التفرقه بكل شي بيني وبين اختي اللي اصغرمني !

[ليمونة كويتية]

السلام عليكم ورحمة الله وبركاته:eh_s(8):
والله اني ترددت كثير علشان اكتب هالموضوع لاني تعودت اني اكتم غصتي بداخل صدري واسكت
سالفتي !:eh_s(10):
امي الله يهداها من وحنا صغارانا واختي اللي اصغرمني بسنتين اخرسنة تربية اساسيه
تفرق بالغلا:eh_s(22):
دايم اختي الاولويه لها بكل شي كنت ابجي وانا صغيره واستحي اقول السبب:eh_s(11): ومع مرالسنين وكبرنا نصيبي ادخل معهدتطبيقي وخلصت وهي دخلت كلية لكن قبل لادخل المعهد كل مانتناقش بموضوع ورايها يخالف رايي واختلف معاها تحاول انها تمشي رايها علي ولما تستفزني اعصب واسكت واخرتها تقوللي انتي تغارين مني اصلن ! كبرت عقلي وسكت عنها لكن امي تفزعلها بكل شي كللللل شششششي :0bee2e8d89:
ولما انخطب خطبة حريم كل مره تتكلم بصفة الجمع الخطبه لهاهم كبرت عقلي وعديتهاولما تصير مناسبه مفاجئه اترجاها استعيرمنهاشغله مثل طقم اكسسواراو صندل مناسب مع البدلة وانتوا بكرامه بس اطلبهاتخزني وتقول اسفه وبس تطلب مني تلقائي اقولها افتحي كبتي واخذي اللي تبين قلت يمكن تتغير
وتصير مناسبه مثل العيد افصل واشتري كل شي مطقمته واخلص قبل رمضان وطبعا اقيس بغرفتي وانا على نياتي الصدمة الاقيها مشترية نفس اغراضي مثل نظام لبسي وجنطتي وفكرة كشختي للعيد والطااااامة الكبرى انها تصدمني لابستهم جدام الناس بجمعة عايلتنا قبل لايجي العيد
داااااااايم تعودت عليها تصرق افكاري وتطبقهم قمت انقد على نفسي والسبب اقضي حوايجي بالخش والدس صارفيني طبع النحاسه والسبه منها
وبالاخير تفرراس امي علي تحرش امي علي دايم
امي حرمة كبيره على نياتها بس عرفت تشحن امي علي دايم ولما اواجهها تحط السالفه علي وتخليني انا نقالة الحجي واقلب كلامي
بين سريري وسريرها نص متر بس مارتاحلها
انا اللي علي مطنشتها لكن شخصيتهاقووويه حيل وتتقن الادوار مومرتاحه بعيشتي والسبب هي
ابي نصيحتكم لي لكن الله يخليكم لاتقولولي كلميها لانها مستحيل تسمح لاحدانه يطلعها غلطانه وانا تعبت معاها مستحيل اتكلم معاها بمثل هالامور .....

 

[ليمونة كويتية]

وينكم ياحلى كويتيات ما عطيتوني رايكم ونصحتوني

 

[لحن الشموع]

الله يكون فعونج وويسر لج امورج ........اعرف وحده من ربيعاتي حالتها شرات حالتج والله مسكينه وانا دوم اكون حاضره واشهد لها بمواقف بس شوتسوين غير انج تسكتين لانج ما تقدرين تغيرين مخ امج

 

[فوز السعودية]

تحصل كثير صدقيني التفرقه لابد منها في اغلب البيوت

والله مدري ايش اقولك بس خليك مثل ما انتي لا تعاندينها الله يهديها ويصلحها

 

[_كلي دلع_]

طنشيهآ ؤمأعليكَكِ منها ..

ؤعن تصرف افكارك ححاؤلي ترؤحي لحالك لسؤق ؤحتى لو هي جت معك انسرقي ؤاشتري ؤخبيه بمككان ماتلقاه ..

ؤالله يهديهآ ؤيصلحهآ ..^

 

[نونه المنكوشه]

كبرى عقلج وطنشيها ولاتخافين الله يعلم بالنيات ويعطى كلمن ع نيته

 

[ليمونة كويتية]

طنشيهآ ؤمأعليكَكِ منها ..

ؤعن تصرف افكارك ححاؤلي ترؤحي لحالك لسؤق ؤحتى لو هي جت معك انسرقي ؤاشتري ؤخبيه بمككان ماتلقاه ..

ؤالله يهديهآ ؤيصلحهآ ..^

كنت مقرره قرار نفس اقتراحج لكن الحمدلله دامج مأيدتني
والله اني ارتحت لما اطنشها واسوي شغلي بالسر
مشكوره عالكلام الطيب :eh_s(7):

 

[ليمونة كويتية]

لحن الشموع+فوزالسعودية+كلي دلع+نونه المنكوشه
مشكورين عالمشاركة بموضوعي ونصايحكم

 

[اليدي كيكه]

عامليهاا مثل ماتعاملج هي مستقويه عليج لانها تدري انج طيبه وماتردين عليها

قوي شخصيتج وطنشيها ..وحده من صديقاتي عندها اخت مثل اختج وكانت تعاملها

مثل معاملتج حق اختج ولما غيرت من اسلوبها وبينت حق اختها اني مو محتاجه لج ولا حق

اغراضج تسنعت معها اختها ​

 

[* ليــــدي *]

إقسي عليهآ ..

 

[جلكسيه اس 3]

عامليهااا مثل ماتعاملج
و طنشي و ان شاء الله حتى لو تحتاجين شي منها. لاتطلبين و اذا طلبت منج شغله
قولي اسفه و قولي لها اشكره بين و بينج قوانين يديده تبين اهلا وسهلا. ماتبين الله معاج و قولي بعد. انا عاملتج بما يرضي الله بس خلاص تعبت منج و طبت جبدي

و نصيحه لج يا ليمونه ترا الطيب بهالمكان ينداس
عندج اول خيار انج تغيرين معاملتج معاها و الثاني انج تصبرين على لعانتها و حقارتها و كل هذا راح ينحسب لج ان شاء الله اجر

 

[عويتقة]

اسفة اختي اقولك انها استقوت عليك لانك طيبة وتعاملينها حلو مشان تفهم وتعاملك حلو هي كمان بس خلاص هي تربت على انها تقلل منك وتربت اهنا تعاندك فكل شي انتي خللي شخصيتك قوية ولو قالت لك كلمة رددي لها بصحيفة وخلليكي واتقة من روحك واشتري اغاضك خفية عليها ولا تعلميها بشنو راح تسوين اكتمي اسرارك وسدي كبتك بالمفتاح وخللي المفتاح معك دائما وخليكي قريبة من الله وصللي وادعي لها بالهداية وخللي مشاكلكم بعيدة عن الوالدة والله يسعدك

 

[am faisal]

انتى الكبيرة كبرى عقلج وطوفى يمكن معجبة بذوقج وتقلدج
الخوات بالبيت تحصل بينهم مشاكل عادى

 

[ليمونة كويتية]

عامليهاا مثل ماتعاملج هي مستقويه عليج لانها تدري انج طيبه وماتردين عليها ​

قوي شخصيتج وطنشيها ..وحده من صديقاتي عندها اخت مثل اختج وكانت تعاملها ​

مثل معاملتج حق اختج ولما غيرت من اسلوبها وبينت حق اختها اني مو محتاجه لج ولا حق ​

اغراضج تسنعت معها اختها ​

[/quo

مشكوره لاخلى ولاعدم

 

[ليمونة كويتية]

مشكوووورين لاخلى ولا عدم
ليدي كيكة وعويتقه جربت اقوي شخصيتي وبينتلها اني منغثه منها وما اطيقها ووقفتها عند حدها
وتهاوشت معاها ونقدتها بنفسها قلت عل وعسى تتعدل والحين زعلانه عليها قلت ابروح للسوق هالمره بروحي حسره علي اختار شغله تحلى بعين غيري
يعني تقريبا نفس نصايحكم لقيت نفسي مطبقتها تلقائيا عصبت وقوت شخصيتي
مشكوووووورين عالمرور
يابعد عمري انشهد انكم ماقصرتوا

 

[حكاية العشق]

هلا بأختي الغاليه
هدي حاااالش
أما بنسبه للتفرقه هذه حاصله في البيوت كثيره
اشكري الله فقد من الله عليكِ بأختك تحبك و تقلدك و إذا كنتي منزعجة إلا هذه الدرجة صارحيها بإنزعاجك من تقليدها لك وفلا تغضبي منها فهي اختك و صغيرتك اذا لاتنظري إلى الموضوع من هذه الزاوية بل انظري لها من منظور أن اختك تحبك وتراك القدوة لها .

واني كلي ثقة من أنك سوف تغيري نظرتك للموضوع وستتقبلي فكرة تقليدها .
وهدي بااالكِ عليها ومهما صار بتظل أختش
وخيرتها في اليوم من الايام بتعرف قدرش صدقيني

 

[روانتي 12]

سلام عليكم . .

أولآ : بتكلم عن لبسج للعيد . . شوفي لبسج لا تشترينه وهي موجودهه كلش ملش . . اذا قالت مو شاريه قولي لا ماني شاريه مالي خلق مو لازم . . أي شي او قولي لها بشتري بليلة العيد . . و أسكتي و طلعي بروحج على يوم من دون لا تدري و أِشتري وخلصي ولا خلصتي حطي غراضج بمكان موثوق فيه يعني مايطري على بالها تفتحه او تشوفه عندج وانتي عاد دوري اي مكان ينخش فيه . .

ثانيآ: انها تحرش امج عليج . . اذا حرشت بأي شي و اتقنت صح بتمثيل على قولتج روحي لآـآممجج و طلعي جذبها . . حتى لو ماقدرتي حاولي لين يطلع الجذب مو انتي قلتي تجذب خلاص قولي لامج متى واصلن ماصار ومن هالكلام . .

ثالثآ : تقولين ان امج تفرق بينكمم . . حبيبتي لا بُد ان نعدل . . لكن الحين نادر ماتلقين ناس تعدل . . والي مايعدل يسمى ظلم . . الظلم ظُلمات يوم القيامه . . انتي روحي لآـآمج وقولي انا بشنو أقل منها ! . . واذا مو حابه تروحين وتحافظين على هدوئج . .
ماعليج من اختج طنشيها يعني كلش الحين اهيا امج وانا مدري خليها براحتها . . تحرش تقلد تغثج تقهرج . . انتي كل ماشفتيها ضحكي بويهها . . واذا جيتي ع يوم ودشيتي صاله وسمعتيها تحرش قولي لها تفداج ذنوبي وماتغلى عليج ومشكوره ع الحسنات . .
ماعليج منها كلامها لا يودي ولا يجيب و حتى لو امج صدقت . . شي راجع لهم اهم شي نيتج تكون صافيه . . و طولي بالج
ولا تتضايقين . . نامي وانتي مظلومه ولا تنامين وانتي ظالمه . . وعامليها مثل ماتحبين ناس تعاملج لا تصيرين مثلها بالعكس صيري احسن منها صج بتقولين طيبه ماراح تنفع . . لكن ليش نتعب نفسنا وندش بمشاكل لا لها اول ولا تالي و ناخذ ذنوب عشان جم كلمه ولا جم تعامل تعاملنا مع ناس . . بالعكس خليج سيده ماعليج لا من فلانه ولا علانه . .

وعسسسى الله يهديها ويصلحها