسي يمها على طول يمكن نص ساعه كنت ساكنه فيها لاكثر من سنتين
فيها مدينه أسمها باترسون كل شي تحتاجبنه مطاعم ,بقالات ,ملحمه
وبالأخير الله يعافي مارشمالو ويخليه لج

 

[بدردر2007]

ام البنين
منورة الكويت
الجوري
مشكورين

:tek:

بس في أحد طعم تطعيم الأنفلونزا العادي وفي وين ..... اذا ماكنت غلطانه في بنات قالو في دار الشفاء​

 

[dream_q8]

بنات في أحد جرب او سمع عن فندق Regal Sun Resort باورلاندو لانهم حاطين عروض خياليه عليه وشفت صوره حلوه حيل بس قلت أكيد فيه إن:080402ask_prv:

 

[dream_q8]

الله يعافيكم حطولي رابط التجمع الثاني إلي سوته الغاليه روووونه

 

[عروس الدنيا]

دريمد كل فنادق اورلاندو زينه تقريبا ... ششوفي نفسج شنو تبين و اختاري

 

[*^^حرم الدكتور^^*]

حرم الدكتور لا تحاتين ترى تصير احيانا ظرووف و نضطر نخلى العيال و نسافر خليهم عند الوالده او خالتج او اختج وانتى كلهه شهر وراده بالسلامه

هذا الموقع فيه كل المطاعم الحلال بأمريكا كلهه بس تحددين وين بالضبط انا اخترت نيويورك وانتى اختاري اسم المنطقه وفى وااايد مطاعم

http://www.zabihah.com/lir.php?id=34

ديجتال مشكوووورة حبيبتي عالموقع .. وااااايد حلو و يزاج الله خير فعلا استفدت ..

و عن اليهال صاجة .. بخليهم عند اختي مسكينة لأن امي مسافرة و لي ردت اهي بتجابلهم .. و عيالي صغاار سنتين و 7 شهور و الثاني سنة و 3 شهور .. يكسرون الخاطر بس مثل ما قلتي الظروف اللي اتخلينا نضطر نخليهم لمصلحتهم
مشكوورة رفعتي معنوياتي

 

[*^^حرم الدكتور^^*]

الجوري مشكوورة على المعلومة و الحين قاعدة ادور .. افتر رااااااسي :dddds:
وااايد شقق بس اللي لقيتهم حاليا كلهم نظام استديو .. من غير مطبخ .. بس انشالله ألاقي اللي ابيه

 

[*^^حرم الدكتور^^*]

Dreemd احنا بنروح منهاتن انشالله ..

مشكووورة و قاعدة اسجل كل المعلومات اللي قلتيلي و البنات عنها .. يزااااج ربي الجنة..

و مشكوورة عالدعوة الحلوة يالغالية

 

[rawona]

السلام بنات شلونكم


شخباركم؟؟



التجمع هذا خاص بكل الاستفسارات الخاصه عن امريكا وسوالف السفر والمتعلقه بالسفر فقط!!


سوالف دوام ... سينما ... يهال... سوق ... صالون.. لووووول خلوها بالتجمع الثاني

​

هلا رونة شلونج
اليوم رحت النصر وشريت مايو اسلامي

عليج بالعافيه ..

انا بعد رحت شريت من النصر اللي بجمعية الفيحاء ..
​

بنااات شلونكم شخباركم جميييعا بدون استثناء وبصراحه انا مادري شنو سالفه المنتدى عندي مايبطل كله معلق .....
واااي توني راده من الخيران امبي الجو عجيييب اينن والسباحه بالبحر ولا ارررروع
والفيلا حلوه اول مره اروح لها
المهم بشرو وانا هناك سمعت انه المرض صار وباااء لووووول
وريلي يقولي هااااا نظل على 17-7 ولا نغير الوجهه اقووله لا تغيير ما باذني ماااي

ها يا حلواات خلاص عزمتو ولا بتكنسلووون ؟؟؟

بياض على راحتج حبوبه انتي شاللي مرتاحه منه؟؟


انا عن نفسي .. سوف امضي قدما!! لوووووووول شرايكم فيني وانا اتكلم بالنحوي؟

والله خير الحافظ



دلوعه انتي بعد شوفي شاللي ترتاحون منه وسوه ..​

السلام عليكم
بنات أنا من المتابعين لكم من زمان بس العيز ذابحني اني أشارك وبعد زادها سالفة الأنفلونزا :eh_s(14):
خلت الواحد ماله خلق شي .
أنا انشاء الله رايحه تاريخ 8 \ 7 بس 7 \ 7 نروح المطار و الطياره الساعه 12 : 45 دقيقه بليل يعني دخلنا يوم جديد
علي طيران اللوفت هانزا من الكويت لين المانيا و من المانيا علي اليونايتد لين كاليفورنيا اسبوعين و بعدها فيقاس اسبوع

بس :0bee2e8d89:
خايفه علا بنتي حيل الله يحفضها فيها سكر وخايفه انا مناعتها اضعيفه .......وفي احد اخذ تطعيم ..وعسا الله يحفضنا ويحفض
اعيالنا يارب من كل شر و مرض......امين :hearting:​

الله يشافي بنوتج ويعافيها يارب ..


انا اقول الافضل تستشيرين دكتورتها بالنسبه لحالتها ولمناعتها.. لان المرض ممكن يهاجم او يصيب اللي مناعتهم ضعيفه جيكي على صحتها واذا قالت الدكتوره اوكي مافي شي يمنع سفرها توكلي على الله بس اهم شي

تكون معاج علاجات السكر مالتها علشان لا تتوهقون اهناك .. والله يحفظها ويخليها لج يارب ..​

سلام بنات شلونكم انا الحين في امريكا تحديدا في فلوردا و اقولكم ان ما في اي شي اهني انا ما اسمع عن الانفلونزا الا من المنتدى اهني الكل قاعد يطلع مع عياله ما اكو احد لابس اي كمام في المطار لا تفشلون روحكم وتلبسونه ما في اي داعي للخوف .
انا اقول حق ريلي شكلي انا بنشر عدوى في امريكا لاني يايه من الكويت مريضه او قاعد و اعاطس عليهم . ( انفلونزا كويتيه ) .

ترجعين بالسلامه ان شاءالله


والله يحفظج ويشافيج من الانفلونزا الكويتيه ​

بنات في أحد جرب او سمع عن فندق Regal Sun Resort باورلاندو لانهم حاطين عروض خياليه عليه وشفت صوره حلوه حيل بس قلت أكيد فيه إن:080402ask_prv:

انا سامعه فيه من قبل .. بس ما جربته

عموما ريزورتات اورلاندو اغلبهم زينين واسعارهم زينه ..



اللي تسأل عن نوعية الغرف للعايله اللي معاهم يهال


بالنسبه لي افضل الشقق الفندقيه اللي فيها مطبخ وفيها غرفة غسيل ..


صج اغلب الوقت احنا بره الفندق بس المطبخ مهم لي للريوق واذا رجعنا بليل ساعات اليهال ايوعون اسويلهم شوربه .. بطاط .. ناجيتس .. كورن فليكس .. جذي هالخرابيط .. وهم لاني اشتريلهم فاكهه وعصاير وايس كريم يعني عندي المطبخ ضروري :tek:​

 

[واصله]

قوة بنات اشلونكم

تصدقون ليما الحين ما طلعت لجناط ولا شي
بس قاعدة اتشرى حق السفر
واحس اني متشتتة اول مرة اسافر مع عيالي الله يستر منهم

 

[rawona]

قوة بنات اشلونكم

تصدقون ليما الحين ما طلعت لجناط ولا شي
بس قاعدة اتشرى حق السفر
واحس اني متشتتة اول مرة اسافر مع عيالي الله يستر منهم

واصله انا بعد نفسج للحين ما طلعت الجناط ولا سويت شي فيهم ..




رحت امس شريت الجل المعقم وكلينكسات الديتول ومرطب الايد 50 مل للطياره ونفس الشي المعقمات علشان ما ياخذونهم بالطياره ..


وشريت رول "سفره" لانه اهناك مافيه وبصراحه يفيد .. وشريت بجامات لليهال وقصص وكراسات تلفوين والوان وشباصات وسوالف تسليهم بالطياره


بنات لا تنسون تاخذون ادويه معاكم لليهال IN CASE


مثل دوا الحراره وجنطة الاسعافات الاوليه وكريم الحروق والفا كورت وكريم بو اسد نسيت اسمه لووول ومن هالسوالف



اي وشاحن التلفون ومحول الكهربا ومكينة الحلاقه وماكينة براون

والكاميرات والشحن


وسجادة الصلاة وثوب الصلاة والبوصله



اممممممممم شنو بعد؟؟ ذكروني:tek:​

 

[اشراقة الحياة]

مسااااء الخير بنووووتااااات .........

اشلووووونـــــــكــــــــــم ...........؟؟؟؟؟

شصاااار على الجنااااط ................تصكرت ولا بعد ...........

 

[rawona]

اشراقه للحين ما تسكرت لووول



ساعديني شنو احط ما احط؟؟ <<<< جنه اول مره تروح لووول


بس صج لان السفره يت جذي فجأه! احس مو متزهبه :krkrkr:
​

 

[**بياض الثلج**]

مساااكم الله بالخير يا حلويييين

 

[rawona]

مساااكم الله بالخير يا حلويييين

هلا بياض شلونج؟؟؟


شنو اخر الاخبار؟؟



انا للحين ماسويت شي .. ودي اسكر الجنطه اليوم قبل باجر بس اخاف اسكرها واحن على السفره لووول




ام البنين


اشراقه



منوره


واصله


امواج



اللي بيروحون الحين اخر الشهر متى بتصرفون؟؟

​

 

[cat_q8]

بنات ماعلقتوا على الاخبار اللي حطيتها :0bee2e8d89: :0bee2e8d89:

 

[اشراقة الحياة]

بــــــــــــــــــــــــــــــــــــــــااااااااااااااااااااااك

رحت اصلي ورديت لكم ........

وبالنسبه حق القائمه ..............

الكاميرات .... وشحنهم .....واشرطه زياده .... وميموري سعه اكبر ...من الي عندي
المعقمات الي اخذتهم من بوتس .......
شحن التلفون ....
كراسات تلوين .....والوان خشبيه .....
مطارات ماي ....حق عيالي ......
Psp .......عيالي
dvd ........عيالي مع اشرطتهم ...
Ipod ...... انا وريلي ....<<< كان حق عيالي لووووووووول
لابتوب .....<<< حقي طبعا
ملابسنا....تتضمن : .....<< اكيد يعني
قمصان طويله ....
جينز سكيني ......
لقنز 4 الوان .......
الله يعزكم جواتي فلات .....
اغطيه المرحاض ....وانتو بكرامه ....
علاق الحمام حق الملابس .....
جنطة كروس ....<<<< حقي
جنطة ظهر.....<<<< حق ريلي وعيالي .......
المنظفات الشخصيه .....بانواعها...

ومادري شنووو يعد .....؟؟؟ ....<<<< شنو بقى بعد لووول



وان شاء الله بااااجر بروح افتح ......حسااااب بالدولار بنك الوطني .......
ترى انا قبل اسبوووع او اكثر كنت .....ساله عنه .....
وراااح اصرف من المزيني ..........