قبل دايما عند البوابات أشوف سيارة شرطة واقفة
ومرات الشرطي يقول حرك حرك حق السيارات
خصوصا لو شاف سيارة مشكوك فيها او فيها شباب وهالموقف مر علي كذا مرة
فيه شرطة زي إلتهم :eh_s(3): واقفين ما يسوون شي وفيه اللي مو مقصرين يعطيهم العافيه :eh_s(15):
عاد آنا قبل كنت أقول شدعوه كل بوابة فيها سيارة شرطة :flower:
حشا جنه سجن والا مكان مشبوه مو كلية ومكان دراسة !!
بس بعد اللي شفته أقول إلا زين يسوون
ويا ليت كل يوم تكون فيه سيارة شرطة واقفة عند كل بوابة
أول موقف صادفني اليوم كنت طالعة من الكلية الساعة 3 خلصت محاضراتي
بروح أركب سيارتي عند البوابة بنت منقبة الله يستر عليها
سيارة فيها 2 شباب واقفين يكلمونها ويتحرشون وهي ترد عليهم ومتجاوبة معاهم :eh_s(4):
جدام الداخل والطالع وجدام السيارات آنا بعرف شفايدة الحارس
المفروض يوخر هالأشكال امحق حارس طمبور طين يخاف يتكلم او يسوي شي
الوقاحة وصلت لهالدرجة أشكره جدام الأدوام ما فيه ذرة حيا
الشرهه مو على هالشباب على هالبنت اللي معطيتهم ويه وتسولف معاهم
ما تخافين على سمعتج !؟ بس شنقول ان لم تستح فافعل ما شئت
ثاني موقف الأسبوع اللي فات كنت طالعة من الكلية
شفت بنت ركبت سيارة صبي وكانت لابسة لبس عادي شكيت فيهم امبيييييه والله يبين ترى
سبحان الله لو وحدة تركب مع زوجها والا اخوها والا حد من أهلها يبين
ولما تكون مواعدة وراكبة مع واحد يبين مادري شلون بس يكون واضح :eh_s(10):
ركبت سيارتي وحركت آخر الشارع نفس السيارة ونفس الصبي والبنت اللي يمه لابسة عباية ونقاب :eh_s(12):
عشان ما تنعرف طبعا بالله ما خفتي حد يشوفج وانتي تركبين سيارته ؟
لي متى يعني استغلال العباية والنقاب عشان يخشون بلاويهم وخرابيطهم !؟
الموقف الثالث كان الكورس اللي فات هم بره بمواقف الكلية
يا كثر البلاوي صوب مواقف هالبوابة :nocommint:
المهم كنت رايحة بركب سيارتي سيارة قريييبة على سيارتي فيها بنت
واقفين عليها 2 شباب مع سياكلهم واحد صوب الجام اليمين والثاني اليسار وهاتك يا تكركر ومصاخه
أول ما قربت البنت خافت على طول سكرت جامتها كانت مظللة
غرييييييب العادة هالأشكال بكل وقاحة وقواة ويه ما يخافون
زين طلع فيها ذرة احساس وخافت اشوف شيفتها :eh_s(3):
لا وأيام الخميس سيارات من السعودية وقطر :eh_s(3): كليتنا صارت معلم سياحي :eh_s(3):
بالله شكو شيايبهم !! معروف غرضهم حق شنو !
موقف رابع على نهاية الكورس اللي فات هم كنت طالعة بركب سيارتي
عند البوابة وحدة تتكلم بالتلفون اللي عند الحارس
وتقول ماقدر أطلع والله ماقدر فيه سيارة شرطة واقفة بره :nocommint:
يا مال الوجع ان شالله بكل وقاحة وصوت عالي بعد :rgewrg:
انقهرت وانبطت جبدي الكلية مكان دراسة .. مكان محترم مو مكان
عشان كل وحدة جليلة حيا وبايعتها ببيزة ولا عندها أخلاق
تستغل بعدها عن أهلها عشان تخربط وتلعب على كيفها
لهالسبب أأيد بقوة وعنف تكون فيه دوريات شرطة دايما على بوابات الكلية :icon30:
عالأقل شوي يكون لهم دور بردع هالأشكال
