التمر واللبن من 20/6/2009 لمده اسبوع واحد فقط !!

[ياعيونك]

هاي ياحلوين


انا ببلش رجيم التمر واللبن مع نسكافيه

من باجر


واليوم بخليه بس احاول اتاقلم على التمر وجذي


منو حابه تشارك ومدته اسبوع


شرايكم ؟


انتظر المشاركات


--------------قمه الاحباط​

 

[روعة خيال]

يلا انا معااج

 

[عسووولة]

احس التمر واللبن عوار حق البطن

 

[مهموومه]

زين قوليلي جم كيلو وشنو ناكل ونشرب ابي النضام عشان اعرف
وبعها اقولج اوكي

 

[روعة خيال]

نجرب شورانا

 

[داهية مطير]

امممممممممممم انـااا سـاامعهـ فيهـ بس جم حبة تمـر وجم قلاص لبن ممكن تردين علينـاااا

 

[شوارفسكيه حمره]

انا قبل جربت رجيم التمر 21 تمره
توزعينهم على 3 وجباات يعني 7 الصبح و7 الظهر و7 بليل

 

[baby johnson]

والله جني معاااااااااااكم
سويته الاسبوع اللي طااف وطفحت تمر ولبن كررررهت اصلي لووول
بس ترى يضعف

 

[LUXURY]

موفقين
اهو 21تمره مع 3قلاصات لبن توزعينهم على 3 وجبات
انتوا شربوا قهوه بين الوجبات
واخذو ملتي فايتمن
وصج يضعف

 

[BiiShOoO]

ان شاء الله الله يسهل عليكم

 

[الاخلاص]

ها شصار ضعفتووو

 

[FuLL.MooN]

السلام عليكم مساء الخير صبايا ابي أحد يكون مجربه صار فوق الشهر أو يكونون الل مجربينه أوزانهم فوق ال 100 يعني محتاجين 20 كيلو وطالع ... احد جربه ؟

 

[هاديهـ&مطيعهـ]

كانت في تجربه للأخت حنوشه الحلوه فقدناها والله نزلت 10 كيلو ب 14 يوم ماشاء الله ترى روعه هالرجيم عجييييييييييييب

 

[الحمــ Bent ــايل]

أنا بديت فيه اليوم

وبقوووووووووووولكم شيصير معاي

 

[مبروكة و محظوظه]

بنات انا امتن وحده وزني 107 ارحمووووووووووني ابي اضعف نصي

 

[ليانة]

انا سمعت ان هالريجيم صح يضعف بسرعه بس تردين الوزن دبل ان تركتيه

 

[FuLL.MooN]

السلام عليكم صباح الخير شلونكم
وااااااااي وديت بنت اختي المطار بتسافر المانيا شفيت على السفرة أكثر منها ودي اسافر بروحي اهاجر 6 اشهر وأرد محظوظة انا امتن منج انا 117