التنظيفات منو يسويها ؟دكتور و لا ممرضه و لا الطوارئ ولا...

[عيون ملكيه]

تحسون وحده عليميه من استفساراتي الغريبه ماعليه تحملوني قلبي انتو و طولو بالكم علي
الحين انا ما نزل العوار مني و على كلام الدكتوره بعد العيد لازم ادخل المستشفى

ألحين لمن ادخل المستشفى شنو يسوون ؟
شنو يصير يعني يعطوني دوا جذي مثل الافلام و الطه و دقيقه و يعورني بطني وينزل الجنين؟

ولا يسدحوني بغرفة العمليات
ولا شنو يصير ؟

شنو لازم آخذ وياي
راح ينوموني و لا يالله رجعي البيت خلاص؟

و التنظيف يعور ؟
بنات قمت اتخيل مثل افلام الخيال العلمي جذي وايرات طالعه من بطني وااي !!!

كل وحده عانت مثلي من الاجهاض وسوت تنظيفات او ماسوت تقول تجربتها

:eh_s(8):

 

[برميت]

انا اتذكر اختي عطوها طلق صناعي و خلوها تطلق و بعدين كمام و نامت و سوو التنضيفات
طبعا دكتورة الي تسوي التنظيفات
و كاهي اسم الله عليها مو قادره تنام من صياح ولدها الله يحفظه
ربي يعوضج و يمسح على قلبج

و لا تنسين تدعين بوقت الطلق

 

[عيون ملكيه]

فدييييييتج

شهيتيني بالبرميت

يعني كمام و درب !!!

الله يخلي ولد اختج و يرزقها مثله 4 بنات و 4 صبيان

 

[عيون ملكيه]

واي بنات وينكم

عساكم ما تعيشون الحاله اللي انا فيها

 

[elpinkya]

حملج صغير!؟

انا لما اجهضت بالشهر الثالث ما عطوني طلق ولا شي دخول و سويت العمليه طبعا دكتور الي يسويها و بنج عام

و تطلعين ثاني يوم و اقل بعد

انا سويتها ١٠ بالليل و ١٢ الظهر طلعت من المستشفي

تعور لا بس تحسين بتقلصات مثل الدوره

و الله يرزقج ان شالله و يعوضج خير يا رب

 

[عيون ملكيه]

البنكيه والله انتي ام الخبره ههههههههههه فديتج بس هذه العضوه ميته من الخوووف -----> آنا


يعني نزل عليج دم ؟ و لا بدون دم ؟

شنو حسيتي فيه لمن دخلوج ؟؟؟


ادري والله ادري قثيتكم بأسئلتي
انا اهووون


لا تشوفون امي

امبيه امبيه

تقولي شلون يعني تنظيفات و حماتي تقولها يدخلون مثل المكنسه و يشفطون
و امي تكركر
و خالتي تضحك و انا مثل المسطوله

و اشرب دارسين و زعتر !

بنات الخبره الخبره ابي احط تصور و سيناريو و حوار للي ممكن يصييييير


واااااااااااي ميته ميته خوووف

 

[elpinkya]

ههههههه لا مكنسه و لا شفط


الموضوع كله في أداة يبطلون فيها الرحم اذا مصكر و بعدين يدخلون مثل القفشه صغيييييييره

و يسون كحت للجنين و الجيس و بطانه الرحم و بس كان الله غفورا رحيما

و العمليه ترا كلهااا علي بعضها ١٠ دقايق ربع ساعه و انتي طالعه و بعدها ساعه بالافاقه و تصعدين الجناح


و ان شالله مافيج الا العافيه يا رب

 

[@ام يوسف@]

حملج صغير!؟

انا لما اجهضت بالشهر الثالث ما عطوني طلق ولا شي دخول و سويت العمليه طبعا دكتور الي يسويها و بنج عام

و تطلعين ثاني يوم و اقل بعد

انا سويتها ١٠ بالليل و ١٢ الظهر طلعت من المستشفي

تعور لا بس تحسين بتقلصات مثل الدوره

و الله يرزقج ان شالله و يعوضج خير يا رب

ههههههه لا مكنسه و لا شفط


الموضوع كله في أداة يبطلون فيها الرحم اذا مصكر و بعدين يدخلون مثل القفشه صغيييييييره

و يسون كحت للجنين و الجيس و بطانه الرحم و بس كان الله غفورا رحيما

و العمليه ترا كلهااا علي بعضها ١٠ دقايق ربع ساعه و انتي طالعه و بعدها ساعه بالافاقه و تصعدين الجناح


و ان شالله مافيج الا العافيه يا رب

صاجه وانا بعد اول حمل لي اجهضت بالشهر الثالث ونفس اللي صار لي بالضبط

 

[HaMboOoSha]

الله يعينج حبيبتي
ويارب يرزقج باللي احسن منه
عليج بالدعاء وكل شي سهالات حياتي

 

[سموره 87]

انا سويتها قبل جم شهر دخلت عمليات وبنج كامل ثلث ساعه وانا خالصه وقعدت بالافاقه ساعه سويتها على وحده ظهر وطلعت سبع ونص بالليل وبس
وماتحسين بعوار ولاشي

 

[عيون ملكيه]

الله يعوضكم يارب بطفل كامل الخلق و الأخلاق

 

[La t7atini]

ماعررف
عسى ربي يعوضج

 

[ناتشوو]

الله يعوض عليج

مريت بنفس حالج اول حمال لي كان
جنين ميت بشهرين او اقل
ومانزل شي
فاحتجت تنظيفات
رحت دار الشفا
عند دكتورة معصومة
بنج كامل
ماحسيت بأي شي
لا قبل التنظيفات ولا بعدها
سهالات لا تحاتين
نفس وضعي بالضبط
علشان جذي حاسة فيج عدل

 

[ميشووو]

انا مو خبره


بس ليش تنطرين لين بعد العيد >> ليش مو اليوم تروحين وتسوينها ؟؟؟ مستغررربه

 

[دمثة]

الله يسهل امورج