التداول بالانترنت .. الوطني - بيت التمويل

[شيهانه]

السلام عليكم ورحمة الله وبركاااته





بنات انا معاي وحده بالدوام اتسولف تقول اشتركت مع بيت التمويل للتداول بالانترنت ب 500 دينار بس ..

وتقول شركة المثنى اتوقع الي ماسكه الموضوع .. المهم اهي صغيره بالسن وما شاء الله عليها قاعدع تحاول تدخل بالاسهم و تجرب حظها .. فقلت ليش ما اصير مثلها ؟؟؟؟؟؟؟؟؟ :ggdw:

بس ابي منكم خواتي مساعده بالبدايه الي تعرف عن التداول بالانترنت ...

يعني انا ابي يا الي في بيت التمويل او مع الوطني بس ما ني عارفه الفرق بينهم ؟؟؟؟

واشلون ابيع واشتري بالانترنت ؟؟؟

عندكم معلومات عن هل الموضوع ؟؟؟


وشرايكم بالبنكين منو تنصحوني ابدي معاه ؟؟؟ انا اشوف موقع الوطني متطور اكثر ..؟؟ وانتوا شرااايكم

ودي اطقطق بمبلغ صغير بالانترنت وياريت اتساعدوني ؟؟ :eh_s(1):

 

[المجددة]

هلا أختي شيهانه انا ودي اقولج خليج على التمويل احسن لج على الاقل اسمه بنك اسلامي ولا تسمعين حق اللي يقول انهم مثل بعض ---- اتمنى لج التوفيق مقدما

 

[إنسانه بكل حالاتي]

طيب جم أقل شي أقدر أشتري فيه الاسهم يعني جم لازم يكون عندي مبلغ ؟ ومشكوره

 

[mrs-ss]

موضوعج حلو ومن زمان افكر ابيت التمويل وانشالله احد يفيدنا بهالموضوع

 

[شيهانه]

هلا أختي شيهانه انا ودي اقولج خليج على التمويل احسن لج على الاقل اسمه بنك اسلامي ولا تسمعين حق اللي يقول انهم مثل بعض ---- اتمنى لج التوفيق مقدما

مشكووووورة على النصيحة وانتي صح ...

 

[شيهانه]

طيب جم أقل شي أقدر أشتري فيه الاسهم يعني جم لازم يكون عندي مبلغ ؟ ومشكوره

كيفك اهم محددين اقل شي 500 بس هذا بس علشان تفتحين حساب التداول مو شرط كله تستخدمينه

وانا ابي بعد البنات يفيدونا اكثر ...

 

[شيهانه]

موضوعج حلو ومن زمان افكر ابيت التمويل وانشالله احد يفيدنا بهالموضوع

حلت دنياك اختي ,, وناااطرين البنات ..


ياربي ما ادري في اكثر من مره البنات يسالون عن الانترنت ما في رد ؟؟؟

ما ادري نحاااااااااسه والا صج ما يعرفون ؟؟؟؟ في منتديات بس شبابيه عن البورصه بس ما احب ادخل واسال احس مو متقبله فكره اشارك في منتديات مختلطه .. وان شاء الله يرأفون بحالنا واجرهم عند الله كبير ان شاء الله ..

 

[غاليتي]

اكيد التمويل لان الوطني ربوي حده فاذا تبين الله يوفقك ابدي بالحلال
بس اختي هذي فكرة اول مرة اسمع فيها ياريت تشرحينها اكثر ونستفيد منها

 

[..{ Pink!a]

حلووو هالطريقه بس اللي اموت واعرفه شلوون بعرف ان الشركه الفلاانيه اسهمهاا راح ترتفع <<<<< صج البورصه حظ ونصيب

 

[شيهانه]

اكيد التمويل لان الوطني ربوي حده فاذا تبين الله يوفقك ابدي بالحلال
بس اختي هذي فكرة اول مرة اسمع فيها ياريت تشرحينها اكثر ونستفيد منها

هلا اختي اهو ما اتوقع حرام مع الوطني يعني مو اهم الي بيشتغلون بفلوسي اهم يوفرون لي مجال ادخل فيه البورصه من الانترنت ..وانااكرررررره الوطني بس موقعهم اسهل واكثر افاده من التمويل الي احسه بدائي حتى في مستوى خدماااته ... بس في بنكين التمويل والوطني وفي شركاات ثانيه بعد عندها نفس الخدمة انك تبيعين وتشترين من البورصه وانتي في بيتك .. :eh_s(1):

رجااااااااءا خواتي الي عندها معلومات او مسويه هل الاشتراااك تفيدنا .. ؟؟؟ غريبه

 

[AFRoDiT]

انا بعد ابي معلومات اكثر ..

ياريت موظفات البنوك يساعدونا

 

[ام الغالين]

ابي اعرف اشلون اشتر اسهم بالتمويل وجم السعر السهم وكيفة التعامل

ياليت موظفات البنوك يفيدونا

 

[شيهانه]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[mrs_sugar]

ناطرين البنات اللي بيفيدونا

!!!!!!!!!!!!!!!!!!!!!!!!!!!!!!!!

 

[MiSs_ViSTa]

wallh ana wde b3d

 

[moony77]

بس مادري يا بنات مضمون ولا لا ولا حتى انا ودي بس ياريت بنات البنوك يفيدونه ما نبي نغرق ببحر ما نعلمه

 

[أشواق العلي]

خواتي حاليا أغلب البنوك عندها تجارة الاسهم عبر الانترنت حتى بنك الخليج واظن ان التجاري صارت عندهم هالخدمه بعد اما بالنسبة للي تقول ان التمويل افضل لأنه اسلامي أحب اقولها انه بالاسم اسلامي اما بطريقة تعاملهم بالقروض او المديونيات اسوأ من اللي يسوونه باجي البنوك لأنج لما تاخذين منهم قرض او تشترين شغله بالاقساط يحسبون الفايده من البداية وطبعا يسمونها مرابحة عشان يبينون للناس انها مو ربا وان طريقتهم اسلامية بس اذا فكرتي ترجعين القرض ثاني يوم او تكيشين اللي شريتيه مايطيح عنج ولا دينار من الفايده اللي حسبوها عليج ولازم تسددينها لأنها مرابحه وطبعا هذا ربحهم من المعامله بينما البنك الوطني مثلا لما تبين ترجعين القرض بالكامل ثاني يوم تطيح عنج الفايده كلها وهذا نظام قرضي عندهم ان كل شهر مع فايدته ومايسحبون الفايده اول جم سنة وبعدين يبدون بالقرض مثل مايسوون بيت التمويل وهو اللي اعتبره حرام وربا اكثر من البنوك اللي يسمونها ربويه

بالنسبة للاسهم فيها ربح وخساره وطبعا الكل يدور الربح ومايبي الخساره وعشان تربحين في هالمجال لازم يكون عندج صبر وماتبيعين اسهمج اللي شريتيها الا اذا شفتي سعرها ارتفع واللي تشوفونهم يخسرون بالاسهم هذا لأنهم يشترونها بالاجل يعني مايدفعون قيمتها الا بعد مده معينه واذا ما انباعت الاسهم بربح خلال هالمده يتوهقون عشان جذي يبيعون بخساره اذا نزل السهم عشان يلحقون يدفعون قيمة الاسهم قبل انتهاء المده ومايخسرون فيه وايد ولأن اغلبهم تجار صغار من يشوفون السهم نزل يخافون ويفكرون انه راح ينزل اكثر فيقولون خل نلحق على السعر الحين ونبيع اسهمنا قبل ماينزل زياده ونخسر زياده وطبعا اذا انتي عندج راس مال زايد ومو مستعيله عليه ولا احد يطالبج مثل حالة اللي بالبورصة يعني تقدرين تنطرين عليهم وماتبيعين الا بربح انشالله

انا جربت البنك الوطني بتجارة الاسهم بالبورصة الامريكية وطلعت منهم ربح الحمدلله بس مشكلة البورصة الامريكية انج راح تلقين صعوبة في متابعة اخبار الشركات ومعرفة مستوى اسهمها والتوقعات اللي على السهم من ارتفاع او انخفاض بالسعر ولازم موظف البنك يتابع بدالج اذا ماتعرفين بس يقولج من البداية انه مو مسؤول عن الربح والخسارة يعني ماتحاسبينه في حال انج بعتي السهم وتالي ارتفع زياده او شريتي سهم وتالي نزل اكثر وتتحسفين ليش مانطرتي ..كل هذا اهو يخلي مسؤوليته منه من البداية اما بالنسبة لتجارة الاسهم الكويتية بالانترنت فهي وايد اسهل وتقدرين تتابعينها بروحج وفي كل الاحوال انتي بنفس الديره وتعرفين اخبار الشركات من الجرايد والتلفزيون

 

[yam_yam]

حياتي اشواق ماقصرتي وفيتي و كفيتي

 

[barbreeta]

ماقصرتي اشواق يعطيج العافيه

 

[النويرة]

مشكورة يا أشواق استفدنا منج

بس ودي اقولج الفرق بين الربا والمرابحة لان المرابحة مثل لو فيه تاجر اشترى سلعة ب10 وباعها بالأجل ب30
يعني البنك هنى مثل التاجر وين الربا ؟؟؟
فرق طبعا بين الحلال والحرام وفرق بين غضب الله والتعامل بالربا المؤكد وبين اننا نتعامل بطريقة طلعت فتاوي على انها حلال