التحويل من معلمة إلى إداريه .. عوع على زيادتهم

[mi corazon]

قوه بنات

سؤآل فني سريع

سمعت خبر من فتره انهم سهلوا مسألة التحويل من معلمة إلى إدايه

هل هالخبر صحيح؟

ولو صحيح ... اقدر اسعى في اوراق التحويل الحين؟؟؟

لحد يقول حرام ليش؟ زادوكم ،مادري شنو

تره انا واصله عندي لي الستار

بس طاب خاطري من التدريس اكثر ما اهوا طايب

مشكورين بنات اللي ماتعرف ترفعلي الموضوع لين نوصل لحل

ومبارك عليكم الشهر

 

[فوفو22]

التحويل من معلمه الى ادارية

له ضوابط وشروط

اذا انطبقت عليج

يصير التحويل سهل

مثل

تقرير طبي
تقرير اداري ضعيف لج

ولكن وجهة نظري حرام تعب الدراسه يروح بقرار غير سليم

المعلمه راتبها وايد حلو

وفيه عطل

وعيالنا بالشتا غايبي

قبل وبعد العيد غايبين
قبل وبعد اي عطله لاي مناسبه غايبين
عندهم عرس غايبين

وتعالي قيسي العطل

واعملي نسبه وتناسب

بتشوفين تعبج بكون ربع ايام السنه فقط

والله يوفقج

فوفو

 

[mi corazon]

تسلمين ياخيتي

صح تعبي ايي نص سنه مو ربع طبعا بس والله يطلعونها من ميخنا

احنا مانشتغل سبع ساعات نفس الناس .. احنا دوامنا يمتد طول اليوم .. نروح البيت نقعد نحضر ونحاتي ونفكر ونصحح ونسوي اختبارات .. واحيانا من كثر الضغط بالمدرسه ناخذ دفاتر البنات للبيت ملوت التعبير ونصححها وبالاخير شوفي الزف والاهانات



قيسي على هالشي البونص اللي بيقرّونه بيكن بيد الاداره وتعالي عاد تلحوس وتهسس وماتاخذين بونص الا لي ماضامتك عيني

ياختي والله حاولت .. وانا لي عطيت عطيت بذمه .. بس نظام التعليم والتربيه عندنا عقيم .. انا بشري راحتي

وحده غيري تقول ما اطلع بعد مازادونا .. بس انا صج عفت لاشغله بكبرها

وكل ماقريت وحده طلعت من التدريس اقول يا بختها ماشالله والفال لي

عالعموم الله يسهل

بس جنه قالوا سهلوا هالشغله وشغلة التحويل بين الوزارات

يعني يقولون صارت هالات .. صج عاد؟

 

[قاهرتهم 2011]

اتوقع للحين التحويل صعب ولا كل المعلمات ودهم يحولون

 

[درة أهل الطولات]

اتوقع لازم يكون تقريرج ضعيف

 

[mi corazon]

up up

 

[james546613]

الله يسهل امرج وامر المسلمين ومبارك عليكم الشهر وعساكم من عوادة ...للرفع

 

[mi corazon]

تسلمين حبوبه

علينا وعليج وجميع المسلمين

 

[Miss Korea :)]

الله يعييييييينج قلبو ,, فعلاً حاسّه فيج و اغلب رفيجاتي المدرّسات مقهورات و تعبانه نفسيتهم .
إللي اعرفه إنه إذا صار معدّلج ضعيف ممكن يحولونج إداريه , بس إنتي دقّي على وزارة التربيه و راح يفيدونج و بلييز لي عرفتي بالضبط شلون يا ليت تبلغينا بالموضوع عشان يستفيدون المدرّسات .

تحياتي لج و بالتوفيييق يا رب و الله يعييييينج .
​

 

[معلمة_منكوبة]

عمرها ماتتسهل .. نفس الشي ونفس الشروط .. والله يعينج كلنا غصب متحملين

بس ان شالله سهاله

 

[أبلة مس]

Mi Corazon
آنا اللي أعرفه إن التربوية تقدر تحول إداري بعد 10 سنين .. أما خريجي الآداب بعد 2 سنتين أو 3 سنين بالكثير .. هذي آخر نشرة استلمتها هالسنة عن هالموضوع ..

إن شاء الله أكون أفدتج ... و الله يوفقج يارب وين ما تروحين

 

[معلمة_منكوبة]

mi corazon
آنا اللي أعرفه إن التربوية تقدر تحول إداري بعد 10 سنين .. أما خريجي الآداب بعد 2 سنتين أو 3 سنين بالكثير .. هذي آخر نشرة استلمتها هالسنة عن هالموضوع ..

إن شاء الله أكون أفدتج ... و الله يوفقج يارب وين ما تروحين

جان زين !

احنا بالقسم كلنا اداب ماعندنا الا ثنتين بس تربيه.. وثنتين منا صارلهم

سنتين بس يراكضون علشان يطلعون ومو قادرين ..

ماتوقع هالقرار يطلع الكل راح يطلع جذي واولهم انا

انا بمحافظة حولي ماسمعنا عن هالشي ورفيجاتي بالاحمدي

هم نفس المعاناة ..




نفس القرار القديم يصيرلج 10 سنين بالتربية ماله شغل اذا

كنتي تربيه والا اداب دامج مدرسه تكونين خبره .. او بعيد

عنج تدني اداء

 

[أبلة مس]

جان زين !

احنا بالقسم كلنا اداب ماعندنا الا ثنتين بس تربيه.. وثنتين منا صارلهم

سنتين بس يراكضون علشان يطلعون ومو قادرين ..

ماتوقع هالقرار يطلع الكل راح يطلع جذي واولهم انا

انا بمحافظة حولي ماسمعنا عن هالشي ورفيجاتي بالاحمدي

هم نفس المعاناة ..




نفس القرار القديم يصيرلج 10 سنين بالتربية ماله شغل اذا

كنتي تربيه والا اداب دامج مدرسه تكونين خبره .. او بعيد

عنج تدني اداء

حبيبتي .. آنا استلمت النشرة بإيدي .. و كان فيها هالقرار .. بس المشكلة لمن يوصل قرار الوحدة منا للمراقب ممكن يردها و يكتب .. مرفوض لحاجة العمل لها .. عشان جذي حتى لو يحق لج لازم واسطة .. الله المستعان بس ..

 

[أبلة مس]

.. و لأنه الموضوع يحتاج واسطة .. آنا خذيتها من قاصرها و استقلت

 

[!الجادل الصعب!]

بنات شفيكم متحبطين
حبطتوني وياكم
انا اداريه واكمل دراستي بصير مدرسه
باذن الله
مي انتي مدرسة شنو حبيبتي ؟
ترا يمكن لو تغيرين المدرسه ترتاحين

 

[LA TROO7]

تخصص عربي صح ؟؟

ابلات العربي مهنه شاااقه

 

[قاهرتهم 2011]

عربي وانجليزي الله يعينهم على الاداره والتوجيه

 

[mi corazon]

تخصص عربي صح ؟؟

ابلات العربي مهنه شاااقه

اي انا ابلة عربي

وهاذي ثالث مدرسه اغيرها وصارلي 3 سنوات موظفه

بنات رحم الله امرؤ عرف قدر نفسه .. انا التدريس قاعد يتعبني لأني قاعده احاول اشتغل بذمه ولأنها مهنة ضمير

والله هالشي ماخذ من صحتي النفسيه قبل الجسديه

مابي اقص على عمري .. ترى والله تيني ايام الصبح وانا بالسياره ابي اروح الدوام .. اطقها بجوه

ومن اوصل المدرسه امسح دموعي وانزل جنه مو صاير شي

شي يلوع الجبد

بنات انزين دام السالفه فيها واسطه ياليت اللي تعرف عضو يساعدني اغير وظيفتي والله يوفها بهالشهر ادعيلها مع كل دعوه لي من قلبي

مع اني عدوة الواسطه بس حدونا عليها

 

[منار البربرية]

مبارك عليكم الشهر وعساكم من عواااده ،،،

حاسه فيج وانا طالبه تخصص عربي الله يعين صج تخصص متعب يابخت الاجتماعيات

هههه

انشاءالله تطلعين ويصير ماله شغل روحي قدمي ادارية ياخذونج المنطقه التعليمية حلوة اذا حصلتي وظيفه اهناك

كل شي يصير دام احنا في بلد الخير

الله يوفقج و يفتحها بويهج يارب و يتحقق اللي في بالج

 

[أحلى البشر]

كل شي بالواسطه يصير