رد: التجمّع الثّاني لطالباتْ كلية ‘العلوم البيولوجية & الرياضية الطبيعية‘ \ حيـاّكـم
السلام عليكم
بنات اباسألكم عن مادة كيميا110 عن شنو المنهج بالضبط وصج صعبة ؟ توقعون ينفع تكون بالصيفي مع مادة تخصص ومختبر ؟!
ياليت تفيدوني وعن أفضل الدكااترة للمادة
وعليكم السلام
أنآ خذيتهآ الكورس اللي طآف وكنت مستجده :eh_s(16): صج ورطه عبآلي المآده بالعربي ومستآنسه مسجلتهآ
المهم ؛
خذيتهآ عند نجآة الشطي وكل المديتيرمآت والفآينل موحد من الكلية
الدكتورة شديده شوي
آنصحج لآ تتأخرين إذا بتأخذين عندهآ ، لأنچ بتنطردين حزتهآ
بس من نآحية الشرح والله دكتوره قوية يعني م ترجم لنآ :eh_s(8): بس هذآ احسن يعودج بالامتحآن تتعودين على الانقلش :eh_s(15):
هذا ردي عن نظام الدكتورة
http://www.q8yat.com/t683825-5.html
المآده مو صعبه حيل ولا سهله ، يبلهآ مجآبل ، الصعوبة يمكن نوآجهآ باللغة
بس أغلبهآ مسآئل ، إذآ فهمتي بالمحآضرة ورآجعتي اول بأول ، إن شآء الله قريد حلو
آنآ اللغة مكسرة عندي ومرآت م آفهم بس عآدي من تشوفين الآرقآم شسوت فيهم وتتكرر عندج بعض المفردآت تتعودين
واعتقد بالصيفي مآكو دورآت ، ف شوفي لج أي بنت عندهآ اوراق الدورة وصوريهآ وادرسيهآ
وافهمي شلون طريقة حل المسآئل اللي فيهآ ، لان اغلب أسئلة المديتيرم نفس صيغة اسئلة الدورة
المادة تتكلم عن المركبات والعناصر وحسآب الكتلة الجزيئية والصيغية و الجدول الدوري فلزات ولا فلزات وانواع الاتحاد الكيميآئي
الآكسدة والاختزآل ، شلون تطلعين عدد التأكسد لعنصر في مركب معين ، وزن المعآدلات ، عندج بعد الآحمآض والقوآعد ، والترآكيز بالمولار والمولال والإذآبة والتخفيف والمعآيرة
يعني أغلبهآ آظن منهج 11 الكتآب الأخضر المتين
سوآلف حآصل الاذآبة
والمعآيرة 12
وشيء طبيعي بتمر عليج جذي مسآئل مع الدروس آول مرة تشوفينهآ ، بس سهآلآت :eh_s(7):
نصيحة : اول مديتريم م كنت اعرف نظام الامتحآن عبآلي الدكتورة تقص علينآ إنه كله موضوعي
>> مستجدة عبآلهآ للحين ثآنوية
ف كنت انسخ التعآريف وهلكت نفسي اقرى بالكتآب وآلخص فقرآت وبالآخير الامتحآن كله مسآئل حسآبية اللهم سؤال او سؤالين اجآبتهم اختآري العبآرة الصحيحه :eh_s(16):
ف لآ تحآولين بتاتاً بهآلمآدة تحفظين ، مستحيل يجيبون لج كوبي بيست ، آهم شيء الفهم
موفقه
