التسليه بالخيانه

[ميمي333]

قوا بنات حياكم الله ربي يسعد اوقاتكم صراحه يابنات انا شايفه ظاهره هلايام ببعض البنات المتزجات ببرنامج الهوز هير بالايفون وهو انه يتكلمون ويا الشباب وبحجة انه وقت الفراغ يسلو انفسهم صراحه انصدمت من كم وحده معنا بالدوام تكلم واذا رحت جمعا ولاشي القا نفس الكلام وحده معنا بالداوام هاوشتها قلتها عيب يافلانه قالت الولد مودب وخفيف دم واكلمه وقت الفراغ قلتها زين الكلام يجر بعضه قالت لاعادي وقلت البنات تجذي الحين الوحده لوتشوف البرنامج عند زوجها تطلعت عيونها وهي ولو زوجها يشوف والله ان يخرب بيتها وتبدا مرحلة الشك وتنهي حياتها امانه مو ماتعتبر خيانه يابنات والا انا مبالغه

 

[كربون امها]

حلوه تسليه بوقت الفراغ بدل لا يقضون اوقاتهم وفراغهم بطاعة الله لا حول
ولا قوه الا بالله0 وفي وايد حريم الله يسلمج انتقاما للزوج مثل مايسوي ويكلم
انا ادش واكلم لوتفكرشوي ان هذي موبس خيانه حرام و لو درى فيها ريلهااحتمال مايخليها على ذمته دقيقه وحده واتكون اهي الخاسر الاكبرذيك الساعه ماينفعها لا العاب ولا تسليه

 

[Red Al Rainbow]

آستغفر آلله !!
مآ آدري هآلبنآت كيف يفكروون !!

 

[beenoo]

الله يهديهم انا اعرف بنات وايد وعادي عندهم وجنه العيد على قولتهم تسليه !!

 

[ya al3rosa]

اشلون مو خيانة اكيد خيانة لو ريلها درا عادى ولا لا يعنى اتسوى هالشى من وراة يعنى خيانة ونص اللَة يهديها

 

[' جـويـريـہ ..❤]

راح تشوف عاقبة هالشي بيوم من الايام ..

الله يمهل و لا يهمل !!

 

[Patcholli]

للاسف هاذي مصيبة العصر (( المتزوجه اللي تكلم ))
هالشغله حيل منتشره بشكل مو طبيعي ..!!
بس الواحد شيقول ..؟؟ نهاية الزمان .. الزنا والخيانه يصير شي منتشر وعادي بين الناس ..

 

[Beyoncee]

الله يقويج
اكيد خيانه
فيها دردشه وخفة دم عندها ريلها
وحتى اللى مو متزوجات البنات ما له داعى اكلم واحد عشان التسليه
الله بيحاسبنا على الوقت بشنو ضيعناه

 

[دلوعة صلوح]

لا حول ولا قوة الا بالله خوووش عذر وقت فراغ وين قاعدين عيل ان خانها زوجها لا تكلمة

حالة من حالها عندة وقت فراغ وبيكلم البنات.. الله يعين بس.

 

[ام كوثر2007]

حبيبتي هذى ما يبيلها كلام

ما يبيلها نسال اذا كانت خيانه والا تقزيره وقت فراغ علي قولتهم

هذى يسمونها قله حيااا وعدم تربيه وماكو ريااااااااال وراها يوقفها عند حدها


طاح حظهم الحين هذا الاسلوب اللى يقزرون وقت فراغهم فيه؟


ضاقت فيهم الوسيعه وقامو يتكلمون مع شباب ؟


شوفي يمكن انا ابلع سالفه بنت تكلم اقول يمكن ادور ريل ولو اني اشوفها بعد غلط بس ابلعها

لكن متزوجه وعلي ذمه رياااال وتكلم


هذى مو كفوو اصلا تعيش دقيقه وحده في هالدنيا

عسى ريلها يطيح عليها ان شاء الله لانها صج مو كفو نعمه ومو كفو استقرار

 

[ElN00R]

مادري بنات انا عادي مع هالشي اذا كل واحد عارف حدوده وعنده استعداد يكون صداقه مع الجنس الاخر مو مشكلة
اكيد كل وحده تعرف مصلحتها وماتبي تخسر ريلها ف كل شي بحدود
المتزوجات يكلمون اهون وايد عندي من متزوج ويكلم لان الرياييل يخورونها حبتين

 

[sosowaty]

مع ام كوثر

 

[انثى عاشقة]

طبعا خيانة وحرام وعيب وكل ابو شي
الله يهديهم

 

[Qataria elegant]

انا اتصور ان الخيانة ما تكون من طرف واحد , والبنت اللي عادي عندها هالامور شي طبيعي ان زوجها نفس الشي يكلم من وراها , وكما تدين تدان بس بعض الرياييل يستاهلون ليش يخونون هم اللي اجبروا زوجاتهم على هالتصرف...
بس اللي احب ابينه ان الواحد ما يحل موضوع الخيانة بخيانة ثانيه الله لا يبتلينا,,
وللاسف مجتمنعا هالفتره انتشرت فيه الخيانه بشكل كبير..

وتقبلوا مروري

 

[أدب عربي]

اكيد مايجوز حرام وعيب

 

[سفيره الكويت]

زوجات اخر زمن ضيفي اهلج واتساب وسولفو ليش شباب يعني ولا ماتبرد دودتج الا اذا خنتي ريلج مشكلتنا الريال مو فاضي لمرته

لو كل وحده صادها وكفخها وعرفت انه الله حق وخذت لها جم طراق واذا زعلت وراحت بيت ريلها بطقاق اهم شي شرفه وعرضه

 

[حبي غالي]

عدل كلامج أم كوثر صح 100%100 ،؛ وايد نشوف جذي ،؛ مايستحون مايخافون الله وبعدين لمن ريلها يسويها فيها نفس الحركة تروح تركض حق أهلها و إتبجبج وتتزعل ،؛ يبا زعل بويعل ،؛ والله حالة وفي رياييل مايغارون على حريمهم ولا يجيك عليها الحمدالله والشكر جنه مو ريلها سليييييحط ؟! من زمان أنا منبطة جبدي على هالموضوع بس أشوا يه بوقته الله يعطيج العافية ياصاحبة الموضوع والله يوفقج،؛.....​

 

[صادقة بكلمتي]

[QUOTE=' جـويـريـہ ..❤;28979626]راح تشوف عاقبة هالشي بيوم من الايام ..

الله يمهل و لا يهمل !![/QUOTE]
معاهااااا:eh_s(15):
الله يهديهم البنات اللي جذي والله يجزاج خير حبيبت اللي تنصحينهم الزواج الله قال عنه ميثاااااااااااااق غليظ واهم يقولون تسليه على زوجي بوقت الفراغ لا حول ولا قوة الا بالله الله يهديهم:yaaaaaarb: ويستر على جميع بنات المسلمين

 

[سفيره الكويت]

الله يهديهم

 

[Sweetq8]

حيييل منتشر اعرف وحده متزوجه و اتكلم و زووجها ذذذذهبه

لو بيده شلع عيونه عشان رضاها

حيل مقهووره عليه و اكررها ماتستاهل النعمه الي هي فيها