التشريبه ....مالنا غناة عنها... حياكم

[jolie_q8]

السلام عليكم

طبعا ما بقى شي على رمضان..واحنا الكويتين ... نعتبر التشريبه طبق مهم على

السفره حتى لو محد اكلها

وطبعا التشريبه انواع..في ناس يشربون برقاق كويتي-في ناس بخبز خباز

وناس يحبون تشريبه الباميه وناس يفضلون القرع والبطاط ..وناس كل انواع الخضرا

المهم..ماراح اطول عليكم السالفه

انا توهقت...لان كل سنه اتفطر مع حمولتي

وهالمره..بنتفطر بالبيت...فكلشي بويهي

عموما... ودي كل وحده ادش تقولي طريقه امرقتها بالتفصيل...وشنو انطع شي حق

التشريب...


وسلامتكم....

اختكم المتوهقه / جولي

 

[نفيشه]

مشاركة: التشريبه ....مالنا غناة عنها... حياكم

صدقتي جولي التشريبة مرتبطة برمضان
انا اسوي تشريبة لحم بخبز رقاق العادي بس اترسها بامية واخليها ثقيلة شوي وطبعا مع قرع وبطاط ولومي اسود وفص ثوم على عداله احطه وعلب فلفل

 

[امون حبيبة زوجها]

مشاركة: التشريبه ....مالنا غناة عنها... حياكم

لحظه بسالج امي

 

[jolie_q8]

مشاركة: التشريبه ....مالنا غناة عنها... حياكم

نفيشه

تسلمين نفيشه ما قصرتي..بس ودي اتعلم المرقه المضبوطه

حق التشريب...


امون

ناطرينج

 

[امون حبيبة زوجها]

مشاركة: التشريبه ....مالنا غناة عنها... حياكم

تقول امي

اول شي نحمس ثوم وبصل لما يصير اشقر
بعدين نظيفله طماط مقصص صغار وفلفل بارد مقصص ونحمسه
ونظيف معاه هيل ودراسن اعود وتحطين بهاراتج
بعدين عاد الحم تظيفينه علي وقلبي قلبي ليمه يطلع ماي اللحم
بعدين تكتين عليه ماي واااااجد ليمن يطبخ لما تحسن اللحم استوا الا شوي تكتين معجون طماط كااامل
بعدين تحطن البطاط والكوسه واللومي وفلفل علوب عدل لاتقصينه

بعدين لما تحسين انه البطاط وكل شي نضى واستواا تهدين النااار وحطي القرع بعدين فرمي شوية كزبره وبقدونس من غير لاتحوسنه وغطيها وخليها على نار هااديه ليما تحسين انه القرع استوا

بعدين عاد صبي على خبز الرقاق

والله والله والله ياليزا لما نطرشها برمظان مايبقى احد من جيرانه مايسالنه كلهم يقولون حق امي مانبي الا تشريبتكم مع انه انطرشلهم كل شي بس مايبون الا تشريبتنا وانا لازم لي بايركس صغير برووووحي محد معاي

 

[jolie_q8]

مشاركة: التشريبه ....مالنا غناة عنها... حياكم

امون حبيبة؟؟؟؟

بعد قلبي...عسى ما اعدمكم لا انتي ولا امج (راس المال)

تسلمين يا قلبي على الوصفه

وترى انا جولي مو ليزا

 

[نفيشه]

مشاركة: التشريبه ....مالنا غناة عنها... حياكم

جولي
انا تشريبتي مثل طريقة ام امون بالضبط بس انا احط بامية ساعات واحط فص ثوم كبير بالمرقة مو مقشر

 

[jolie_q8]

مشاركة: التشريبه ....مالنا غناة عنها... حياكم

مشكوره نفيشه

 

[أغلى حبيبه]

مشاركة: التشريبه ....مالنا غناة عنها... حياكم

انا احب بالتشريبه البطاط والجزر وساعات احط لوبيا

وليمون اسود و ثوم

وبالرقاق احلى من خبز الايراني

 

[jolie_q8]

مشاركة: التشريبه ....مالنا غناة عنها... حياكم

أغلى حبيبه

تسلمين يا قلبي...

احنا (بيت اهلي) يسون مرقه اللحم مع بطاط وقرع وبعض المرات كوسا... ونشربها بالرقاق

بيت اهل زوجي.... يحطون بطاط وقرع ونخي..وطبعا رقاق

وبعض المرات باميه...بس مرقتهم حيل خفيفه وفاتحه

 

[نفنوف كشكش]

مشاركة: التشريبه ....مالنا غناة عنها... حياكم

اسئلج الماما تكرم عينك

 

[نفيشه]

مشاركة: التشريبه ....مالنا غناة عنها... حياكم

كشكش وامون تبون اكفخكم الحين؟؟؟
اسال الماما واسال الماما
اخاف اروح اسال الماما تقول لي شفيج تستعبطين يمه؟؟؟
للحين ماتعرفين التشريبة شلووووووووووون؟؟؟
ماتسوى علي هالسؤال

الله يخلي لكم الماما ويخلي لنا الماما

 

[jolie_q8]

مشاركة: التشريبه ....مالنا غناة عنها... حياكم

نفنوف كشكش

ناطرتج

نفيشه

الله يخليلكم الماما انشالله

ياليت انا عندي (ماما) جان سألتها

 

[لازانيا]

مشاركة: التشريبه ....مالنا غناة عنها... حياكم

جولي حبيبتي انا طريقتي تختلف شوييييه بس

شوفي المرق احطله قرع وكوسا اهم شي واي نوع من الخضار, والخبز استعمل نوع يابس هو رقاق (بالسغوديه نسميه قرصان) نشيل منه الحواف لانها يابسه
ونشرب الخبز على دفعات في قدر او بايركس ونحط على الوجه حشو باللومي الاسود واخر شي نحط اللحم من فوق (ملاحظه يكون الخبز مغرق بالمرق مو شوي) ونقصر عليه لمدة ربع ساعه او 10 وبس يتقدم على طول ... هذا اذا كان الخبز يابس ..
واذا هش لا نسويه من غير ما نقصر عليه على طول يتقدم

 

[jolie_q8]

مشاركة: التشريبه ....مالنا غناة عنها... حياكم

لازانيا

مشكوره يا قلبي..ابوي يحب القرصان السعودي..وانا بعد

بس اهمه يقصصون الخضره صغيره وجنه ما يحطون (ايدام) يعني لحم او دجاج !! صح ؟

 

[نفيشه]

مشاركة: التشريبه ....مالنا غناة عنها... حياكم

جولي
الله يرحمها انشالله واي شي تامرين فيه حاظرين

 

[jolie_q8]

مشاركة: التشريبه ....مالنا غناة عنها... حياكم

نفيشه

لا خلا ولا عدم..يا عمري

ما تقصرين

 

[مطفوقه^ملقوفه]

مشاركة: التشريبه ....مالنا غناة عنها... حياكم

أحنا نفس امون بس نحط لومي وما نحط فلفل علوب والسلام ختام

 

[نفنوف كشكش]

مشاركة: التشريبه ....مالنا غناة عنها... حياكم

خخخخخخخخخخ نفوووووش ليه الاحراج ماعرف اسوي هالسوالف كبيره علي

وفي سلمج الله الطريقه شتقول :
تحمسين بصل وثوم وطماط واشبنت وكزبره خظرا وبقدونس واذا تبين حطي بربير مع بهارات كزبره ناشفه فلفل اسود بهارات امشكله بس لاتحطين ملح عشان اللحم مايصير يابس بعدين حطاي اللحم طبعن ايكون ني وحمسيه لين اتحسينه خذا طعم الحمسه بعدين صبي عليه ماي مع معجون طماط ممكن اذا تبين اتقطيلج فيه 1-2 لومي اسود وخلي يطبخ نص سوا بعدين قطي عليه الخظره ( قرع ,بطاط,بيديان, واذا تبين لوبيا بس اشويه وهم اذا تبين كوسا وجزر.... الخظار لاتقطعينها اصغار وفلفل علوب اذا تبين ) وحطي ملح
بعدين اتيبين ماعون التشريب اتحطين فيه خبز رقاق وتشربينه بالمرقه وفوق حطي اللحم والخظره ودخليه اشوويه الفرن جذيه بو 5 دقايق

اييييييه نسيت الحشوو: بصل ني مفروم مع لومي مطحون وكركم وهيل وشويت ملح تفركينهم بالبصل واتحطينه ................ وعليكم بالعافيه

 

[امون حبيبة زوجها]

مشاركة: التشريبه ....مالنا غناة عنها... حياكم

وي وي جولي اسفه دايم اخربط بينج وبين ليزا مادري ليش
والعفو ياقلبي ومشكوره على الدعاء ماسوينه شي