التخلص من ريحة الصبغ

[ريكاتو]

بنات شلونكم شخباركم ،،، ماني مطولة عليكم ....





ابي مساعدة للي عندها الخبرة انا توه يايبتلي كبت جديد بس المشكلة ان ريحة الكبت وايد قوية يعني ريحة صبغ قوي نظفته عدل بالديتول وفجيت الدريشة كل يوم لمدة اسبوع بس ماكو فايدة والريحة صابغة في البيت كلة من افج باب الشقة انقمت من الريحة واللي يعافيكم حدي متوهقة مو عارفة شسوي ابي مساعدة منكم :0bee2e8d89:


واسفة على الإزعاج وناطرة ردودكم:eh_s(6):

 

[ريكاتو]

ليش محد رد علي حتى لو مرور تجبرون بخاطري
انا ناطرة الردود

 

[ابرار]

والله اختي شوفي عن تجربه راح تخف الريحه بعد شهر .....واختي لمااشترت كبت كان له ريحه ومع الوقت راحت ...بخري جاونيه تراها تشطف الريحه.....اتمنى اني افدتج..........

 

[ريكاتو]

مشكورة اختي ابرار بس شنو الجاونية اهي عند الحواي او نفسه الياوي
وشاكرة مرورج الحلو

 

[al-zabarjad]

ريكاتو

انا توني سامعة ان الرمث لما تبخرينة يمص كل الروايح ومنها ريحة الصبغ

عن تجربة

 

[ابرار]

الجاونيه نوع من انواع البخور ريحته حلوه دايما نبخر فيه البيت اذا كنا طابخين سمج...يوخر زفرت السمج..تلقينه عند بسطات الحريم.......

 

[السفيرة عزيزه]

الجاونيه اعتقد اهو نفسه بخور الياوي ـ اللي أعرفه ان الحليب السائل لو تخلينه بجدر يخفف الريحه وأعرف بعد ان البصل اذا قشرتيه وقطعتيه 4 قطع وتحطينه بسطل ماي يسحب الريحه

والله يعينكم ومبروك الكبت الجديد

 

[ريكاتو]

al-zabarjad
السفيرة عزيزه
شاكرة مروركم وانشالله اجرب الجاونية

 

[elzyn]

انا اعاني نفس الحاله

 

[روح آلمشآعر]

خبزه مبلله مآي خطيهآ في صحن دآخل آلكبت ~
بصل ~


آختي حطت خلطه وعطورآت ومسحت في كبتهآ وتقول خفت الريحه ~



،

 

[توت عنكبوت]

ريحة الكبت الجديد ما يوخرها الا الجاوني داومي عليه كل يوم وتروح

 

[paraka]

والله نفس معاناتي ..كنت أبخر الكبت بمعمول لأن دخانه وايد ..والدرايش مفتوحة على طول وبالبرد .. اطول الريحة على ماتروح لاتحاتين تخف إن شاء الله

 

[ريكاتو]

مشكورة paraka جربت كل شي ليلحين ما نفع صارلي شهر الريحة قريبة عجيبة ما ادري بشنو صابغين الكبت يعني كل من شم ريحة هدوم بنتي يقولولي روحي سبحيها جنها موصخة وخواتي يقولون لي ما نقدر نتحمل ريحة بنتج والله احترت ما ادري شسوي

 

[paraka]

مشكورة paraka جربت كل شي ليلحين ما نفع صارلي شهر الريحة قريبة عجيبة ما ادري بشنو صابغين الكبت يعني كل من شم ريحة هدوم بنتي يقولولي روحي سبحيها جنها موصخة وخواتي يقولون لي ما نقدر نتحمل ريحة بنتج والله احترت ما ادري شسوي

إي والله ..الله يعينج أشرايج عيل أنا الكبت صابغينه بنفس الغرفة لأنه ثابت بالطوفة .. تحملنا الريحة والملابس إلي بالكبت لازم أغسلها قبل لا ألبس اعيالي لأن صج ريحة الملابس وايد خايسة .. بس الحمدلله أزمة وعدت .. والحين أنتي لاتلبسين بنتج إلا إذا غسلتي ملابسها وخليهم برا الكبت .. خاصة ملابس المدرسة أنا ما كنت أخليهم الغرفة خير شر أمعلقتهم برا الغرفة علشان لا تلزق الريحة فيهم .. خليج على التبخير والتهويه وإنشاء الله اتروح الريحة .

 

[ريكاتو]

انا مستمرة بالتبخير والتهوية يوميا احط ياوي بس الجاونية ما اعرفها
والله يصبرني على هالريحة لاعت جبدي

 

[pure feminine]

ماترووح لوووعه عندي كبت من ثلاث شهوور وهذي ريحته خفت شوي بس ما راحت

مسحناه من داخل وبرا بماي وصابون وخلينه مفتوووح والدراايش مبطله وللحين اذا صكيناه تطلع الريحه مره ثانيه

لووووووووعه مالت عليهم ما دري بشنو يصبغون

 

[ريكاتو]

اي والله حياوية كملنا الشهر وهذي الريحة بس متى احط هدوم بنتي بالكبت انا حطيتهم يومين ولزقت الريحة بالهدوم الله يكون بعونا من هالكبتات

 

[فجر الرياض]

على حسب نوع الصبغ انا صابغه بيتي كل بويه وكل مكان بلون وربي اسبوووع ولاكاني صابغه شي,,,
واعتمادي كله على فتح الشباااك ...

تقبلي مروري

 

[ريكاتو]

مشكورة على مرورج يا فجر الرياض بس حتى انا صابغة شقتي وبسرعة راحت الريحة بس الحين هذا كبت بنوتي الريحة فية وايد قوية مرات اتحسف اني سويتة نجارة لو شاريتة جاهز جنة احسن من غير ريحة واريح والله دخت من هالكبت

 

[كرستال 2008]

الجاوني احسن حل وبخري معمول قوي من عقبه