التشققات والميزوثيرابي

[((الجوري))]

السلام عليكم ..


بنات بغيت اسألكم لاني صج محتاره وخايفه اناا فيني تشققات من الحمل ولونها بني ولمن رحت قالتي الدكتوره لازم تسوين ميزوثيرابي ونعطيج بنج قبلهاا بس خايفه له اثار جانبيه او يأثر على الرحم فبسأل منو جربته وحملت عقبهاا وقالتلي يبيلج ثلاث جلسات بدار الشفا عند الدكتوره هدى مصطفى ؟

ساعدوني عفيه

 

[((الجوري))]

اشدعوه بنات ولا رد يعني انا كاتبه موضوع وطالبه مساعدتكم لاني صج محتاره اخر شي ولا اي مساعده

):

 

[مدرسة مستقبلا]

هلا حبيتي انا جربت الميزوثرابي
عند بو حمرررة
وصدقيني مالها مالها علااااج
كان كل اسبوع جلسه والجلسة في ٦٢ دينار
عوار ما بعدة عوار
كانت الخطوط اللي فيني حمرة يعني بعدة طااازج لان البني يجي من بعد الاحمر وشوي شوي ياحول ابيض
المهم اتخيلي مكان التشققات طفح الجلد وصار شكله مشوووة مع العلم
اني استمريت معاهم كل اسبوع لمدة اربع شهووور
كل مرة على أمل لين امي لمن راويتها اللي فيني عصصصبت
وراحت معاي العيادة قالولي شو بنعمل النتيجة تتأخر بس اخذ الفلوس على الفاضي
رحت عند طيبة كلينك وحدة الله يجازيها خير قالت لي
الابر ما تشيل الخطوط وكله جذب
الكريمات خليج عليهاا بس ابمدة حدددهاااا طويله
يا معووودة خلاص نرضى بالواقع وهذي سنة الحياة
واتمنى انج استفدتي نصيحة لا تسوووين لان المنظر راح يصير العن من قبل

 

[EleGanZa]

ماعندي فكره وانا نفسج اعاني من هالخطوط

وشكله مالنا الا الكريمات يمكن تخففها بنسبه ٧٠ بالميه

 

[Om_Ksha]

امبي اشوه قلتولي ..

لانه هم الدكتوره قلت احتاج ميزوثيربي

 

[سلمى المزيونة]

بطيبه قالي دكتور التجميل مالها علاج غير الكريمات تخففها بس ما ادري تنفع مع الخطوط البيضاء القديمة او لا

 

[!! D m i r a a !!]

والله ماعندي علم



بس في عضوه اسمها a.n.l ..


كانت مستخدمه المساج السحري + خلطه من التاجره ماي ورد



وتبارك الرحمن الله يتمم عليها ان شاء الله




النتيجه حيل حلوه .. طبعا ً اهي مصوره كذا مرحله من استخدامها للمساج والخلطه



شوفي موضوعها وان شاء الله توصلين لنتيجه مرضيه

 

[prettysoul]

عزيزتي
دام الخطوط حمرا أو بنية
بس استخدمي كريم مرطب بزبدة الكاكاو
لأن زوجة اخوي كدا وسوت وراحت الخطوط ماشاء الله
اما الخطوط البيضاء أتذكر طبيب في الأردن قال لي ماتروح إلا بليزر
وماجربته بصراحة
لكن عندي وصفة طبيعية رح جربها إن شاء الله مدتها 15 يوم
وبكتب موضوع إن فادتني إن شاء الله

 

[^نوونه^]

اب اب

 

[اسماء المنور]

هذا علاجه الوحيد...
والعياده بدبي
http://www.youtube.com/watch?v=szMsa_pasGA&feature=related

 

[((الجوري))]

رفع بنات فيدوناا

نبي احسن ياعياده حق تشققات البطن ؟؟

 

[ام رينـاد]

أب أب

 

[((الجوري))]

رفع

 

[al-musk]

مدام لونهم بني فخلج عالكريمات احسن .. رفيجتي من زمان من 5 سنين يمكن سوتهم وبره الكويت بس مافادها حيل بس مادري اذا تطورو الين ولا لا

 

[((الجوري))]

مشكوره حبيبتي على الرد

رفع