التجمع الثاني .. مسافرات امريكا 2009 ... حياكم

[rawona]

هااااااي بنات



انا صوت لفينيشيان لاني كنت ساكنه فيه



وايد حلوووو وكل الغرف تقريبا نظام سويتات



وداخله سوق ومطاعم بصراحه بالنسبه لي المفروض



ياخذ المركز الاول

هلا دي كي لو تلاحظيني انا باول التجمع قايله ابي الفينيتين .. بس قريت reviews وايد يمدحون البيلاجيو والوين علشان جذي احترت وايد وحبيت اخذ اراء ناس مجربتهم ..

وانا حابه الفينيتين بالاول لان فيه بعد متحف الشمع ومولات ومطاعم يعني وناسه وكل شي قريب ..

يالله خل نشوف اراء ثانيه .. ميرسوووووووووو :blueSmCLR:

​

هلا رونه سوري حبي امس طلعت ماقعدت بالبيت
والله زين طلع جذي عيل انا ليش طلع معاي هالكثر ؟؟؟؟
ومشكووووووووووووووره تعبتج معاي وايد

العفو حياج .. :edbf4317b9:​

 

[بشورة الأمورة]

السلام عليكم تجمعكم حدههههه عجييييييييب و شيشتوني ابي اروح اورلاندو بس ابي اسال جم ساعة بالطبارة و دايركت ولا ترانزيت ؟

وموقع اكسبيديا لازم فيزا ؟؟؟ ويقولون يجيكون على حساب رب الاسرة عالاقل يكون فيه 3000 دينار !!!!! مادري هذا اللي سمعته

وروونا حبيبتي ابي اسالج ما عليه تحمليني انا اول مرة بروح امريكا تنصحيني باورلاندو ؟؟ انا و زوجي و 2 من عيالي وشرايج من وين احجز عشان اوفر شوي و مشكووووورة ومنها للأمام انشالله

 

[rawona]

السلام عليكم تجمعكم حدههههه عجييييييييب و شيشتوني ابي اروح اورلاندو بس ابي اسال جم ساعة بالطبارة و دايركت ولا ترانزيت ؟

وموقع اكسبيديا لازم فيزا ؟؟؟ ويقولون يجيكون على حساب رب الاسرة عالاقل يكون فيه 3000 دينار !!!!! مادري هذا اللي سمعته

وروونا حبيبتي ابي اسالج ما عليه تحمليني انا اول مرة بروح امريكا تنصحيني باورلاندو ؟؟ انا و زوجي و 2 من عيالي وشرايج من وين احجز عشان اوفر شوي و مشكووووورة ومنها للأمام انشالله

هلا حبوبه

شوفي اول شي لازم اطلعون كلكم الفيزا السياحيه لامريكا "جيكي الصفحه الاولى" بتلاقين الخطوات مشروحه واول ما تقدمون على الفيزا وتطلع بعدين نقرر الولايات والميزانيه وهالسوالف

واذا ناوين تروحون امريكا هالصيف طلعي الفيزا من الحين ضروري قبل الزحمه ..

بالنسبه للفيزا السياحيه مالهم شغل بجم موجود بحسابج ومن هالسوالف اهم يقولون يفضل تيبون كشف حساب بس ما ياخذونه ..

بالنسبه لاكسبيديا اهو موقع سفريات على النت والطريقه انج تحددين وين بتروحين والمده والسكن والسياره من هالسوالف وتشوفين اللي يناسبج واهم يقبلون الفيزا او الماستر كارد او الاميركان اكسبريس اي من هالكريديت كاردز يمشي

بالنسبه لاول مره تروحون امريكا اذا ميزانيتكم تسمح روحوا نفس رحلة الخوات شوشا وغلاغلاتي
كانت رحلتهم نيويورك - نياغرا فولز- بالتيمور- هيرشي - اورلاندو
او تخلونها بس اورلاندو وميامي

واذا حابين تروحون كروز ممكن ليش لا؟

او تاخذون جوله بفلوريدا كلها تفترون على مناطقها (ديتونا بيتش- اورلاندو- ميامي- تامبا- الكي ويست)

اللي يريحكم وعلى حسب ميزانيتكم ..

خلصوا من الفيزا اول وتالي انشالله اي شي تبينه انا حاضره

​

 

[شرطيه حلوه]

راح أنضم معاكم بتجمعكم
انشالله ناويه أروح أمريكا هالسنه أنا وزوجي وبنتي وسوينا اجراءات الفيزا ورحنا المقابلة
بس حبيت أسأل اشكثر يطولون السفاره على ما يردون علينا ؟
انا تقريبا رحت المقابله من 10 ايام

 

[كويتيه وافتخر]

السلام
خواتي بالنسبه للي تقول يشيكون على الحساب مااتوقع
انا خذيت واياي تقرير راتبي وراتب زوجي وكشف حساب لنا الاثنين ولاطلوا فيهم حتى 00

واللي راحت المقابله قبل عشر ايام خذوا جوازتج ؟؟ لان اللي ياخذون جوازهم بس اللي موافقين عليهم

ويعطونج رقم وانتي دقي عليهم سألي

وبنات انا باسال
اشلون اعرف اذا باشتري شيء من المواد الغذائيه انه مافيه دهون خنزير او كحول ؟؟

اسألهم مباشره
وانا قريت للاخت اللي تقول ان الشيخ افتى حلال ناكل من لحمهم هناك انا سألت شيخ قال مستحيل
الضروره فقط تبيح المحرمات
يعني اول شيء مايكوووون نهائي فيه شيء حلال وهذا مستحيل السمج حلال 00 وعندج النباتات كلها
الرز العدس البطاط ال ال ال يعني موضروري لحم ودجاج
ثاني شيء انه تكونين خلاص بتموتين جوع وما اتوقع صايره

هناك فيه اماكن للمطاعم الحلال يعني ماخليت

00 بس حبيت اساعدج بالمعلومه الدينيه وبصراحه ودي اعرف اسم شيخ الدين لانه شككني بدراستي كلها
<<تخصص دراسات اسلاميه
ومشكورين

 

[nawnaw]

روانا
انا صوت للفنيشن ..
البلاجيو فخم بس ما يونس للسكن الفنيشن وايد احلا ومور فن ..يعني مطاعمه فيه لليهال ويه للكبار ....ما ادري احس يونس اكثر من البلاجيو غرف الفنيشن وايد احلا واكبر ..اصغر غرفه فيه عباره عن سويت
بس اذا تبين تجربين شي يديد ..جربي الون
بس اذا اول مره حق فيغاس ..انا اعتقد ضروري تجربين الفنيشن ...ولاحقه علي الون ان شاء الله
او جربي يومين بالفنيشن ويوم بالون ...
..اعرف ناس دايما يجربون فندقين بفيغاس للاستكشاف

 

[rawona]

راح أنضم معاكم بتجمعكم
انشالله ناويه أروح أمريكا هالسنه أنا وزوجي وبنتي وسوينا اجراءات الفيزا ورحنا المقابلة
بس حبيت أسأل اشكثر يطولون السفاره على ما يردون علينا ؟
انا تقريبا رحت المقابله من 10 ايام

هلا حبوبه .. شوفي اذا خذوا جوازاتكم يعني السالفه مو مطوله انشالله بالكثير اسبوعين بس اذا ماخذوهم يمكن تاخذ اسبوعين او شهر او 3 اشهر او اكثر يعتمد والله يسهل انشالله ​

السلام
خواتي بالنسبه للي تقول يشيكون على الحساب مااتوقع
انا خذيت واياي تقرير راتبي وراتب زوجي وكشف حساب لنا الاثنين ولاطلوا فيهم حتى 00

واللي راحت المقابله قبل عشر ايام خذوا جوازتج ؟؟ لان اللي ياخذون جوازهم بس اللي موافقين عليهم

ويعطونج رقم وانتي دقي عليهم سألي

وبنات انا باسال
اشلون اعرف اذا باشتري شيء من المواد الغذائيه انه مافيه دهون خنزير او كحول ؟؟

اسألهم مباشره
وانا قريت للاخت اللي تقول ان الشيخ افتى حلال ناكل من لحمهم هناك انا سألت شيخ قال مستحيل
الضروره فقط تبيح المحرمات
يعني اول شيء مايكوووون نهائي فيه شيء حلال وهذا مستحيل السمج حلال 00 وعندج النباتات كلها
الرز العدس البطاط ال ال ال يعني موضروري لحم ودجاج
ثاني شيء انه تكونين خلاص بتموتين جوع وما اتوقع صايره

هناك فيه اماكن للمطاعم الحلال يعني ماخليت

00 بس حبيت اساعدج بالمعلومه الدينيه وبصراحه ودي اعرف اسم شيخ الدين لانه شككني بدراستي كلها
<<تخصص دراسات اسلاميه
ومشكورين

هلا حبوبه انا اللي قلت اني اكل لحم او دياي بدول بره ماقلت اكلهم حلال ..

انا خالتي ام ريلي ملتزمه وتخاف من هالناحيه ودقت على رقم الفتوه وقالولها اهوا "جائز" ناكل من اكل اهل الكتاب وعطاها بعد امثله من الدين ما اعرف محتواها بالضبط بس اللي معناه ان الرسول عليه افضل الصلات والسلام كان ياكل من جيرانه النصارى واليهود اذا اهدوه ومن غير ما يسألهم كيف انطبخ..

وهم رفيجتي خريجة شريعه وقاعده تكمل ماجستيرا قالت يجوز الاكل من اهل الكتاب ماقالوا انه اكلهم حلال بس اذا مضطره تاكلينه وانا ذكرت اغلب الاكل اهناك بحري او باستا بس هم قلت في بعض الاحيان اكلت لحم ودياي لانه مثل ماعرفت انه يجوز الاكل من اهل الكتاب وجايز لنا ناكل من اكلهم اذا كنا بديارهم ..

وللعلم انا عشت بامريكا 5 سنوات وكان اكلنا كله نشتريه من محلات عربيه وبقالات هنديه حتى اللحم والدياي من ملحمه اسلاميه لانها كانت متوفره وتغني عن اكلهم بس اذا مو متوفر شلون؟

وبالنهايه الواحد احتار يسمع الف راي وراي بهالخصوص ومره وحده اهني بالمنتى تخصص دراسات اسلاميه عطتنا مواقع وامثله تجيز هالشي ومادري منو نصدق؟؟ كله بذمتهم!! انا بعد اذكر دخلت مواقع اسلاميه تجيز هالشي باحاول ابحث عنها واحطها اهني للخوات

والله اعلم بالنياااااااااااات

​

روانا
انا صوت للفنيشن ..
البلاجيو فخم بس ما يونس للسكن الفنيشن وايد احلا ومور فن ..يعني مطاعمه فيه لليهال ويه للكبار ....ما ادري احس يونس اكثر من البلاجيو غرف الفنيشن وايد احلا واكبر ..اصغر غرفه فيه عباره عن سويت
بس اذا تبين تجربين شي يديد ..جربي الون
بس اذا اول مره حق فيغاس ..انا اعتقد ضروري تجربين الفنيشن ...ولاحقه علي الون ان شاء الله
او جربي يومين بالفنيشن ويوم بالون ...
..اعرف ناس دايما يجربون فندقين بفيغاس للاستكشاف

هلا ناوناو .. اعتقد عباله اسكن بفندقين وانا ادري ان الفينيتين سويتات .. وباشوف انشالله كله بتحدد بعدين حزت الحجز .. مشكوره حبوبه :eh_s(7):​

 

[z8rtia]

انا متابعه الموضوع بس برد على الاخت اللي تقول الأكل عندهم حرام و دارسة شريعة ..
يفترض عندج علم بأن السفر سياحة للدول الغير اسلامية ما تجوز بعد فما يت عالأكل

أما إذا كان للعلاج أو الضرورة فهالشي جايز والله أعلم.

واهني الفتاوي تقدرين تقرين ..

http://www.sobe3.com/vb/showthread.php?t=4128

 

[rawona]

أ. د. أحمد الحجي الكردي
خبير في الموسوعة الفقهية، وعضو هيئة الإفتاء في دولة الكويت


السلام عليكم

هل يجوز أن نأكل اللحوم والدجاج من مطاعم النصارى ومحلاتهم, مثل ماكدونالد وغيرها, أم لا, مع ذكر التفصيل متى وأين ممكن أن يكون ذلك جائز، مع العلم أنه يوجد أماكن نستطيع شراء لحوم ودجاج مذبوح على الطريقة الإسلامية؟
جزاكم الله خير الجزاء.


الفتوى

بسم الله الرحمن الرحيم
الحمد لله رب العالمين، والصلاة والسلام على سيدنا محمد خاتم الأنبياء والمرسلين، وعلى آله وأصحابه أجمعين، والتابعين، ومن تبع هداهم بإحسان إلى يوم الدين، وبعد:
فإذا كنت في بلد يهودي أو نصراني، فلا حرج عليك بالأكل من لحمهم الذي يباع وتسمي الله تعالى عليه عند أكلك منه، ما لم تتأكد من أنه محرم، كأن يكون لحم خنزير، أو لحماً غيره مما لا يحل أكله، أو لحماً مأكولاً لكن ذبح على غير الطريقة الشرعية كأن مات خنقاً أو كان ذابحه ليس من أهل الكتاب، فإن تأكدت من أنه محرم وجب عليك الابتعاد عنه، ولا يحل لك أكله، وإن كلفك الطعام الموثوق منه أضعاف ذلك، ولك أكل السمك في تلك البلاد وغيرها؛ لأن السمك لا يحتاج إلى ذبح أصلا، سواء كان الصائد له مسلما أو كتابيا أو مشركا.
أما لحم غير المسلم وغير أهل الكتاب، فلا يجوز لك أكله


هذي فتوى لقيتها بالانترنت .. المراد قوله ان الاكل او بالاصح اللحوم والدواجن اللي يذبحونها اهل الكتاب مثل اليهود والنصارى نفس طريقه ذبح المسلمين ولو بغير تسميه "من غير مايسمون عليها" وجايز للمسلم اكلها بعد التسميه عليها
ومحرم اكل لحم الخنزير ..

يعني المطاعم نثل ماكدزنالدز وغيرها مطاعم يهوديه وطرق ذبحهم نفس طريقة ذبح المسلمين لها بس من غير ما يسمون طبعا وللمسلم ياكل منها بعد ان يسمي عليها..

والله اعلم واللي عندها شك خل تاكل الاسماك والنباتات وتتأكد ان الدهن المستخدم مو دهن خنزير وتتأكد بعد ان الاسماك ما تكون منقعه بخمور يعني في بعض الاحيان اهم يستخدمون بوصفاتهم اسماك ينقعونهم بالبراندي او الواين واهي انواع خمور بحجة انها تعطي طعم للطبخه ..

والله يعطي الواحد على قد نيته .. والله اعلم..


​

 

[z8rtia]

آنا بسافر علاج .. مضطره بس اللي يروح غير مضطر العلماء حرموا هالشي وعلى راسهم الشيخ ابن باز رحمه الله

حبيبتي حتى لو فتوى تجيزه أنا أييلج بالواقع ..

اذا الناس رايحين سياحه بلد غير مسلم ومطاعم مو مسلمه وكل يوم مطعم .. بيروحون يشوفون الطباخ شيحط بالأكل ؟ما اتوقع .. ولا الصحن والسجين اللي قطع فيها عقب الخنزير ما بتحوش الدياي ولا السمج .. ما اظن

 

[rawona]

انا متابعه الموضوع بس برد على الاخت اللي تقول الأكل عندهم حرام و دارسة شريعة ..
يفترض عندج علم بأن السفر سياحة للدول الغير اسلامية ما تجوز بعد فما يت عالأكل

أما إذا كان للعلاج أو الضرورة فهالشي جايز والله أعلم.

واهني الفتاوي تقدرين تقرين ..

http://www.sobe3.com/vb/showthread.php?t=4128

حبوبه الموضوع مو ديني .. ورحمة الله عليه الشيخ بن باز افتى او بالاصح نصح ان ماحد يروح بلاد "الكفاااااااااار " و"المشركين" مو اهل الكتاب؟؟ الا بحالة الدراسه والعلاج!! مااذا الواحد راح هذي الدول لاي سبب كان اذا كان هالشي بيأثر على دينه واخلاقه فياما ناس راحوا ادرسوا بره او تعالجوا بره وردوا فاسدين الاخلاق يعني روحتهم اهني حلال وروحة اللي راح اهو واهله وعياله يستانس ويغير جو مع اهله بالحلال .. حرام؟؟؟؟؟؟؟

بعدين اهو ذكر

الجواب : نصيحتي لكل مسلم ومسلمة عدم السفر إلى بلاد المشركين لا للدراسة ولا للسياحة لما في ذلك من الخطر العظيم على دينهم وأخلاقهم . وعلى كل واحد من الطلبة والطالبات الاكتفاء بالدراسة ببلده أو في بلد إسلامي يأمن فيه على دينه وأخلاقه ، وقد صح عن رسول الله صلى الله عليه وسلم أنه قال : أنا بريء من كل مسلم يقيم بين أظهر المشركين وقد أخبر الله سبحانه عمن لم يهاجر من بلاد الشرك إلى بلاد الإسلام بأنه قد ظلم نفسه ، وتوعده بعذاب جهنم في قوله سبحانه : - ( إِنَّ الَّذِينَ تَوَفَّاهُمُ الْمَلَائِكَةُ ظَالِمِي أَنْفُسِهِمْ قَالُوا فِيمَ كُنْتُمْ قَالُوا كُنَّا مُسْتَضْعَفِينَ فِي الْأَرْضِ قَالُوا أَلَمْ تَكُنْ أَرْضُ اللَّهِ وَاسِعَةً فَتُهَاجِرُوا فِيهَا فَأُولَئِكَ مَأْوَاهُمْ جَهَنَّمُ وَسَاءَتْ مَصِيرًا إِلَّا الْمُسْتَضْعَفِينَ مِنَ الرِّجَالِ وَالنِّسَاءِ وَالْوِلْدَانِ لَا يَسْتَطِيعُونَ حِيلَةً وَلَا يَهْتَدُونَ سَبِيلًا فَأُولَئِكَ عَسَى اللَّهُ أَنْ يَعْفُوَ عَنْهُمْ وَكَانَ اللَّهُ عَفُوًّا غَفُورًا ).

واللي نعرفه ان الرسول عليه افضل الصلات والسلام كان جاره يهودي "من اهل الكتاب لاحظو ماقلت مشرك او ملحد" ولو اهوا كان قاصد بحديثه فوق اهل الكتاب ليش سكن اهوا افضل الصلات والسلام عليه بجوار يهودي؟ ليش ماغير مكان سكنه؟؟

انا مو قاعده افتي او أألف من عندي بس اللي مو راضين تفهمونه ان دينا الاسلامي دين يسر مو عسر ومو كل شي حرام ودينا سماحه واحنا لو في بديارنا العربيه والاسلاميه اماكن ترفيهيه وتثقيفيه وسلوكيات زينه مثل بره جان عمرنا ما فكرنا نقضي عطلاتنا بره ديارنا الاسلاميه ..

لكن احب اوضحلج ان اهناك بالديار اللي نزورها بالغرب وخاصة امريكا "عندهم اخلاق المسلم من غير ما يصيرون مسلمين" اهم بس ينقصهم الاسلام ويصيرون خوش ناس والله يهدي الجميع وارد اقول الله اعلم بالنيات ودينا دين يسر مو عسر ..

والله يغفرلنا ولجميع المسلمين ..


الرجاء اللي ادش الموضوع تلتزم بالموضوع المطروح وماتخرج عن نقاطه واللي هندها اي استفسار ديني في قسم الفتوى والاحكام راجعوهم ..
​

 

[rawona]

آنا بسافر علاج .. مضطره بس اللي يروح غير مضطر العلماء حرموا هالشي وعلى راسهم الشيخ ابن باز رحمه الله

حبيبتي حتى لو فتوى تجيزه أنا أييلج بالواقع ..

اذا الناس رايحين سياحه بلد غير مسلم ومطاعم مو مسلمه وكل يوم مطعم .. بيروحون يشوفون الطباخ شيحط بالأكل ؟ما اتوقع .. ولا الصحن والسجين اللي قطع فيها عقب الخنزير ما بتحوش الدياي ولا السمج .. ما اظن

عالجي عند مسلمين ليش تقطين نفسج تحت "ايد مشرك"؟؟


وترى وايد دول عربيه وخليجيه تبيح الخمور وشدراج انتي اذا رحتي لهالدول ان الملاس اللي حامسين فيه سمجه منقعه بخمر مو نفسها حايسين فيها باكلج؟؟

الاعمال بالنيات وفي رب فوق يحاسب
​

 

[z8rtia]

عالجي عند مسلمين ليش تقطين نفسج تحت "ايد مشرك"؟؟


وترى وايد دول عربيه وخليجيه تبيح الخمور وشدراج انتي اذا رحتي لهالدول ان الملاس اللي حامسين فيه سمجه منقعه بخمر مو نفسها حايسين فيها باكلج؟؟

الاعمال بالنيات وفي رب فوق يحاسب
​

حبيبتي ليش هالاسلوب لا تاخذين الموضوع بجزازه انا ما قصدتج ..
وأبد ما بغصب أحد بشي ..
كنت أرد على اللي قالت أدرس شريعه .. لأني دارسه بعد .. وكلام ابن باز رحمة الله عليه لا انا ولا انتي بنييب أحسن منه .. وانا سائله بهالدول وقالولي إنها تعتبر كافره واليهوديه والنصرانيه اللي الحين كلها محرفه .. ما تتسمى مثل اللي قبل

وأبد ما قصدت أجرح بأحد .. بس يمكن كلامي وكلام الإخت يفيد اللي يبي يستفيد وحاب الهدايه وحلو انه الواحد يقول شكرا على معلومه يستفيد منها مو يستهزئ

والله يهدي الجميع

والله يسامحج لو لقيت العلاج إهني ما تعنيت ورحت

 

[z8rtia]

والله يغفرلنا ولجميع المسلمين ..


الرجاء اللي ادش الموضوع تلتزم بالموضوع المطروح وماتخرج عن نقاطه واللي هندها اي استفسار ديني في قسم الفتوى والاحكام راجعوهم ..
​

مشكورة اختي الفاضله عالترحيب .. آنا أستئذن من موضوعج

 

[كويتيه وافتخر]

اختي الحبيبه حتى انا رايحه علاج
وانا ماقصدت الا تقديم معلومه 00 لاني استغربت شيخ يفتي بلحم ودجاج مو مذبوح اسلامي وبس
ماقصدت اسوي حساسيه بالموضوع


وكل واحد صاجه على نيته
وانا استفدت من معلوماتج وحابه موضوعج
ادري الاخت اللي دخلت 00 ومسافره علاج عسى الله يشافيها شويه تعصبت بحيث انها تقول حتى السفر حرام

يمكن 00 انا موعالمه انادارسه واللي درسته بسيط العلم اكبر من انه نحتويه
كل اللي اقوله ان الحلال بين والحرام بين وعسى الله يعطي كل واحد على قد نيته ويزيدنا ايمانيات بحلنا وترحالنا

وادري في ناس من اهل الكتاب احسن من المسلمين
اصلا الديره اللي برووح لها محذريني من المسلمين اللي فيها اللي اهما الحنانيه من فلسطين
ماقلنا شيء

السفر متعه وانا اشجع اللي يسافر ويغير جو ويحمل هويته الدينيه معه

وشكرا واذا موحابه اكمل واياكم اخت روونا عادي تجمعج وبراحتج
بس الاختلاف بالراي لايفسد للود قضيه

 

[اشراقة الحياة]

مساء الخيـــــــــــــر ...........

بنووووتـــــــــــــــــــــات ..........

بقولكم خبر اينننن ................

الدولار قاعد ينزل ............

رونا جيكتي اليوووم على الدولار.......................

 

[فهههده]

اهلين خواتي السلام عليكم كيفكم
بنات ادعولي اسافر امريكا قريب للتمشي ويا عائلتي تكفون ادعوا لنا ربي يسهل امورنا

 

[**بياض الثلج**]

صبااح الورررد بنات شلونكم
شخباركم جمييعا
وحدي ناطره يوم المقابله على نار مادري شنو يقولون وبيسـألون
واما عن سالفه الاكل حبايبي كل واحد حر
شدراكم انه الباستا مو مطبوخه بواين او هالعجينه مالت الخبز مو ضايفين لها
فاللي تخاف من هالامور ماتاكل الا بمكان حلال واسلامي
والناس اللي متعوده تاكل هذي حريه شخصيه تاكل
وشكرا \

بس انا خايفه على اليهال شنو اوكلهم اهناك ياربي مممممم


يالله قولولي

ااشوفكم على خير

 

[digital]

بياض الثلج

الاكل هناك منووووووووع وكل شي موجود لا تحاتين

والله يخلى البيتزا تنقذ بأي وقت:dddds:

 

[بنت عبدالغني شربت]

مشكوره حبوبه على هالتجمع الحلو وان شاء الله يارب الله يكتبها لي هالسنه