الترقية من الدرجة الرابعه الى الثالثه

[Princess^Mom]

السلام عليكم
بنات من تعرف الجامعيه من الدرجة الرابعه الى الثالثه تاخذها بعد جم سنة
انا سمعت ان الجامعيه بعد 4 سنين تاخذ درجة والدبلوم 5 سنين صح هالمعلومة او لا

 

[A9A9-Q8]

الي اعرفه ودارسته ان كلهم خمس سنين ..
5 علاوات بالاقدمية ياخذونها
مقدار كل وحده 10 وعقب تطلعين عالدرجة الي عقبها

 

[Q8ytya]

في فرق بين علاوة الدرجه والعلاوه السنويه اللي اهيه 10 دنانير كل سنه بالنسبة للجامعيين يعني كمثال انا بعد 4 سنين يزيد معاشي 40 دينار بعرف علاوة الدرجه وياها اللي اهيه الثالثه وجم بتكون

 

[ام الدرر]

حبوبة الشهادة والمسمى ماله شغل
كل درجة تقعدين فيها 5 سنوات الا اذا صار عندج ترشيح لدرجة بالاختيار بعد 3 سنين من دخولج الدرجه
تختصر لج سنتين وتحصلينها لما تحصلين اقل شي 3 تقارير امتياز ورا بعض
والزيادة من درجة للثانية ثابته للجميع
يتغير عندج البدلات فقط حسب مسماج وشهادتج ​

 

[مكتبي]

صح كلام اختي ام الدرر بس سمعت بالاختيار في بعض الوزارات تاخذها بعد سنتين حسب الوزاره اوالهيئه

 

[كشموووشه]

الزياده من الدرجه الرابعه للثالثه بعد استقطاع التامينات 27 دينار
الزياده من الدرجه الثالثه للثانيه بعد استقطاع التامينات هم 27 دينار
الزياده من الدرجه الثانيه للاولى 80 بس ماادري اذا هالزياده قبل او بعد استقطاع التامينات
الدرجه تاخذينها كل 5 سنوات بالادميه
اما بالاختيار يمكن تحوشج مره او مرتين على حسب الوزاره وتكون بعد 3 سنوات
العلاوه السنويه 10 دنانير للجامعي مااعرف الباجي
طبعا هالحجي كله قبل لايقرون الزياده 25% فماادري اذا راح يتغير شي ولا لا
والله كريم ....​

 

[كشموووشه]

صح كلام اختي ام الدرر بس سمعت بالاختيار في بعض الوزارات تاخذها بعد سنتين حسب الوزاره اوالهيئه

عدل كلامج :eh_s(15):​

 

[كشموووشه]

ادري يمكن صدمه لكم زيادة الدرجات بس هذا الواقع والحمدلله ​

 

[مكتبي]

يعني كلامي صحيح يا ربي تجيني درجه بالاختيار دعواتكم