التسجيل لحملة حوامل جميلات حياكم الله كروشات

[غارقة بأحزانها]

السلام عليكم ورحمة الله وبركاته


وياكم اخيتكم غارقه باحزانها

طبعا انا حامل وحاليا انا بالاسبوع السادس وهذا مواول حمل لي
فعارفه الكوارث اللي راح تصير بالجسم

انا كان وزني 100 كيلو من قبل فترة بس الحمدلله وبفضل بنات قروبي اللي ماانساه اهني بالمنتدى
نزلت لي 81 بفترة 6 شهور

والحمدلله حملت شهر 9 ووزني بلش يزيد صار عندي شراهه بالاكل

فحبيت اني افتح تجمع جديد للحوامل اللي مثلي ويعانون من وزن زايد وحابين ينظمون اوزانهم ويسيطرون عليها
عن نفسي ابي انزل وزني وسألت دكتوري واهو موافق بشرط اني اكل اكل صحي
فاختصرت الطريج واشتركت بالدايت كير ريوق وغدا وعشا مع سناكين سلطة وشوربه وحلو

والدكتور هم بعد عطاني ريجيم للحوامل من عنده غير الموجودين بالمنتدى تقدرون تختارون اي واحد
وانا لاني امل بسرعه واحب الاكل اشتركت مع هالشركة لان اكلهم لذيذ وصحي ومن غير دسم


طبعا راح يبدون معاي توصيل الوجبات من تاريخ 17/10/2012
وانا مم امس بديت تخفيف

والله يوفقنا

هدفي من هالتجمع اني اتشجع واشجع تلحوامل اللي اوزانهم زابدة
ونحمس بعض واذا تحبون ان الموضوع يتعدى سوالف الريجيم الى سوالف تبادل خبرات مثل كريمات وعنايه
وفيتامينات واي معلومه مفيدة تخص الحامل

وراح نبدي التسجيل لمدة اسبوع من اليوم وبعدها نفتح تجمع ( حوامل جميلات ) يوم 17 ان شاء الله


حياااااكم الله

 

[غارقة بأحزانها]

طبعا بنات نسيت اذكر ان وزني الحين
صار ٨٧ للاسف

وانا باول الحمل خلصت اول شهر الحمدلله
وعمري راح يصير ٢٧ بتاريخ ٢٣/١٠/٢٠١٢
تذكروا عشان تحتفلون فيني 

وهذا ثالث حمل لي
عندي والدي ٥ سنوات ونص
وبنتي ماكملت ٤ سنوات

ابيكم تذكرون لي هالمعلومات اوزانكم وطولكم وباي شهر انتو واذا هذا اول حمل او لا
واللي تعاني اسم الله علينا وعليكم من مشاكل صحيه بالحمل

انا الحمدلله مااعاني من ضغط او سكر بس اخذ دوفاستون لان حملي هالفترة موثابت الله يثبته يارب
حيل خايفه عليه 

 

[fatma A]

وناسه الله يوفقكم انشالله ويسهل ولادتكم

 

[fatma A]

غارقه باحزانها اسمحي لي اقولج هالمعلومه

عندي معلومه حق الحامل انه اذا تبي تمشى برجيم السعرات الحراريه بس تزيد 500 سعره حراريه زياده على سعرات الحراريه الي تاكلها يعني مثلا تاكلين 1500 تزيدين 500 زياده بس علشان ما يزيد وزنج بالحمل وادعو لي اني اتزوج هالسنه انشالله

 

[غارقة بأحزانها]

حبيبتي فطومة شاكرتلج مرورج الحلو
يالله يارب يرزقج الزوج الصالح اللي يسعدج
ومشكورة عالمعلومة عاد انا سامعه ان نزيد ٣٠٠ كالوري مو ٥٠٠
سامعه المعلومة من دكتورة مقابلينها كانو بتلفزيون دبي اتوقع

وانا دكتوري يقولي اهم شي نوخر عن الدهون لان اادهون تتخزن بجسم الحامل
اما النشويات والسكريات تنحرق بسرعه

انا باشتراكي بالدايت كير حققت الجزء الاول اني اكل zero دهون اما سالفه السكريات والنشويات بسرعه تحترق
فانا اشك بهالشي وبخفف والدايت كير بيعطوني ١٢٠٠ كالوري
وانا راح اخذ من عندي لبن او روب حصتين باليوم اكون بجذي زدت ال ٣٠٠ كالوري اللي احتاجهم بالحمل + الفيتامينات

كل شي راح يكون تمام ان شاء الله

 

[fatma A]

عارقه باحزانها الله يوفقج انشالله ويسهل حملج انشالله وتشوفين ولدج بحضنج امين وتفرحين فيه معرس

وراح اكون متابعه لكم انشالله علشان استفيد بالمستقبل

 

[fatma A]

عارقه= غارقه سوري بدليه

 

[غارقة بأحزانها]

حبيبتي فطومة حياج الله حبيبتي

 

[غارقة بأحزانها]

وينكم بنات محد يبي يسجل معاي 