الترجيع بموت منه

[lolab]

مرحبا بنات انا حامل بجر الاسبوع الي طاف سويت تحليل هرموني قالولي 5 اسابيع يعني الحين تقريبا 6 اسابيع بدش بالسابع بس من امس تقريبا والترجيع ذابحني احس روحي ابتطلع ماطلع شي تكرمون بس مر والحين تقريبا كل نص ساعه جنه معدتي بتطلع من مكانها ومايطلع شي شسوييي ابي شي اخفف الي اتعرف اتفيدنيي الله اوفقكم ويرزكم جميعا

 

[كويتيه مذهله 87]

حبيبتي شي طبيعي هذي النساه بس رووحي الطبيب قوليلهم ابي تحليل الاسيتون اذا مرتفع لازم درب خوفج يصير جفاف

وحيلج بالمااااااي

والله يتمم عليج

 

[lolab]

اهوه بده من امس وادري انه طبيعي الترحيع بس ماتوقع لي هالدرجه وموجنه تو الناس لانه انا صارلي 6 او 7 اسابيع

 

[كويتيه مذهله 87]

حبيبتي انا اختي قبل لا تدري انها حامل ترجع عادي ياقلبي يمكن نساتج قويه ان شالله بالثالث تخف

 

[الدلع عندي]

رد : الترجيع بموت منه

في حبوب لوعه بالصيدليه ب 600 فلس قولي حق اللوعه انشاءالله تخفف الترجيع الله يهون عليج يالغاليه

 

[قمورهـ]

رد : الترجيع بموت منه

لايكون الاسيتون مرتفع

جيكي عليه

والله يشافيييج

 

[خياليه ذوق]

رد : الترجيع بموت منه


عادي هذا الوحام

والله انا يوم كنت حامل كان ترجيع تلقائي وكنت ارجع سوائل المعده لان معدتي فاضيه

لدرجة وقفت قيدي بالكليه من الوحام على طول الاسيتون ظارب عندي وكنت مرات انام بالمستشفى لان الاسيتن يوصل ل4 وهذا خطر على

الجنين نصيحه روحي لايصيب الجنين جفاف يضيع من ايدينج كثري من الماي و سوائل

الله يسهل عليج وعلى كل الحوامل

 

[jawaa]

روحي لدكتورج حبيبتي في شغلات اذا خفتي منها او حسيتي انج موفاهمه ليش جذي روحي سالي دكتورج أنا حتى رقم دكتوري عندي ادق عليه اذا بغيت منه شي

 

[(أم نونو)]

رد : الترجيع بموت منه

عادي حبيبتي انا من كثر مارجعت قمت ارجع دم وصار في وجهي نقط صغار دم تحت الجلد مطشر روحي وسوي تحليل استون مثل ماقالواذا رتفع بيحطولج درب عشان الجفاف

 

[(أم نونو)]

رد : الترجيع بموت منه

نسيت لاقولج في حبوب للرجيع تاكلين حبه باليل تخفف الترجيع يعني تخليج ترجعين 4 مرات باليوم بس ما اذكر اسمهم

مبروك على الحمال وربي يتمم عليج

 

[De3La^85]

رد : الترجيع بموت منه

الله يعينج عاد الترجيع يذبح انا الحين بالاسبوع 17 ومستمر معاي الله يعينا ان شاءلله مأجوره

بس ديري بالج راجعي دكتورتج احتمال الاسيتون مرتفع مثل ما قالوا البنات وكثري شرب ماي

وعلشان تخف اللوعه اخذي حبوب توصفهم لج الدكتوره

وحاولي تاكلين اي شي خفيف على طول لا تخلين معدتج خاليه , اكلي نواشف توست محمش بسكوت مالح شربي زنجبيل دافي وووو حاولي تلاحظين اكلج مرات معدتج تكون حساسه من اكل معين وفي اكل حتى لو دسم عادي ما ترجعينه

بس اذا على قولتج ترجعين مر ماكو فايده لازم حبوب انا على الله وعليهم

والله يتمم عليج الحمل ويرزق كل محرومه يا رب

 

[جذابه بنت ذيابه]

رد : الترجيع بموت منه

روحي سوي تحليل الاستيون ..

وعليج بدوا الترجيع للحامل

 

[نـور الكويت]

عسى الله يتمم عليج ياقلبي

عادي النساة انا في حملي ( إجهاضي ) واحمت قبل لا أحلل ..

والحمدالله على كل حال البجر نساتها تكووون تعب اشوي في بصيدليه علج الوحام اسمه chooz حق اللوعه

والله كريم

 

[الجفول&]

رد : الترجيع بموت منه

هذا الوحام الله يعينج عليه
راجعي دكتوترتج خلتصرف لج حبوب اللوعه

 

[أم عبداللطيف]

الله يهون علي وعليج وعلى جميع الحوامل يارب

شوفي حبيبتي ذكرتيني باللي مضى الله ياجرنا ويعينا ما اقول الا الحمدالله على كل حال شئ اهون من شئ

نصيحه روحي للدكتورة وشرحي لها حالتج او روحي مستشفى الصباح الطوارئ ررررررروعه شويه ( صج اهانه ولوعه ونطره ومايدخلون ريال كانت امي الله يخليها لي تكون معاي) بس حق العلاج 100% عن تجربه انا عندي الاستون شغال وعلى طول ترجيييع وتعب وما اروح الا طوارئ الصباح على طول يشوفون يكرم السامع تحليل بول ويبين الاستون وعلى طول يحطولي درب ومره ثانهي احلل ودرب ثاني لما يشوفنج انج زينه يطلعونج وتحاليل وتطلعيين منهم احسن ووقف الترجيع وأحسن من تروحييين الخاص ياخذون علييج سعر الدبلات والحمدالله الحكومه توفره صاير لفلان وعلان والزلمات والهنود اهما اللي محتلييين كل شئ واحنا نقط من فلوسنه والحكومة احسن.

وطمنينا علييج وترا عادي لاتحاتييين هذي النساه ووسعي صدرج وتوكلي على الله الحمدالله ترجيع ودربات ولا نومه مستشفى وربط ووقعده الفراش هوني على نفسج وماجورة بأذن الله

 

[dana1986]

بعد قلبي
اي هذي حزة النساة ان شاء الله بس تدشين الاسبوع 12 ترتفع نساتج

اهم شي لاتاكلين شي في دهن او كريمه او اشياء ثقيله

سمعي كلامي
اكلي روب توست اسمر محمش تفاحة موزة العيش الابيض بدون دهن ليما ترتفع نساتج
واليدام اكليه مشوي بدون دهن راح تحسين انج ارتحتي ولاتقومين من الفراش على طول اول ماتقومين اكلي بسكوته

انا كنت نفسج نزلت 6 كيلو و كنت باليوم ارجع 8 مرات ماكو شي يدش بحلجي

 

[مدام فاشن]

حبيبتي مثل ماقالو البنات

لاتخلين روحج وانتي ترجعين شي مر موزين \

لانه هذا معناته الاسيتون مرتفع عندج وموزين على البيبي

لازم تروحين يحطون لج درب

ونصيحه مني الدكتور قالها لي قالي دايما تحسين معدتج تعصرج وتبين ترجعين بس ماكو شي

وهذا دليل انه المعده قاعده تطحن وتطحن بس ماكو شي تطحنه فتعورج وتحسين بترجعين

فشسوين اول ماتقعدين من النوم اخذيلج بسكوتين على الريج اكليهم وتمي ربع ساعه وبعدها قومي

وبتحسين معدتج ماتعورج ولاتعصر وبرتجعين

وكل ربع ساعه اكليلج شغله خفيفه لاتخلين معدتج فاضيه

وكله شي ناشف وحليج بالبسكوت الشابوره كورنفلكس ناشف

انا كنت نفس حالتج بالضبط ووايد تعبت

والله يعينج يارب ويتمم حاملج

 

[lolab]

مشكورين بنات ماقصرتو وانا العصر انشاله رايحه الطبيب

 

[أم شيــ@وخة]

رد : الترجيع بموت منه

انا مثل حالتج لي الشهر الرابع وخفت علي ويزاها الله خير مرت اخوي قالتلي عن علج للوحام اسمه choooz.وايد خفف علي وفي حبوب بس ماتسوي شي عاديه

 

[Bashayer]

انا نفس حالتج بنتي أموت من الترجيع وادخل المستشفى يومين
والحمدالله بعد الله د. فوزية القطان عطتني حبوب للترجيع واللوعه يسمونه دكاترته اللي عنده بالعياده السحريه صج سحريه
تريحج جم يوم بس اهي شوي سعره غالي ب 28.790دك واسمه onda
جربيه وادعيلي الله يتمم علي حملي ويقومني بسلامه