التغذية الراجعه..

[nero]

السلام عليكم
حبايبي معلمات الرياض...
نبي نجمع افكارنا للتغذية الراجعه.. احنا مطالبين فيها والافكار محدوده.. يا ريت لو كل وحده عندها فكره تحطها عشان الكل يفيد ويستفيد

 

[nero]

انا ببدا...

ممكن من خلال اليرارات البلاستيك الشفافه تحطين داخلها اسئلة وتكونين مرقمه اليرارات والطفل يختار الرقم ويجاوب على السؤال

ايضا من خلال لعبة الكراسي تكونين حاطه تحت 4 كراسي اسئلة والي يقعد على الكرسي يجاوب

عندج مسرح العرايس ودمية او شخصية تسأل الاطفال ماذا تعلمتو اليوم؟



يالله نبي نشوف المشاركات

 

[abla_momaiza]

ممكن عن طريق اغنيه فوز فيها تختارين طفلين وبالوسط جرس تطرحين سؤال واللي يضغط على الجرس يجاوبج وله هديه :eh_s(9):

 

[دنياك دنياي]

ظرف يكون فيه السؤال وتقولين حق الاطفال نامو نامو يا حلوين راح يغطون عيونهم وتحطين الظرف ورا واحد منهم والي يطلع وراه الظرف تقرين له السؤال ويجاوب

عرفتي سجادة الجيوب الي تكون من جلد وفيها جيوب تقدرين تحطين في الجيوب اوراق ملونه وكل لون في سؤوال وتطلعين الطفل وتقوليله اي لون تختار واذا اختار تطلعين له السؤوال الي موجود خلف اللون

 

[nero]

شكرا على مشاركاتكم ابله مميزه ودنياك دنياي

 

[قايد الغزلان]

ابله مميزه وين اقدر احصل الجرس ؟

 

[fatmasm]

فيه الغميضة وايد حلوة ويستانسون عليها الأطفال مع المموسيقى ينتشرون الأطفال واللي تصيدينه تسألينه


وفيه بعد طريقة يعني طفل غايب وعشان يتعلم مافاته نستخدم ملف لحفظ صور الحلقة

 

[nero]

fatmasm
وايد حلوه افكارج خصوصا الغميضة انشالله الحلقة اليايه بسويها

 

[دنياك دنياي]

بعد نبي افكاااااااااااااار

 

[nero]

اي والله يا ريت كل الي يدخلوون ويقروون يحطون افكارهم

 

[معلمة العاصمة]

مرحبا حبايبى اشلونكم انا شريت من دايسو يم هوم أر اس لعبة القرعة وايد حلوة وبنص دينار يا بلاش تحطين فيها اسماء الاطفال وتسألينهم عن اى شى اخذتوه

 

[دنياك دنياي]

فكره وايد حلــوه

 

[nero]

معلمة العاصمة فكرتج حلوه وايد
شكبرها اللعبه؟؟ اقدر احط فيها الكلمه بعد

 

[لوميه]

هذه فكره من افكاري ...

لوووووووول وحقوق الطبع محفوظه

عندج بيض ملوت الكاكاو اييج ملون

حطي الاسئله فيهم يعني 3 اسئله ب 3 بيضات كل وحده لون

و ييبي 3 كراسي لصقي عليهم الوان البيض وخلي اليهال بالمسابقه يلعبون لعبة الكراسي واللي يقعد على الكرسي حسب اللون اللي تحته يبطل البيضه الملونه نفس اللون و يجاوب على السؤال بعد ما تقرينه له


هاااااااااااااااااا شرايج اهي حركه واهي تغذيه راجعه

 

[ياسمينا]

انا مسويه لعيالي لعبة النرد وعليها ارقام واللي يطلع رقمه حسب جلوسهم اسأله شنو درسنا ماهي كلمه اليوم؟؟ عدد المواصلات البريه مثلا جذي يعني
وعندي لعبة الاظرف الملونه اوزعها بالاركان مع الموسيقى يحضرونها وداخلها يا صور يا كلمات وهيك
في لعبة حظك نصيبك ياولد لما يكون مالي خلق احط صندوقي وداخله اوراق اسئله
وسلامتكم ادعولي الله يشفي عيالي ويهديلي زوجي يارب ياكريم

 

[nero]

يا قلبي لوميه بروح اخم البيض الي بالفرع كله
شكرن جزيلن

 

[1.2.3]

انا سويت مرة حق عيالي حطيتلهم هتفون صغير وقتلهم منو في غايب يقولون (فلان) اقولهم اشرايكم ان نسجله على شريط ونعطيه الشريط باجر ليما يداوم والكل يقول معلومة عن اللي اخذوه

 

[nero]

ياسمينا
مشكوره افكارج تونس خصوصن سالفت اذا مالج خلق "خو كله مالنا خلق خو"
الله يشفي عيالج ويهدي ريلج ويسخره لج

 

[روشنه]

موطبيعية فكرة الغميضة الاطفال شذى يعشون جو

 

[PINK CHEEKS]

عندي بعد فكرة الكرتون اللي تقصينه و تصبغينه لون أسود وتفتحينة من ورى كأنه تلفزيون وأنت مذيعة تسالين الأطفال عن اللى خذوه اليوم *وفكرة ثانية توزعين تلفونات نقالة من أبو اميه وتسوين انك تدقين على الاطفال وتسألينهم عن درس اليوم