رد: التجمّع الثّاني لطالباتْ كلية ‘العلوم البيولوجية & الرياضية الطبيعية‘ \ حيـاّكـم
love life اي والله زحممممه مو طبيعية أول مره تصادفني هالزحمه شي مو طبيعي
لووووووول ما اتوقع بتصكين علي اول يوم دوام بالجامعه لما كنت مستجده كان عندي محاضرة بالهندسة
و قبلها محاضرة بالعلوم بينهم عشر دقايق ,, و ضيعت طريج الهندسه مع انه سخيف و سهل بس أول مره
واااي فريت الهندسه كلها كنت قاعده ادور حوالينها حده من وين اذووونك يا جحااا و كان حررر و شمس
و اخر شي وصلت المحاضرة على اخر ثلث ساعه
بس من القهر دشيت و حضرت عيل كل هالمشي و ما ادش,, لا و فوق هذا لقافتي الزايده الدكتور سأل سؤال
كانت مادة مهارات اتصال و كنت مرتزة أول وحده قاعده ,, سأل شنو اعراب " عيني " و انا الحمدلله من أيام الثنوي
شاطرة بالعربي و ماعندي مشكلة فيه و خصوصا القواعد احبها,, بس الظاهر صكت الشمس براسي و مع المشي
قلت و ياااااريتني ما قلت " فعل من الافعال الخمسه " قام الدكتور بطل عينه من الصدمه و فجأة جان يبطها ضحك
و البنات كلهم فصلو ضحك وياه ,,, يماااااااا انقص ويهي و نقدت على نفسي و قلت لو ساده حلجي احسن
و من يومها لين خلص الكورس ما شاركت معاه كلش و كله مندعسه وره لووووووول واااي كان يوم مأساوي والله
و عقب يوم رديت البيت بس وصلت قعدت ابجي لووووووووووووووول والله كسرت خاطر نفسي ما انسى اول يوم دوام
كان مأسااااااوي و قعدت اقولهم ابي ارد ثنوي مابي جامعه ,, فصلت يومها
يحليلي والله مو متخيله اني ثالث سنة جامعة,, بسرعة تطير الايااااام
