التجمع الثاني .. مسافرات امريكا 2009 ... حياكم

[d-k_group]

روناااا


انا انصحج تاجلين ليما تتعدل الاوضاع الاقتصاديه لوووول


يعني ليما الصيف الياي تكون الميزانيه راااهيه


لان كاليفورنيا كبيره ويبيلها تنقل وايد وطبعا ميزانيه كبيره

 

[rawona]

روناااا


انا انصحج تاجلين ليما تتعدل الاوضاع الاقتصاديه لوووول


يعني ليما الصيف الياي تكون الميزانيه راااهيه


لان كاليفورنيا كبيره ويبيلها تنقل وايد وطبعا ميزانيه كبيره

3 اسابيع مو كافيه؟؟ يعني انا قسمت عدد الايام لقيتها اوكي شرايج؟؟


4 ليالي - لاس فيغاس


3 ليالي سان فرانسيسكو


5 ليالي سان دييغو

10 ليالي لوس انجلوس وضواحيها


مو كافي؟؟


ميزانية الباكيج شهر 12 تطلعلي 3000 دينار 2 كبار و 2 صغار تذاكر+ سكن+ سياره


ومصرف ومشتروات ما تكفي 3500 دينار؟؟ هذا الموجود طبعا واكيد في احتياط بالكريديت كارد بس ما تكفي؟؟

انا ادري كاليفورنيا غاليه شوي بالمصرف بس اذا كلش كلش اممممممممممم باسمع كلام ريلي وارضى بميامي واورلانندو لوووووووول


والله مايندرى مني لي شهر 12 يحلها الحلال

​

 

[d-k_group]

اذا ودج تشوفين لوس انجلوس كلها


بكل مولاتها ومطاعمها 10 ايام ما تكفي

 

[اشراقة الحياة]

هلا اشراقه شلونج؟؟

انا ماكو اخبار والله بس احوس بالانترنت ادورلي باكيجات .. ريلي يقولي خل نروح شهر 12 اوروبا وانا اقوله لااااااااااا ابي كاليفورنيا
يقولي أأجلي كاليفورنيا لي شهر 7/2010 !!! ونروح شهر 12 تايلند من غير يهال طبعا!!

اقوله لااااااااااااااااااااا مستحيـــــــــــــــــــــــــــــل لووول


يقولي انزين نروح امريكا شهر 12 بروحنا من غير يهال قلتله شرايك نخليها اخر 7 هالسنه جان يقولي لااااااااااااااااااااااااااا مستحيل هيهيهيهي

وبس قاعده وساكته واحاول مني ومناك :eh_s(6):


شصار على اجازة ريلج
​

هلا رونا ..........وين هالغطه ......؟؟؟؟

مالج حــــــــــــــــس.........؟؟؟

ريونا تقدرين تروحين من غير عيالج ......؟؟؟؟......انا مستحيل بدون عيالي ....احس من اشوفهم معاي احلى وناسه....
ولا انت شرايج ...؟؟؟؟

ريلي اقول قاعد احاول معاهم ....بس اقووولون النقص كبير بالشركه ......
اقولون نهاية شهر 4 ابين معاهم ....والله كريم .........

بس ان شاء الله .....بأذن الله ....متوقعه ......لان احنا العام ما سافرنا .....فريلي له الحق يطلع بالصيف......

 

[semaasem]

هلاااااا بناااااااااات شلوووونكم
انا احتمال اروح عالدلتا كويت - أتلانتا -فلوريدا طلع علينا بالسفريات الشخص 425 وولدي340 يعني كامل 1090 شرايكم مليت أدور رقم طيران دلتا بالكويت اللي اعرفه مكتبهم بالديرة بس موعارفه وين تصدقون دقيت عالبدالة101 مومسجل و8080 ودورته بالنت بعد ماحصلته ياربي محد فيكم يعرف رقمهم تهقون أرخص وشرايكم بالاسعار زينة؟ لان ماعندي خبرة بأمريكا أتوكل على الله ولا أنطر العروض ولا اخاف ترتفع الاسعار وأتوهق

 

[منورة الكويتية]

سماسم كل ماحجزتي ابجر كل ماصارت التذاكر اقل

 

[o_mermaid_o]

اختي ميرميد شلون خليتو التذكرة ع الاولى يعني دفعتو الفرق ولا شلووون

لاني ناوية اسوي اب قريد حق تذكرتي لانها مثلكم على الحكومة بس مادري يصير ولالا وجم زيادة بالظبط انا وبنتي عمرها سنتين

شوفي احسن شي تسوين اب قريد رجال الاعمال ياخون 250
مره زدت 700 دينار على تذكرتي الحكوميه بس عشان اقعد فرست كلاس بس مو اب قريد لا رحت الكويتيه وعدلت التذكره بس احسن شي بالطياره تسوين اب قريد

 

[منورة الكويتية]

يعني شلون مافهمت اسوي اب قريد رجال اعمال ولا اولى وكل وحدة بجم
وانا عندي عضوية نادي الواحة مالها ميزات

 

[semaasem]

مشكوووورة منورة على النصيحة يعني اتوكل على الله واحجز مبجر قبل لا تغلى الاسعار

 

[rawona]

اذا ودج تشوفين لوس انجلوس كلها


بكل مولاتها ومطاعمها 10 ايام ما تكفي

امممممممممم والله مادري انا اغلب الظن اذا باسافر انشالله راح يكون بشهر 12 باحاول اقلل ايام سان دييغو ولاس فيغاس واخليهم حق لوس انجلوس .. بس ما اتوقع اقدر اخذ اجازة اكثر من 3 اسابيع .. يبين بعدين


ومدام انتي بديتي باتعبج شوي شنو مولات لوس انجلوس + الاوت لت + المطاعم؟؟

انا ادري في انايم التشيز كيك فاكتوري ومطعم الrain forest شنو بعد في مطاعم غير اولف غاردن وريد لوبستر حلوه؟

​

هلا رونا ..........وين هالغطه ......؟؟؟؟

مالج حــــــــــــــــس.........؟؟؟

ريونا تقدرين تروحين من غير عيالج ......؟؟؟؟......انا مستحيل بدون عيالي ....احس من اشوفهم معاي احلى وناسه....
ولا انت شرايج ...؟؟؟؟

ريلي اقول قاعد احاول معاهم ....بس اقووولون النقص كبير بالشركه ......
اقولون نهاية شهر 4 ابين معاهم ....والله كريم .........

بس ان شاء الله .....بأذن الله ....متوقعه ......لان احنا العام ما سافرنا .....فريلي له الحق يطلع بالصيف......

شوفي اشراقه اذا سفرات شلاعيه يعني بالكثير اسبوعين مثل دورات عمل والا شي عادي مااخذهم بس noway اروح امريكا من غيرهم لووووووول ما اقدر احس امريكا = عيالي لووول من غيرهم ماراح استانس وخصوصا بامريكا بس دول اوروبا والا شرق اسيا لا عادي اخليهم لانهم ماراح يستانسون وتصير الرحله حق كبار

وريلي قاعد يحن علي يقولي خل نروح شهر 12 اوروبا (فرنسا- هولندا) او اسبانيا او ايطاليا من غير يهال ونأجل امريكا لبعدين ومادري محتاره تهقون لو اروح اسبوع -10 ايام فرنسا شهر 12 واخلي كاليفورنيا للصيف؟؟ والا اصمم على رايي واروح شهر 12 كاليفورنيا 3 اسابيع؟؟

ابي رايكم :0bee2e8d89:

​

هلاااااا بناااااااااات شلوووونكم
انا احتمال اروح عالدلتا كويت - أتلانتا -فلوريدا طلع علينا بالسفريات الشخص 425 وولدي340 يعني كامل 1090 شرايكم مليت أدور رقم طيران دلتا بالكويت اللي اعرفه مكتبهم بالديرة بس موعارفه وين تصدقون دقيت عالبدالة101 مومسجل و8080 ودورته بالنت بعد ماحصلته ياربي محد فيكم يعرف رقمهم تهقون أرخص وشرايكم بالاسعار زينة؟ لان ماعندي خبرة بأمريكا أتوكل على الله ولا أنطر العروض ولا اخاف ترتفع الاسعار وأتوهق

ليش تبين رقمهم شوفي اسعار التذاكر من السايت مالهم ارخص حتى من لما ادقين عليهم ..

وحجزي مبجر لا تزيد الاسعار

موفقه ​

 

[ام الشيخه]

رونا حبيبتي توكلي على الله وسافري اوربا وخلي كاليفورنيا على السنه اليايه ان شاءالله

اتوقع اذا سافرتي على شهر 12 امريكا فماراح تضمنين سفرة الصيف عدل؟

يعني انتي ضامنه شهر 12 اوربا والصيف امريكا هذا رايي والله يسهل اموركم

 

[rawona]

رونا حبيبتي توكلي على الله وسافري اوربا وخلي كاليفورنيا على السنه اليايه ان شاءالله

اتوقع اذا سافرتي على شهر 12 امريكا فماراح تضمنين سفرة الصيف عدل؟

يعني انتي ضامنه شهر 12 اوربا والصيف امريكا هذا رايي والله يسهل اموركم

والله ياام الشيخه انا قاعده افكر بالموضوع بشكل جدي لووول

انا اذا رحت كاليفورنيا الحين اليهال صغار وفي عروض وايد بلاس فيغاس ما اقدر ادخلها مثل عرض ديفيد كوبرفيلد وعرض السيرك سوليه .. لانهم يدخلون اللي اعمارهم من 5 وفوق وانا عندي وحده عمرها 5 والثانيه 3 وجرمهم صغير حيل فشكلي بانطر يكبرون شوي واروح علشان انا استانس بعد ..

وشكلي باخليها اوروبا شهر 12 منها تغيير وريلي يقولي صبري بس سنتين لا نروح امريكا :eh_s(1): يقولي طيعيني عقب سنتين نشتري بيت اهناك ونروح كل سنه لووووووووول !!! عاد قلتله اي مو مشكله اروح اول السنه اليايه علشان انقي البيت بنفسي هيهيهي

اممممم منو راح ايطاليا؟؟ انا رايحتلها نونو وامي ماتذكر شي غير انها شرت تكرمون جواتي وجناط من اهناك وكودتهم لووول بس ماتذكر شي ثاني لاني كنت حزتها بالاشهر يعني هالحجي من زمااااااااااااااااااااان اوي ابي احد يعطيني معلومات عن ايطاليا وحلو ادمجها مع فرنسا والا too much? لان بخاطري فرنسا وديره ثانيه هولندا رايحتلها واحسها احلى بالصيف امممممم مادري ساعدوني :eh_s(6):

​

 

[ام الشيخه]

الله يوفقكم وتشترون فيلا ان شاءالله

ماعندي اي فكره عن اوربا
وانا من الحين اخطط وين نسافر بعطلة الكريسميس اروح كاليفورنيا ولا الولايات الشرقيه

 

[rawona]

الله يوفقكم وتشترون فيلا ان شاءالله

ماعندي اي فكره عن اوربا
وانا من الحين اخطط وين نسافر بعطلة الكريسميس اروح كاليفورنيا ولا الولايات الشرقيه

بما انج بتامبا فاكيد بالويك اند او العطل الصغيره بنمرون على ميامي والكي ويست وفورت لودي مادري شامسنه هالمينا كله انساه اهوا بفلوريدا ..

بالنسبه للكريسميس اذا بخاطركم سنو وبرد روحوا ميتشعن لووول او كولارادو لان فيها انشطه للسنو

واذا عادي تقدرون تروحون كاليفورنيا او لاس فيغاس وتخلون نيويورك وواشنطن ونياغرا فولز والسموكي ماونتن وبالتيمور للايام الدافيه ..

وموفقين انشالله
​

 

[اشراقة الحياة]

مساء الخـــــــــــيــــــــــر ............

رونا ......انا المهم عندي بالمووووضوووع ......

بتأجرين حقي البيت ولا لآ ؟؟؟؟؟؟ ......:dddds:

يعني انا باذن الله من سنه اليايه ....البيت عندج.........

 

[rawona]

مساء الخـــــــــــيــــــــــر ............

رونا ......انا المهم عندي بالمووووضوووع ......

بتأجرين حقي البيت ولا لآ ؟؟؟؟؟؟ ......:dddds:

يعني انا باذن الله من سنه اليايه ....البيت عندج.........

اشراقه الله كريم انشالله ..


وانشالله الله يعطيني على قد نيتي ويرزقني واشتري بيت او شقه اهناك حلم حياتي والله :33_1185028183:
​

 

[rawona]

هاي بنات


هذي صور فندق Churchill Suites Crown Miami Beach في ميامي ويبعد عن الساوث بيتش ميل ونص تقريبا

انشالله يعجبكم ..



















































الفندق عباره عن نظام شقق فندقيه مجهزة بكل شي من مطبخ وحمام وعساله ونشافه ومريح للعائلات .. وقريب من الساوث بيتش ويطل على البحر بعد

انشالله يكون عجبكم .. ناطره تعليقاتكم


​

 

[rawona]

وهذي صور منتجع باورلاندو اسمه


Floridays Resort Orlando




انشالله يعجبكم .. هم نظام شقق فندقيه ..
































































جنه يبيله اورلاندو؟؟؟ لووووول


ناطره ارائكم
​

 

[ام الشيخه]

بما انج بتامبا فاكيد بالويك اند او العطل الصغيره بنمرون على ميامي والكي ويست وفورت لودي مادري شامسنه هالمينا كله انساه اهوا بفلوريدا ..

بالنسبه للكريسميس اذا بخاطركم سنو وبرد روحوا ميتشعن لووول او كولارادو لان فيها انشطه للسنو

واذا عادي تقدرون تروحون كاليفورنيا او لاس فيغاس وتخلون نيويورك وواشنطن ونياغرا فولز والسموكي ماونتن وبالتيمور للايام الدافيه ..

وموفقين انشالله
​

عاد اتصدقين احنا قدمنا على جامعات ميتشيغين ومينيسوتا بس هونا مانقدر على البرد انا برد الكويت يقلب جسمي بنفسجي:0bee2e8d89:

مخططنا فالبدايه يومين نيويورك وتالي نأجر سياره ونروح دي سي وطبعا بطريجنا بنمر فيلاديلفيا سمعت بمدينه هيرشي بس مادري شلون صايره ولا اهي عباره عن شنو.. يعني مصانع الكاكاو ولا شنو؟
وتالي طيران داخلي على تامبا ونخلص شغلنا بالأول وتالي نروح اورلاندو جم يوم

وصور المنتجعات اتشووق .. مشكوووووووره

 

[rawona]

عاد اتصدقين احنا قدمنا على جامعات ميتشيغين ومينيسوتا بس هونا مانقدر على البرد انا برد الكويت يقلب جسمي بنفسجي:0bee2e8d89:

مخططنا فالبدايه يومين نيويورك وتالي نأجر سياره ونروح دي سي وطبعا بطريجنا بنمر فيلاديلفيا سمعت بمدينه هيرشي بس مادري شلون صايره ولا اهي عباره عن شنو.. يعني مصانع الكاكاو ولا شنو؟
وتالي طيران داخلي على تامبا ونخلص شغلنا بالأول وتالي نروح اورلاندو جم يوم

وصور المنتجعات اتشووق .. مشكوووووووره

شوفي لاحظت بالمنتدى ان بنات وايد يبون يروحون اماكن او ولايات فيها امريكان بس انا ليش عشت بينهم فتره طويله مليت منهم لووول وادور اماكن سياحيه فيها وجوه من كل العالم ..

بس والله بالونتر اذكر انا وريلي بس تصير عندنا اجازه انحشنا من البرد والولايه ورحنا ولايات دافيه يا اورلاندو يا هاواي بس الامريكان كانوا اييون ميتشغن بالشتا يسوون فيها رياضات ثلجيه وهم ميتشغن بالصيف حلوه وايد فيها جزيره اسمها ماكنك ايلاند في ماكنوا سيتي وايد حلوه بالصيف انا كنت اروح اقعد فيها ليلتين او 3 مع ان مافيها شي بس تمشي وبحيره كبيره كنت اسكن في ماكنوا واروح الجزيره بالنهار بالفيري بوت ferry boat واقعد فيها طول اليوم وارجع مع اخر رحله لوول واول مارحنا أجرنا قواري من اهناك بس بالمرات اللي وراها يبنا قوارينا معانا اهي كانت تبعد عن منطقتنا 3 ساعات بالسياره وكنا نروح بعد up north michigan وايد حلو المكان ونركب كانو وفي ناس تخيم اهناك روعه المكان هادي وطبيعته حلوه ومختلفه

الجزيره مافيها سيارات بس حتاطير قواري وفي بيوت ناس اهناك وفي جم فندق ستايله قديم وفي مزرعه فراشات وقلعه عوده بعد ومحلات صغيره تبيع سيفونيرات عن الجزيره ومحلات تبيع كيك او كاكاو مشهور يحبونه حيل الامريكان يسمونه Fudge وانواع الايس كريم وفي ناس تسوي عرسها اهناك بالكنيسه مالت الجزيره بس وايد حلو المكان واهو المكان الوحيد اللي احبه في ميتشغن لوول


يالله علشان البنات ياخذون فكره عن المكان واسوي دعايه لميتشغن :eh_s(6):​