التجمع الثاني .. مسافرات امريكا 2009 ... حياكم

[Simply_The_Best]

سـلام بنـات .. شخباركم إنشاءالله بخير Samasem إنشاءالله اذا رحتـوا لازم جربـون لعبـة اسمهـا Sorin موجودة في ديزنـي إبكـوت
ونـاســـــــــــــــــــه حـدهـا .. أذكر نطرنـا بالطابـور حـول السـاعـة ... بس والله تستاهــــل

و اذا في ألعـاب كبيرة على ولدج .... في غـرفـة موجودة عنـد كـل لعبـة ! تنطر فيها الأم أو الأبو مع اليهـال ليما يخلص مثلاً زوجـج من اللعبـة ... يرد اهو يقعـد مع البيبي و إنتـي تروحيـن بدون طابـور ... أنـا دايما ً أسـويهـا مع عيـالي ...

و عنـدج يحديقـة أبكـوت ... قسم المكسيك ..عنـدهم مطعــم روعـــه داخــل اللعبـة .... و بعض المحـلات الي تبيع المنتجات المكسيكيـة

عنــــــد المــدخـــل ... عادة ً يكـون في فـرق موسيقيـة عنـد قسم كـل دولـة تروحين لهـا

هـذا المـدخـل .... أذكر صـورنـا صـورة جماعيـة عنده ...... أبيييييييي أروح هنـاك :eh_s(2):

منتـــجــات قسم المكسيــك

 

[semaasem]

بااااك سماسم رجعت من الزوارة وينكم يا بنات

واااااو سمبلي مشكوووورة وايد على النصيحة الحلوة وااااي الصور حدها تشووووق من قلب ونااااااااسة

عاد حلات اللعب يكون جماعي مو بروحي بس يالله شسوي علشان مشموش حبيبي كل شي يهون

سمبلي دام انج رايحة وعندج خبرة يالله فيدينا خل نستفيد خففي العبء شوي على روون هريناها اسئلة ساعديها لوووول

 

[d-k_group]

simply وباقي البنات


لقيت تصوير فيديو للعبه sorin في you tube


http://www.youtube.com/watch?v=E7b75iQsG1g

 

[rawona]

مشكووووووووووره

العفوووووووووو​

اها ثانكيوو على التوضيح عمري

ياختيييي واازين البنااااات الله يخليهم لج انشالله خلاص بخطب الصغيرة حق ولدي انا بعد عندي اثنين ولدي كبر بنتج اولى روضة وبنتي7شهور اسم الله عليهم عسى الله يحفظ لنا عيالنا يارب

انزين بالنسبة حق نيويورك انا قلت اذا اخترنا فندق موقعه زين بالتايم سكوير مثلا ماراح نأجر سيارة لانا نقدر نتنقل بالمواصلات ونخلي السيارة حق اورلاندو لانها ضرورية هناك بس اسعار فنادق نيويورك مو هينه بعد اورلاندو ارخص

الله يحفظ عيالنا من كل شر اللهم امين .. بالنسبه لنيويورك ماتحتاجون سياره التنقلات اهناك اسهل بالباصات والتكاسي .. وفنادقها ناااااااااااار فعندي تاخذون فندق زين ويسوى احسن من فندق غالي على الفاضي .. وانشالله سهالات ​

وااااااو وااااااااو واااااااااااااو رووووووعة

مشمشة مشكورة على الرابط اللي شفت فيه ابداعات روونه الخطيرة الصراحة بدعتي روون حدي تشوقت واندقيت سلف

ودي اروح هناك واعيش الاجواء الخيالية الله يتمم علينا ويسهل امورنا ونروح

انا حتى الفيزا ليلحين ماطلعناها وخايفة يارب يسهل

والله انصحكم اطلعون فيزا من الحين وايد افضل اذا تبون سفره هالصيفيه انشالله .. وما انصح تحجزون قبل لا اطلعون الفيزا ..



simply لعبة سورين عجيبه .. صج وااااااااااااو ركبتها انا وبنتي الكبيره والصغيره وابوها اقعدوا ينطرونا بره من الزحمه دخلنا اللعبه والدنيا نهاااااااار طلعنا لقيناها ظلمه بس والله تسوى ..

انا وايد احب الابكوت فيها اشياء عجيبه وعلى قولة البرنامج مال ديزني اللي تقدمه مذيعتهم اهناك it takes you 5 minutes to go from italy to japan to paris


انشالله تروحون وتستانسون كلكم يارب ..

شوفوا الرابط اللي حطته دي كي علشان تتشوقون اكثر :sfg:
​

 

[semaasem]

مشكورة دي كي على المقطع

روونه تنصحيني وين اسكن بنيويورك بالتايم سكوير لاني لقيت وايد مناطق وانا ادور فنادق لقيت بمنهاتن والآيلاند و وايد بس اعتقد التايم سكوير هو احسن منطقة صح؟ واذا عندكم فندق موقع وسعر وشي مرتب تنصحوني فيه

 

[rawona]

مشكورة دي كي على المقطع

روونه تنصحيني وين اسكن بنيويورك بالتايم سكوير لاني لقيت وايد مناطق وانا ادور فنادق لقيت بمنهاتن والآيلاند و وايد بس اعتقد التايم سكوير هو احسن منطقة صح؟ واذا عندكم فندق موقع وسعر وشي مرتب تنصحوني فيه

والله حبوبه ماعندي فكره انا رايحة نيويورك من زماااااااااااااااان 1996 مع اهلي بس اللي اذكره كنا ساكنين بالتايم سكوير بفندق شيراتون عاد اي واحد فيهم مادري والله

انشالله اللي رايحه من فتره قريبه تفيدج اكثر :eh_s(15):
​

 

[أم بنوته]

ويييييييييي ام بنوته عسى ماشر؟؟

ليش انضميتي لي انا وديجيتال؟؟ << احنا بعد ماكو سفره لامريكا بالصيف وبالذات انا لا امريكا ولا غيرها؟؟



​

هلا روونا
آسفة على الرد المتأخر بس لظروف خارجة عن إرادتي هههههههههههه
ما فيه سفر لأني زوجي متردد مرة يقول نسافر أمريكا و مرة يقول لا نروح شرم الشيخ و مرة لبنان و مرة يقول نقعد بالكويت و نجمع مبلغ عشان السنة اللي وراها نروح أمريكا راهين و آخر ما توصله أمس يقول نروح أورلاندو أسبوع و نرد و طبعا آنا ما وافقت لأنه أسبوع مايسوى المشوار بصراحة ، فخلاص حطيت في بالي أنه احنا ما راح نسافر هالسنة عشان أريح عمري و ما انقهر ،،،،،،،،،،،،،، أحلى ما في الموضوع إنه بناتي واثقين انهم بيروحون أمريكا ويسولفون احنا لما نروح أمريكا بنسوي جذي و بنروح المكان الفلاني ......... الثقة حلوة :eh_s(6):

​

 

[semaasem]

ويييي ام بنوته حسافة بس صاجة مايسوى اسبوع كافي طريج الطيارة بس شتسوين يامعودة العوض ولا القطيعة عالاقل علشان بناتج كسروا خاطري مساكين عالاقل تونسونهم وتكسرون الروتين وميخالف السنة الياية تخططون مبجر وتيمعون وتروحون على سنع

امبيه عسى ما انضم لكم ضيقتوا خلقي انا حتى الفيزا ماطلعتها ليلحين بس متشيشة حدي وخصوصا بعد مادقني سلف هالتجمع ولا انا موحاطة ببالي وعلى فكرة ميزانيتي مو راهية بس قاعدة احاول الله يستر

 

[galaxy]

قوة بنات


شخباركم


ابي شقق باورلاندو

 

[semaasem]

هلا والله فيج جلكسي والله ماعندي فكرة عن الشقق هناك انشالله البنات يفيدونج بس اللي اعرفه ان فنادقهم هناك تصير نظام شقق يعني مثل سويت كامل معاه مطبخ و..وانتي شوفي اللي يعجبج وموفقه انشالله

 

[مشمشة رمانة]

ولكم احلى باااك


شلونكم بنات رونة وسماسم وباجي البنات ...

وشلو مخططاتكم ...


بغيت اسألكم من نيويورك الى لاس فيغاس بالطيارة جم ساعة ...؟؟


ومن لاس فيغاس الى اورلاندو بالسيارة جم ساعة ....؟؟

 

[rawona]

هلا روونا
آسفة على الرد المتأخر بس لظروف خارجة عن إرادتي هههههههههههه
ما فيه سفر لأني زوجي متردد مرة يقول نسافر أمريكا و مرة يقول لا نروح شرم الشيخ و مرة لبنان و مرة يقول نقعد بالكويت و نجمع مبلغ عشان السنة اللي وراها نروح أمريكا راهين و آخر ما توصله أمس يقول نروح أورلاندو أسبوع و نرد و طبعا آنا ما وافقت لأنه أسبوع مايسوى المشوار بصراحة ، فخلاص حطيت في بالي أنه احنا ما راح نسافر هالسنة عشان أريح عمري و ما انقهر ،،،،،،،،،،،،،، أحلى ما في الموضوع إنه بناتي واثقين انهم بيروحون أمريكا ويسولفون احنا لما نروح أمريكا بنسوي جذي و بنروح المكان الفلاني ......... الثقة حلوة :eh_s(6):

​

والله التفاؤل حلو .. والله يعطيهم على قد نيتهم وانشالله يحن قلب ابوهم عليهم ويسفرهم ويونسهم اذا مو هالسنه انشالله اللي وراها :friends:​

قوة بنات


شخباركم


ابي شقق باورلاندو

جلكسي شفيج؟؟ للحين حايسه؟؟ لووول علبالي حجزتي وخلصتي؟ .. شنو نوع الشقق اللي تبينها باورلاندو؟؟ غير الفنادق اللي حطينا اسمهم؟؟ يعني تبين شقق تأجرينها من مالكينها والا قصدج شقق فندقيه؟؟

لا تحاتين السكن باورلاندو الريزورتات اغلبها شقق فندقيه ماريوت - شيراتون- وورلد كويست- بوينا فيستا- ويست غيت ليك ووايد جيكي المواقع افضل علشان تعرفين الاسعار وتشوفين الصور


ما انصحج تأجرين شقق من ناس لان الريزورتات وايد افضل واسعارها مناسبه
​

ولكم احلى باااك


شلونكم بنات رونة وسماسم وباجي البنات ...

وشلو مخططاتكم ...


بغيت اسألكم من نيويورك الى لاس فيغاس بالطيارة جم ساعة ...؟؟


ومن لاس فيغاس الى اورلاندو بالسيارة جم ساعة ....؟؟

اتوقع من نيويورك لين لاس فيغاس بالطياره تقريبا 5 ساعات +/-


ومن اورلاندو لين لاس فيغاس بالسياره تقريبا 35 او 36 ساعه << ما انصحج بهالرحله وخصوصا اذا معاج يهال ​

 

[مشمشة رمانة]

والله التفاؤل حلو .. والله يعطيهم على قد نيتهم وانشالله يحن قلب ابوهم عليهم ويسفرهم ويونسهم اذا مو هالسنه انشالله اللي وراها :friends:





جلكسي شفيج؟؟ للحين حايسه؟؟ لووول علبالي حجزتي وخلصتي؟ .. شنو نوع الشقق اللي تبينها باورلاندو؟؟ غير الفنادق اللي حطينا اسمهم؟؟ يعني تبين شقق تأجرينها من مالكينها والا قصدج شقق فندقيه؟؟

لا تحاتين السكن باورلاندو الريزورتات اغلبها شقق فندقيه ماريوت - شيراتون- وورلد كويست- بوينا فيستا- ويست غيت ليك ووايد جيكي المواقع افضل علشان تعرفين الاسعار وتشوفين الصور


ما انصحج تأجرين شقق من ناس لان الريزورتات وايد افضل واسعارها مناسبه







اتوقع من نيويورك لين لاس فيغاس بالطياره تقريبا 5 ساعات +/-


ومن اورلاندو لين لاس فيغاس بالسياره تقريبا 35 او 36 ساعه << ما انصحج بهالرحله وخصوصا اذا معاج يهال ​

امبييييييية :eh_s(1): من صجج

اشوى سألت قبل لا اتوهق بس جذي تغيرت الحسبة

الااعتفست فوق تحت :eh_s(16):

جذي صار لازم 3 ليالي بنيويورك ولا ماقدر بعد 5ساعات

من لاس فيغاس الي اورلاندو الله يحلها :eh_s(16):



بس من لاس فيغاس الى لوس انجلوس تقريباً نفس المسافة طويلة بعد 36 ساعة:eh_s(16):

 

[Simply_The_Best]

simply وباقي البنات


لقيت تصوير فيديو للعبه sorin في you tube


http://www.youtube.com/watch?v=e7b75iqsg1g

هـلا دي كي .... يهبــــــــــــــــــــــــــــــل المقـطــع ... عيـالي اقعـدوا يشـفونـه معـاي مكشـــــــــورة وايـــــد

دي كي .. خـلاص قررتـوا هالسنـة على ويـــن ؟

 

[Simply_The_Best]

بااااك سماسم رجعت من الزوارة وينكم يا بنات

واااااو سمبلي مشكوووورة وايد على النصيحة الحلوة وااااي الصور حدها تشووووق من قلب ونااااااااسة

عاد حلات اللعب يكون جماعي مو بروحي بس يالله شسوي علشان مشموش حبيبي كل شي يهون

سمبلي دام انج رايحة وعندج خبرة يالله فيدينا خل نستفيد خففي العبء شوي على روون هريناها اسئلة ساعديها لوووول

هــلا Semaasem .... أنـا حاضـرة لأي إستفسـار بس ! إنشاء الله أكـون عـارفـة الجـواب .... لأنـي رحت مرة وحدة فلوريـدا و سنـة 2005 و لما رحت ذيـج السنـة كانت أول مرة لي أروح أمريكـا ... فكنت على نياتــي رايحـــة هاهاهاها يعنــي حـدي المعلمومات الي أخذتهـا من النـت ... وقتها ما كـان في منتديـات مثل الحيـن مشاءالله ... مع إن زوجـي عايش فترة هنـاك بكنتـاكـي ... بس كان التخطيط للسفرة كانت من إختصاصي أنـا فقط


سألـي و أنـا حـاضـرة

 

[digital]

شلوووووووونكم يا بنات التجمع روونه و شروووقه وكل البنااااااااااااات


اللى ما فيزوا شناااااااطرين؟؟؟ ترى يوم عن يوم الموعد يصير ابعد و الزحمه على الفيز تززيد

 

[ام البنين2000]

امبييييييية :eh_s(1): من صجج

اشوى سألت قبل لا اتوهق بس جذي تغيرت الحسبة

الااعتفست فوق تحت :eh_s(16):

جذي صار لازم 3 ليالي بنيويورك ولا ماقدر بعد 5ساعات

من لاس فيغاس الي اورلاندو الله يحلها :eh_s(16):



بس من لاس فيغاس الى لوس انجلوس تقريباً نفس المسافة طويلة بعد 36 ساعة:eh_s(16):

السلام بنا ت شلونكم ؟

حبيبتي من لوس انجلوس لي لاس فيغاس بالسياره خذة وياي بالروحه 3 ساعات ونص وبالرده تقريبا 4 ساعات ونص عشان بالطريج في اوت لت ونحنا قررنا انه بالرده انروحله

وتري حلو الطريج طول ما انت ماشيه صحره وبعدين بالنهايه تشوفين فيغاس منورررره:eh_s(9):

 

[galaxy]

روانا يقولون اجري فيلا احسن ويفرق بالسعر؟؟؟


حلوة سالفة الفيلا مع حمام سباحه

 

[rawona]

امبييييييية :eh_s(1): من صجج

اشوى سألت قبل لا اتوهق بس جذي تغيرت الحسبة

الااعتفست فوق تحت :eh_s(16):

جذي صار لازم 3 ليالي بنيويورك ولا ماقدر بعد 5ساعات

من لاس فيغاس الي اورلاندو الله يحلها :eh_s(16):



بس من لاس فيغاس الى لوس انجلوس تقريباً نفس المسافة طويلة بعد 36 ساعة:eh_s(16):

الطريج من لوس انجلوس لين لاس فيغاس 4 ساعات تقريبا "متوسط" ممكن اقل بشوي اكثر بشوي بس بهالحدود بالسياره طبعا :eh_s(3): ​

شلوووووووونكم يا بنات التجمع روونه و شروووقه وكل البنااااااااااااات


اللى ما فيزوا شناااااااطرين؟؟؟ ترى يوم عن يوم الموعد يصير ابعد و الزحمه على الفيز تززيد

اي والله صاجه ديجيتال الحين فرصه مو ذيج الزحمه بس من شهر 5 مافي مجال ويمكن حتى يعطلونكم فاللي تبي تسافر هالصيف اتلحق على عمرها واطلع فيزا من الحين ولا تحجز قبل لا تطلع الفيزا ​

روانا يقولون اجري فيلا احسن ويفرق بالسعر؟؟؟


حلوة سالفة الفيلا مع حمام سباحه

انا أأيد الفيلا في مثل حالة alhayen يعني اكثر من عايله يعني لو انا وحمولتي رايحين او انا واهلي 3 او 4 عوايل حلوه الفيلا بهالحاله

بس اذا عايله صغيره ما أأيد واذا على حمام السباحه والله ما طبيناه الا اخر يومين قبل الرده عن الحسافه لان ماكو وقت وطول اليوم احنا بره ياحدايق يامولات يامطاعم مافي وقت نقعد فيه بالشقه .. الا اذا تبين تقعدين شهر واكثر اي ممكن

وفي باكسبيديا فلل بحمامات سباحه خاصه بس حمام السباحه للفلل اللي 3 غرف نوم واكثر جيكي على اسعارهم وشوفي
​

 

[galaxy]

انا أأيد الفيلا في مثل حالة alhayen يعني اكثر من عايله يعني لو انا وحمولتي رايحين او انا واهلي 3 او 4 عوايل حلوه الفيلا بهالحاله

بس اذا عايله صغيره ما أأيد واذا على حمام السباحه والله ما طبيناه الا اخر يومين قبل الرده عن الحسافه لان ماكو وقت وطول اليوم احنا بره ياحدايق يامولات يامطاعم مافي وقت نقعد فيه بالشقه .. الا اذا تبين تقعدين شهر واكثر اي ممكن

وفي باكسبيديا فلل بحمامات سباحه خاصه بس حمام السباحه للفلل اللي 3 غرف نوم واكثر جيكي على اسعارهم وشوفي

لا عيل مايسوى

لان احنا 4 بس
بناتي 8 سنين و4 سنوات


نضيع بالفيلا


ههههههههههههههههههههه

شقه احسن وبنقعد 25 يوم