التكاسي بالكويت تكفون بنات ضروري

[a7bkm]

مرحبا بنات الله يخليكم ابي اجابه اكيده
على هالاجابه بيتحدد اذ اقدر اجي الكويت ولالا

ابي اعرف كيف تنظام التكاسي بالكويت هل هي متوفره بكل مكان يعني مثلا طالعه من المباركيه او الافنيوز هل بلقى تكاسي؟؟

بليو فيدوني بنظامكم

طبعا انا بجيكم من الخبر واي خدمه من الخبر من عيوني :aha:

 

[cheese cake 84]

حبيبتي حياج الله تنورينا بالكويت وعن التكاسي والله انا اللي عايشه بالديره مستغربه هالشي ليييش ماعندنا تكاسي بكل زاويه مثل الدول السياحيه اللي برا شوفي نادر ماتشوفين تكسي بس انتي اخذي رقم تاكسي وتعاملي معاه يقطج مكان وان خلصتي يرجعلج وان توهقتي دقي علي امرج لووول

 

[أساور]

عندنا الاجرة الجوالة تلقينهم بكل مكان
لونهم بيج

 

[الأميرة نوره]

بس المارينا جدامها تكاسي . الباجي لا
يعني اقدر اقول __ لا التكاسي مو منتشره جدام المجمعات و الاسواق . لازم تدقيين .
انتي تعاملي مع مكتب تكاسي احسنلج .

 

[a7bkm]

مشكورين بنات الله يوفقكم يارب والله اني خايفه اروح واتوهق كله اتخيل طالعه من السوق وادور تكسي ما القى لوووووووول

بنات بليز عطوني ارقام مكاتب تكاسي مضمونه بليزز

 

[% مرت زوجها %]

اول شي حياج الله بالكويت

التكاسي تلاقينهم برا جواله بس الافضل انج تتتعاملين مع تاكسي يوديكم ويجيبكم

واكتبي بالنت " تكاسي الكويت " يطلعولج ارقام وحياج الله يالغاليه

 

[{الجارحه}]

والله ياقلبي التكاسي موجوده بكل مكان

 

[حلوى كويتيه]

انا اشوف التكاسي بكل مكان خاصة عند المجمعات

ليش نسيتو يابنات منو اللي يضايقنا بالسواقه التكاسي الهنود مثل النمل

واختي حبيت افيدج في تكسي للنساء فقط لونه وردي مشروع بنت مطيريه بس ماعرف رقمها شفة لقاءها بالتلفزيون

وحياج الله بالكويت

 

[dema76]

التكاسي موجوده بكل زاويه وكل ركن اكيد بتحصلين اول ما توصلين المطار وايد راح تلاقين بس اتوقع تكاسي المطار بس تالي تحصلين بالشوارع ومثل ما قالوا البنات ضبطي مع واحد اييلج ويوديج المكان اللي تبينه




وحياج الله بديرتج الكويت