التقينا.. وما اجمعتنا الا لندن ..2013

[موله الكويت]

الهامليز ادري ان محل للياهال بس شنو بالضبط ملابس ولا العاب؟؟
وشلون اسعاره تنصحين فيه​

 

[fofo87]

مشالله تقرير يهبل وبخاطري اروح لندن

 

[Q8_QT]

حلو تقريرج
وبإنتظار التكملة

 

[ازهار ملونه]

يعطيج العافيه على التقرير الحلو
وتسلم يمناج

 

[امرأتيه وافتخر]

روووووعه كملي كملي

 

[bnt_7waa]

متابعه

 

[مشتطـه]

عليييييييييييج بالعافيه اي صااجه والله تدلعي

انا بلندن كلش اخر اهتمامي الفندق لووول اقول لزوجي اهي كلها 8 ساعات ننام وباجي اليوم كله طالعين احجزلنا أي شي

عاد اهو يعصب هني ويقول كل هذا عشان السوق
::::

اعشق لندن وشوارعها وسكيكها

 

[الدلـــع كله]

الحمدلله ع السلامة حبيبتي

ومتاااااااااااااااااابعة

 

[نـعـومـه]

تقريرج حلووووووو

ياحلووو اجواء اوربا وخاصتا لندن بس يبيلها ميزانيه عدل

 

[sweet lady]

علييج بالعافيه حبيبتي
شوقتينا عليها لندن ما تنمل منها مع ان سنويا لندن بس هم نحن لها بكل وقت

 

[كريستال]

:eh_s(21):لندن.
:hearting:

You made my dayالدلال

ماتعرفين شكثر استانس على تقاريرج :eh_s(9):

الله يسعدج ويهنيج

اول ماشفت تقريرج صرخت يسسس يسسس واللي حوالي تخرعوا

احلى تقرير اسلوبج يجنن وتعرفين حق لندن وتحبينها ولا تلامين

اللي يحب لندن مهما يروح لها مايشبع ماشاء الله

بانتظار باقي تقريرج ومشترياتج ياذوق

والله يحفظج :eh_s(7):

 

[أم سيف وسلطان]

حبيت التقرير خفيف وبسيط وشجعتيني على لندن

كملي أختي شوقتيني

 

[الدلال]

السلام عليكم حبيباتي

ادري تاخرت عليكم

بس سامحوني عندي شوية عفسه ولوويه وسفره سريعه دبي علشان جذي تاخرت عليكم

بس ان شالله اعوضكم اليوم

 

[الدلال]

حبيباتي كل اللي دخلوا ونوروا التقرير

وراح ارد على استفساراتكم باذن الله

واذا غفلت عن اي سؤال ماعليه طرشولي على الخاص

 

[الدلال]

نكمل التقرير ...

مثل العاده بلشت يومي في pret





ياحلاتهم حتى خبزتهم تضحك ومستانسه لوووووول

تالي مثل عوايدي لازم امشي شوي واحوس واهضم الريوق قبل لا ارجع الفندق



ياحلات التدعس بالسكيك اللي منخشه واكتشاف شغلات واماكن يديده

ورجعت الفندق علشان استعد لطلعة اليوم

 

[الدلال]

اتجهنا لمحطة الباص ننتظر الباص علشان نروح وجهتنا المقصوده



حركات استعباط واحنا ننطر الباص :krkrkr:


وجان نركب الباااص ونوصل مكاني المفضل :eh_s(22):



انطلااااااااق للتسوق :ggdw:






وجان اشتري :rerrerek:



وتالي مريت فورلا بشوف جنطة معينه اذا نزلت عندهم ولا لا , واشوه لقيتها واخذتها



اهني تعبت ويعت :eh_s(1): ولابد من محطة نتزود فيها بالوقود :krkrkr:

 

[الدلال]

ورجعت مره ثانيه احوس بالمول



احبه هالمول, وبكل سفره لازم اروح له مرتين او اكثر, احس مره وحده مايكفي ...

وبعد التمشي والتسوق بهالمول الكبير حان وقت الغدا , ووصلت مطعمي المفضل اللي ما تغدا بغيره بالويستفيلد



لذيذ ونظيف وحلال ..

وهم بعد رجعت احوس بالمجمع وقبل لا اطلع بالبرد الشديد قلت ادفي نفسي بمشروب حااار >>> امبييه نمشي وناكل لووووول



هالحركه من اخراج وتنفيذ ريلي , شرايكم؟؟



هههههههه عندي ماي من الكويت ناسيته بجنطتي شال اللزقه اللي عليه وحطها على الكوب ههههههه

وتالي طلعنا من المول وتوجهنا الى فندقنا نحط اغراضنا ..

 

[الدلال]

وعقب ما حطينا اغراضنا بالفندق شفنا فيه شوية وقت قبل لا يسكرون واتجهنا الى سيلفردج



اهني تقريبا الساعه 7 المغرب

دخلنا وتمشينا واشتريت هالشي الجميل



ولازم نمر الكافيه الموجود تحت



وبعدها اتجهنا الى الفندق لان خلاص تعبنا من الصبح واحنا طالعين

وقلنا مانبي عشا نبي انام خفااف >>>> ههههههه مابقى شي ما اكلناه ههههههه

ويوم طلعنا شفت هالمحل مفتوح قلت خل ادخله بالمره على الرغم من التعب , ما اقدر اطوف شي لوووول



واخر شي رجعنا الفندق..

واهني حطيت تلفوني على الشحن علشان استعد حق باجر واصور الاماكن الحلوه اللي راح اروح لهااا وتكون احلى ذكرى

 

[الدلال]

اول ما قعدنا الصبح كان مطر ماشالله





عاد ما يحتاج اقولكم وين رحت اتريق



وبما ان الجو مطر قررنا نستخدم الاندرجراوند



انا بطبيعتي ما اسوي جدول بالسفر لحظه بلحظه قراراتي, واهني قعدت اشوف وين المحطات اللي ينزلها جان اقرر ازور البيغ بن :ggdw:



ووصلنا المنطقه المنشوده >>> عشتوو :krkrkr:

ترى تعبت على ماصورت هالصوره ههههههه




عين لندن




الجو حزتها كان بررررد من قلب ..




بغيت اقول شغله... هالمنطقه حيييل حلوه ورااقيه وفيها كذا مكان للتسوق ومجمعات صغيره وكافيهات ومطاعم وكل مره ودي اسكن فيها بس اخر شي اتردد لاني تعودت يمكن على المنطقه اللي اسكن فيها ... ودايما اقول لو بقعد بلندن شهر يم اسكن اهني بس مايندرى عني يمكن اغير رايي

 

[الدلال]

تمشينا عدل بهالمنطقه واكتشف اماكن حلوه فيهاا



لمحنا هالكافيه ودخلنا ندفي نفسنا شوي



عشتو يعني بصير صحيه واكل فواكه بس ما يشبع لووول



لمحت الخطوط الجويه السعوديه يم محطة فكتوريا

ووصلنا لي قصر باكينغهام والناس متجمعه تنطر حزة تبديل الحرس