التجمع الثاني .. مسافرات امريكا 2009 ... حياكم

[ام البنين2000]

والله انا واايد خايفه علي اليهال
انا عندي اثنين من عيالي عندهم حساسيه بالصدر ولمي تييهم الانفلونزا العاديه يصير بالبيت حالة طوائء<<< كمامات وكورتزون وضيق تنفس
فشلون انفلونزا الخنزير

وهم دول شرق اسيا ما راح اقدر علشان الرطوبه مو زينه حقهم

وانا مع اشراقه امريكا مو طايره الزم ما علينا عيالنا وصحتهم .... بس بعد خل ننطر ونشوف شنو راح يصير

 

[semaasem]

شرووق مالج شغل بحجي الجرايد والله حجي فاظي تعرفينهم يزيدون ويبهرون ويهولون ويخرعون بهالعالم هذا الاعلام الحين جم وحدة ويانا عندها اهل او معارف هناك يقولون ان الوضع طبيعي ومافي شي صدقيني تفائلوا بالخير تجدوه لا تصيرين مثل رفيجتي اللي قلت لكم سالفتها العام هم برد اقول سالفتها

شوفوا الله يسلمكم رفيجتي هذي العام نوت تغير وتروح مع ريلها وعيالها تايلند طبعا بعد ماسويت لها دعاية لاني اموت فيها وهي من النوع اللي

كل سنه تروح المانيا وعندها صبيان شباب يموتون عالبحر وشغل الحداق واحلى ديرة حق الرحلات البحرية وهالسوالف تايلند المهم سوينا لها

انا ورفيجتي الثانية هم خبيرة تايلند خطة رووعة للسفرة وحجزت وكل شي اوكي بعدها تقريبا نفس هالحزة العام خو كل سنه يطلعون لنا بسالفة

طلع بالاخبار والجرايد و..ان شرق اسيا فييها والله نسيت اسمه اللي طلع بالصين ممم اذا في وحدة متذكرته تساعدني هو مو جونو ولا تسونامي

مادري مثل اعصار وجذي والناس تضررت و...قامت رفيجتي توسوس وخافت خصوصا بعد تسونامي وهذي رفيجتي من النوع اللي خوافة
وتصدق كلام الجرايد والاخبار وانا كنت اقولها نطري صبري شوفي قالت لالالالا بكنسل باجر يصير فينا شي ماتسوى علينا هالسفرة وماسمعت

كلامي وكنسلت باختصار وراحت عليها فلوسها وكانت بنت خالتي بتروح ماليزيا وهم خافت وكل وحدة تسألني عن الثانية رفيجتي تقولي شلون

بنت خالتج معزمة عالروحة وهذيج تسألني شصار على رفيجتج يعني شكوو وحدة بتشوف الثانية قلت حق بنت خالتي ان رفيجتي من النوع

الخواف وتوسوس وكنسلت كانت بنت خالتي متشفقة على الروحة بس نطرت المهم بعد هالهولليلة الناس كلها العام طارت وراحت شرق اسيا

ومنهم بنت خالتي والحمدلله ماصار شي ولا شافوا شي وبالنهاية رفيجتي تحسفت قد شعر راسها وتقول انا استعيلت وكنسلت بس هذا اللي مايطيع

النصيحة بنات صدقوني يعني انا ابي اروح حق المرض اعوذ بالله ومعاي ولدي5سنوات اسم الله عليه وعلينا طبعا لا بس انا اقول تفائلوا وننطر

ونشوف بس لا تصدقون كلام الجرايد حجي فاظي انا احس ان الوضع طبيعي وبالعكس يمكن هالشغلة من صالحنا علشان تطيح الاسعار خلوا

تفكيركم كله ايجابي وعلينا بالدعاء والله يكتب اللي فيه الخير والصالح لنا

 

[semaasem]

ام البنين

انا ولدي نفس عيالج جذي علطول مريض وكمام وكورتزون وفنتولين ويسدحونه بالمستشفى واذا صار الجو غبار مااوديه الروضة و..بس انشالله يسيطرون على المرض انا اقولكم تفائلوا تفائلوا تفائلوا

بنات خلواا عنكم الخوف والوسواس والقلق دع القلق وابدأ الحياة شكلي بقلبها عليكم دورات بليييز بنات ابي وحدة تساعدني وتضم صوتها لصوتي بليز خلونا نتفائل ونشجع بعض

 

[مشمشة رمانة]

بنات انا امس كتبت لكم رد شطوله بس للاسف ماطلع بحاول اتذكر واكتب

اللي كنت بقوله لكم

بنات ترى انا متفائلة تفائلوا ليش قمتوا تفكرون بالخطة البديلة ترى شرق اسيا بعد متروسه خنازير ماتدرون يمكن باجر تستقر الامور والحمدلله يروح كل هذا صدقوني انا حاسة ان الاعلام يهولون وايد تعرفون الضجة الاعلامية كل مرة يطلعون لنا بشي انا اقول ننطر ونشوف اللي الله كاتبه لنا وحاسة ان كل هالامور بتروح وبتزول والناس بتسافر وبتطير لان الواحد وين يروح امريكا اوروبا استراليا شرق اسيا كل هالاماكن فيها خنازير..نصيحتي لكم تفائلوا وخلوا املكم بالله كبير وخصوصا ان الاغلبية حجزوا وخططوا وتشفقوا على امريكا ولا تسمعون وتوسوسون من كلام الاخبار والجرايد تدرون فيهم يبهرون ويهولون لان هذا شغلهم

ام البنين

ترى تايلند تصلح حق الياهال بالعكس وايد رووعة وحبيتها وايد أكثر من ماليزيا ونيسة وأمان و..بس مالج الا امريكا كيفج

بنات خلونا وحدة تشجع الثانية وخلونا نتفائل بسفرة حلوة هالسنه قولوا معاي امريكا امريكاااا

اي والله ياسمسومة يبلنا تشجيع المعنويات 0 صفر

وصاجة المرض اعوذ بالله انتشر وصل آسيا واوربا والبحرين والعراق ويقولون انة المكسيك الحالت ابتدت تتراجع بالعدد

بشرينا شصار على فيزة ابوكم ان شاء الله طلعت ...؟

 

[ميسوره]

لا حول ولا قوه الا بالله عظم الله اجرج
والله يغفرله وعسا مثواه الجنه
ويمسح على قلب امج ويصبرها
وجعلها اخر الاحزان ان شاء الله

 

[مشمشة رمانة]

شرووق مالج شغل بحجي الجرايد والله حجي فاظي تعرفينهم يزيدون ويبهرون ويهولون ويخرعون بهالعالم هذا الاعلام الحين جم وحدة ويانا عندها اهل او معارف هناك يقولون ان الوضع طبيعي ومافي شي صدقيني تفائلوا بالخير تجدوه لا تصيرين مثل رفيجتي اللي قلت لكم سالفتها العام هم برد اقول سالفتها

شوفوا الله يسلمكم رفيجتي هذي العام نوت تغير وتروح مع ريلها وعيالها تايلند طبعا بعد ماسويت لها دعاية لاني اموت فيها وهي من النوع اللي

كل سنه تروح المانيا وعندها صبيان شباب يموتون عالبحر وشغل الحداق واحلى ديرة حق الرحلات البحرية وهالسوالف تايلند المهم سوينا لها

انا ورفيجتي الثانية هم خبيرة تايلند خطة رووعة للسفرة وحجزت وكل شي اوكي بعدها تقريبا نفس هالحزة العام خو كل سنه يطلعون لنا بسالفة

طلع بالاخبار والجرايد و..ان شرق اسيا فييها والله نسيت اسمه اللي طلع بالصين ممم اذا في وحدة متذكرته تساعدني هو مو جونو ولا تسونامي

مادري مثل اعصار وجذي والناس تضررت و...قامت رفيجتي توسوس وخافت خصوصا بعد تسونامي وهذي رفيجتي من النوع اللي خوافة
وتصدق كلام الجرايد والاخبار وانا كنت اقولها نطري صبري شوفي قالت لالالالا بكنسل باجر يصير فينا شي ماتسوى علينا هالسفرة وماسمعت

كلامي وكنسلت باختصار وراحت عليها فلوسها وكانت بنت خالتي بتروح ماليزيا وهم خافت وكل وحدة تسألني عن الثانية رفيجتي تقولي شلون

بنت خالتج معزمة عالروحة وهذيج تسألني شصار على رفيجتج يعني شكوو وحدة بتشوف الثانية قلت حق بنت خالتي ان رفيجتي من النوع

الخواف وتوسوس وكنسلت كانت بنت خالتي متشفقة على الروحة بس نطرت المهم بعد هالهولليلة الناس كلها العام طارت وراحت شرق اسيا

ومنهم بنت خالتي والحمدلله ماصار شي ولا شافوا شي وبالنهاية رفيجتي تحسفت قد شعر راسها وتقول انا استعيلت وكنسلت بس هذا اللي مايطيع

النصيحة بنات صدقوني يعني انا ابي اروح حق المرض اعوذ بالله ومعاي ولدي5سنوات اسم الله عليه وعلينا طبعا لا بس انا اقول تفائلوا وننطر

ونشوف بس لا تصدقون كلام الجرايد حجي فاظي انا احس ان الوضع طبيعي وبالعكس يمكن هالشغلة من صالحنا علشان تطيح الاسعار خلوا

تفكيركم كله ايجابي وعلينا بالدعاء والله يكتب اللي فيه الخير والصالح لنا

اضم صوتي لصوتج سماسم لانة ابتدا المرض يتراجع في المكسيك وامريكا وهذا في اخبار bbc

لكن الخوف مو من الدولة من المطارات والطيارة والانفاس في الاماكن المغلقة وكل شي بصوب

وعلان المصعد اللي يعطس على الارقام بصووب >>> لوووووووووول مابي اتخيل اني احط ايدي

ويهي مأسااااة ....

 

[semaasem]

مشموشه

اشكرج على ضم صوتج لصوتي (متأثرة بالانتخابات)

ما قلت لج انا كنت ناوية ابشركم بس ضاق خلقي على روونه وماقلت لكم طلعت فيزة ابونا وأخيرا بس مامدانا فرحنا فيها لانها طلعت مع المرض والحمدلله على كل حال


شفتوا بنات شفتوا أول الخير المرض بدا يتراجع بالمكسيك ربي لك الحمد عقبال ماينتهي ويزول

مشمشة شيقول حماج ووين قاعد باي ولاية عطينا اخباره اول بأول

 

[ام البنين2000]

مو احنا سفرتنا كلها تجمعات سواء اماكن سياحيه او اسواق او فنادق يعني ما راح نروح ونسكر الباب علينا وما نطلع نفس اهل البلد

والله بعد عمري سماسم ادري قاعده تطمنينا
بس خل ننطر للأخر ونشوف شنو بيصير

 

[ام البنين2000]

مشمشه صاجه تري الدعايه تخرررررع وتلوع الجبد

 

[rawona]

الله يجزاكم كل خير بنات ... والحمدلله على كل حال .. هذا يومه وهذي ساعته .. ومهما الواحد سوا مايقدر يرجع اللي راح .. مالنا الا الصبر والدعاء .. وامي الله يخليها لي ويطوليبعمرها الحمدلله انسانه مؤمنه بس تدرون ابن آدم بعد .. الله خالقلنا هالمشاعر والدموع علشان انعبر فيها عن اللي بداخلنا .. والحمدلله على كل حال .. وامي حبيبتي الله يخليها لنا انشاءالله ويصبرها مافارقتها لحظه وانشاءالله باظل دايما معاها..



مابي نقلب الموضوع حزن وهم .. الحمدلله على كل حال ..




البنات اللي خايفين من الانفلونزا .. انا اشوفها حالها حال جنون البقر وانفلونزا الطيور وهالامراض اللي اطلعت قبل فتره وخذت ضجه اعلاميه ..


موقع اكسبيديا حاط تحذير للسفر الى المكسيك بس قايلين انه مافي اي منع من قب الحكومه الامريكيه للرحلات اللي رايحه او راده بين امريكا والمكسيك ..


ونطروا سفراتكم على شهر 6 او 7 اكيد راح ايبين شي من الحين لذيج الحزة .. والله يسهل اموركم .. وكل شي خيره

​

 

[semaasem]

ام البنين

مشكورة بس مابي اشوفكم منهارين وضايقة خلوقكم والله شدعوه ماتسوى الواحد يتوكل على الله ويتفائل والله الحافظ

كاهو أول الغيث ابتدا المرض بالتراجع والله يبشرج بالخير مشموشه وانشاءالله عقبال مايختفي وينتهي ويزول نهائيا

وانشاءالله بتسافرون وتستانسون وتونسون الياهال فكروا بإيجابية

 

[rawona]

مو احنا سفرتنا كلها تجمعات سواء اماكن سياحيه او اسواق او فنادق يعني ما راح نروح ونسكر الباب علينا وما نطلع نفس اهل البلد

والله بعد عمري سماسم ادري قاعده تطمنينا
بس خل ننطر للأخر ونشوف شنو بيصير

سماسم مبروك على فيزة ابوكم ..


ام البنين اذا خايفه من كاليفورنيا لانها قريبه من المكسيك غيري الولايه وروحي مكان ثاني .. والله خير الحافظ


والله يابنات اذا الله كتب لانسان قدر معين راح يصيبه سواء بديرته والا بره استخيروا وادعوا


"اللهم لا أسألك رد القضاء ولكن أسألك اللطف فيه"


​

 

[ام البنين2000]

هلاااااا روونه شلونج حبيبتي

شفتي بعد هالحنا اخرتي انا واليهال بالخيران

 

[rawona]

هلاااااا روونه شلونج حبيبتي

شفتي بعد هالحنا اخرتي انا واليهال بالخيران

انا اقول شهر 12 زين .. *_+​

 

[semaasem]

واي بعد عمري روونه

حتى باحزانج قاعدة تواصلينا وماتخلينا وتفيدينا

الله يمسح على قلبج وقلب الوالدة ويلهمكم الصبر والسلوان

والله يرحم اخوج برحمته الواسعه ويغمد روحة الجنه

والله يجعلها لكم انشاءالله اخر الاحزان (في ناس يقولون مايصير نقول هالكلمة) بس القصد ان مانشوفج حزينة بعد

والله يسعدج ويهنيج ويخلي لج الوالدة وزوجج وعيالج واهلج وحبايبج يارب ويفرح قلبج فيهم انشاءالله

الصراحة انا شهادتي فيج مجروحة كافي انج سويتي لنا هالتجمع الحلو الله يجعله تجمع خير لنا ويجعله في ميزان حسناتج

انشاءالله نشوفج علطول معانا منورة المنتدى والتجمع بوجودج الغالي ولا يحرمنا منج يا أروع روونه

 

[ام البنين2000]

سماسم مبروك الفيزا

 

[semaasem]

الله يبارك فيج ياقلبي حبيبتي انتي

والله انا كنت ناوية اشيل التجمع يباب وصفقة وهوللليييييييييييلله بس ضاق خلقي عليج وماقلت حق احد

الا لما سألتني مشمشه عن الموضوع

 

[semaasem]

الله يبارك فيج ام البنين ماتقصرين

واي بنات حبيباتي انتوا ماتقصرون

 

[مهفة]

قوة بنات شلونكم؟

انا آخر مرة مشاركة معاكم يمكن أكثر من شهرين !!! أدري وايد بس أيي أطل عليكم من فترة لي فترة...
ما أطول عليكم انا من صار هالمرض وآنا متنكدة.... حدي شفقانة أروح لوس أنجلوس بس من يه هالمرض وريلي متردد.. وانا من داخلي الحمدلله مو خايفة متوكله على رب العالمين... لأن لو تسمعون كلام أطبتهم يقولون لكم ان اللي قاعدين يموتون من الانفلونزا العادية 36000 واحد بالسنة وغير الايدز الله يكافينا الشر (سلاما قولا من رب رحيم) فعادي ان شالله بس مادري شفيه فقد الحماس ​

 

[ام البنين2000]

روونه انا ما احب البرد كلش فبالاشتا ما اطلع من داري اروح الدوام وارد اتلحف لي اليوم الثاني ...شهر 12 كلشش ما يناسبني
انا مواليد الصيف اموت بالشمس