التلقيح الصناعي وشد والم في اسفل البطن؟

[بدون بس مغتربه]

السلام عليكم
بنات حبيت اسال من سووت التلقيح وصار معاها شد والم اسفل البطن؟
هل هو فعلا من التلقيح ام من الابره التفجيريه ام الانغراس للبويضه في جدار الرحم؟؟؟

وشكرا لكم مقدما
والله يرزقنا جميع الذريه الصالحه باذن الله

 

[@محروسه@]

ان شاء الله حامل

 

[M!SS.LOBY]

الله يرزقج بالحمل

 

[بدون بس مغتربه]

ان شالله ربي يسمع منكم ويرزقكم ان شالله بالذريه
انا للحين احس ب الام اسفل بطني

 

[Royof]

حبيبتي

رفيجتي مسويه تلقيح لازم تنامين على ظهرج لين يبين ان صار حمل و عادي هاذي الالم كانت تقولي عن هالالام

 

[مسك أبيض]

انا كنت احس بالالام اسفل البطن وشد خصوصا الليل استمر اسبوع و اختفى بس ماطلعت حامل ، ان شاءالله تكونين حامل يارب

 

[بدون بس مغتربه]

انزين ماكوو وخده حملت وبين معاها الاعراض؟

الله يرزقنا جميع

 

[M!SS.LOBY]

ربي يسهل عليج

 

[HoD'HoD]

انا سويت تلقيح من قبل وحسيت بالشد ونغزات تعور اسفل البطن وتأخرت علي الدورة ١١ يوم اول مرة بحياتي تتأخر جذي بس للاسف ماحملت ..

وثالث حمل لي حسيت بنفس الاعراض وطلعت حامل معنه كان حمل طبيعي مو تلقيح ..

الزبدة لا تعتمدين على الاعراض لان اعراض الحمل والدورة نفس الشي وربي يرزقج يارب بالذرية وان شاءالله تكونين حامل

 

[M!SS.LOBY]

سبحان الله وبحمده

 

[بدون بس مغتربه]

السلام عليكم
ومشكورين جميعا...

انا قريت وايد بالنت واستكشفت انه الام والشد من اله فتح الرحم والاعراض من الابره التفجيريه... الابره بسببها تخلي الوحده تحس باعراض الحمل ويقولون حتى لو تسوين تحليل بول عز القارئ يطلع ايجابي يعني حامل فعشان جذي ينتضرون بعد اسبوعين بعد العمليه يلااا يسوون فحص.


للي حابه تستفيد من الموضوع. وشكرا

 

[بدون بس مغتربه]

وعلى فكره انا من سويت العمليه تحركت بس اول يومين ريحت وبعدين عادي المهم مااشي شي ثقيل..
وان شالله ان كان فيه شي جديد راح اكتب واذا في بعد عضوات عندها تجارب خل تكتب لنا....

 

[HoD'HoD]

صح كلامج الابرة التفجيرية فيها نسبة هرمون حمل عشان جذي ينطرون وبعد اسبوعين سوي تحليل هرموني مو دم عادي لان بالدم العادي راح يطلع ايجابي لو كان فيه نسبة قليله من الهرمون من الابرة

انا صار معاي جذي ولما سويت الهرموني طلعت النسبة اقل من الطبيعي ماكو حمل

 

[بدون بس مغتربه]

انزين من صار معاها حكه من المثبتات؟
او من بعد رابع يوم من التلقيح
انا كل جسمي يحكني؟؟؟؟؟؟؟؟؟؟؟؟؟

 

[M!SS.LOBY]

سبحان الله العظيم

 

[om_ibrahim]

ما قريتي الأعراض الي تنتج عنه المثبتات راح تعرفين السبب من الورقة الموجودة بالدوا

 

[سمراء كويتية]

الأعرض مو شرط أساسي لا تعتمدين عليها كل شي يبين بالتحليل و ان شالله تبشرينا

 

[M!SS.LOBY]

الله يبشرج بالخير

 

[بدون بس مغتربه]

الاعراض اعراض تكييس صار وتوها نزلت الدوره
الحمدلله على كل حال