التلقيح الصناعي .. الخوف والتوأم

[mashroma]

بنات آنا راح ألجأ للتلقيح الصناعي لأول مرة وميتة من الخوف لكذا سبب
1. خايفة من العوار (آنا جبانة من الطراز الأول)
2. خايفة ما تنجح (آنا بسرعة أتحبط وأكتئب)
3. خايفة أحمل وأجهض (أجهضت 3 مرات من قبل .. كنت آخذ منشطات)

منو جربت التلقيح داخل الرحم ونجح معاها ؟؟؟
هل أهوا مؤلم ؟؟ لاتقولون نفس الفحص لأن آنا حتى الفحص أو السونار الداخلي أقعد أبجي
أقدر أسويها بالبنج العام عشان ما أحس ؟؟
كم نسبة نجاحها ؟؟
منو سوتها ويابت توأم ؟؟؟

الله يخليكم ساعدوني وشجعوني

 

[السفيرة عزيزة]

1. خايفة من العوار (آنا جبانة من الطراز الأول)
ما يعور عادي مثل الفحص بس اخف شوي
2. خايفة ما تنجح (آنا بسرعة أتحبط وأكتئب)
كل شي بيد الله فتوكلي على الله و الله يكتب اللي فيه الخير
3. خايفة أحمل وأجهض (أجهضت 3 مرات من قبل .. كنت آخذ منشطات)
حتى الاجهاض بيد الله بس تعالي لازم تعرفين سبب الاجهاض عشان ما يتكرر

منو جربت التلقيح داخل الرحم ونجح معاها ؟؟؟
انا جربت و مره فشل و مرة نجح
هل أهوا مؤلم ؟؟ لاتقولون نفس الفحص لأن آنا حتى الفحص أو السونار الداخلي أقعد أبجي
قلت لج ما يعور بس انتي لازم تكونين ريلاكس و مستعدة نفسيا
أقدر أسويها بالبنج العام عشان ما أحس ؟؟
لا حرام بنج عام على هالسوالف ترى البنج له اثار جانبية شالله حادج
كم نسبة نجاحها ؟؟
نفس ال.................عادي
منو سوتها ويابت توأم ؟؟؟
ما اعرف

الله يكتب اللي فية الخير

 

[lollipops]

سويها وتوكلي على الله
انا بحملي الاول مات البيبي والثاني اجهاض
وقررت اخذ ابر منطشه وسويت تلقيح والحمدالله من اول تجربه حملت والحمدالله توأم ورفيجتي سوتها قبلي بجم اسبوع ومشالله هم اهي حملت من اول تجربه وهم توام وحتى نتيجه الحمل تطلع بعد اسبوعين وعوارها يدوم للحظات وتقدرين تتحملين لان ما يحتاج بنج وتجنبي اثاره الجانبيه.
جربي وانتي مو خسرانه شي واذا ما انجحت من اول مره يكون الله موقاسملج صبري وادعي واسنغفري .
وانشالله الله يرزقج ويرزقنا ويرزق الجميع شوفة الضنا.

 

[$غــ(ز)ــل$]

البنات ماقصروا
وانتي توكلي على الله
وانشااءالله تنجح وتبشرينا بحملج

 

[@@@ام حمووودي@@@]

ماعندي فكرة عن التلقيح الصناعي ,,,,,,

الله يوفقج ويرزقج انشاء الله

 

[mashroma]

مشكورين على الرد والإهتمام
الدكتور مارضى يسويلي تلقيح
يقول انجرب أبر التفجير شهرين واذا ما نفع انسوي تلقيح

منو جربت كلوميد + إبرة تفجير ؟؟؟
ممكن احمل بتوأم فيهم ؟؟؟

 

[ام حمد انشالله]

انا جربت كلوميد وابر تنشيط وابر تفجير وما حملت

 

[سينامون]

توكلي على الله حبيبتي و نصيحه امشي بالتدريج
و الله يكتب اللي فيه الخير

 

[كندوش]

الله يكتبلج مافيه الخير والصالح
توكلي على الله

 

[القطانيه]

شيييييييييييييلي الوسواس من بالج كل شي ممكن تدخليين في الا الرزق انا جربت التلقييح وحملت بتووم وبشهر الثالت الله لايورييكم ماتو ابطني سبحان الرحمن الله مو كاتبهم لي توكلي على الله ولا يعور ولا شي والله