التسوق من الانترنت

[Stilla]

اهلين بنات
من فيكم سمعت عن اشخاص او مراكز او وسطاء اقدر اتعامل معهم لما اشتري من النت ؟
يعني انا اختار الي ابي و هم يتكفلون بكل شييييي و نتحاسب لما يوصلون لي الطلب للبيت؟؟
اشوف هالشي بكل دول الخليج ماعدا الكويت مدري ليش

و مشكورررين :tek:​

 

[عبق البنفسج]

عندج مركز سلطان عندهم نفس الشغلة ..

بس أختي في شغلة يديدة ليش ماتفتحيلج صندوق بأرامكس وتاخذين كرت موجود بالبنوك مثل الفيزا بس يكون حق مشتروات الانترنت وكل مرة تعبينه بالمبلغ الي تبينه من البنك ..

 

[Stilla]

هلا اختي عبق مشكورة على اهتمامج و ردج
بس وضعي ما يسمح لي بكل هذا للاسف , طلعاتي محدودة و مو كل شي بالكيف
قلت لو في احد يوتلى هالشغلة من اولها لاخرها و انا ادفع له واحاسبه على تعبه بتصير اسهل لي
عموما بحاول اسأل بمركز سلطان
الله يوفقج ماقصرتي

 

[أحلى الجياكر]

اراميكس تروحين لهم مرة وحدة بس ..لما تفتحين صندوق و بعدين اهم يوصلون لج للبيت .
البنك ..هم نوبة حق فتح الحساب و البطاقة ..و الباجى كله سويه أون لاين ...من الانترنت يعنى .

السالفة ما فيها روحات و جيات أختى

 

[أم ضارى]

بالعكس ارامكس احسنلج مليون مره

الشخص الوسيط بينج وبينه تلفونات وكل طلبيه يوصلها بفلوس

ومركز سلطان كل طلبيه لازم تروحيله

بس ارامكس اهيه كلها مره وحده بتروحيله وبعدها اى موقع تدخلينه بتحطين العنوان اللى عطوج اياه واهمه يوصلونلج الطلبيه لى مكانج وتدفعين الشحن ... وممكن اتعرفين سعر الشحن لطلبيتج من موقعهم بالنت بعد

 

[عنايد]

للرفع

 

[تعبتني طيبتي]

بيت التمويل .. يسوي هالبطاقه اللي تتكلمون عنها ..

ودي أشتري من أمازون ..؟؟
حيل بخاطري

شغلات عجيبه ..

وأسعاره زينه ..


ومرات رخيصه بعد بس مو عارفه شلون أشتري ..

 

[عبق البنفسج]

عيل سوي طريقة أحلى الجياكر
لأني أنا صايرلي فترة مفكرة أسويها بس مافضيت

فتحيلج صندوق بأرامكس وطلعيلج بطاقة انترنت من البنك وعبيها مبلغ بسيط من 50 لي 100 أو حسب ماتبين واشتري أي شي تبينه من الانترنت ..

أنا قبل فترة شفت هدوم يهال حق البيت بكويتيات مول وعجبوني حق بناتي بس أسعارهم وايد غالية وماتسوى حق البيت هالسعر تقريباً كان 25 دينار فقلت خل أدش موقع أمازون .. والله ماأقص عليج لقيت نفس الشغلة بالضبط بـــ 12 دولا .. يعني تقريباً 4 دنانير أو أقل

 

[أميرة الحزن:)]

مااعرف بهالشغلات اسفه مااقدر اساعدج بشي